1 Samuel 4:4 - সান্তালী বাইবেল

⁴ Onate onko do Silote hoṛ kolkate sanam daṛean Probhu Isor, okoe do Kerubkin talareye tahenkan, uniyakʼ goha sindukko ạgukeda. Isorakʼ ona goha sinduk sãote Eliren hopon Hopni ar Pinehas tạkin hõkin tahẽkana.

1 Samuel 4:4 Iomraidhean Croise

2 Samuel 15:24

Raj do tinre nagraha khone oḍok calakʼkan tahẽkana unre naeke Sadok ar sanam Liwiko hõ uni sãoteko tahẽkana. Liwiko do Isorakʼ goha sindukko gokʼ idiyetʼ tahẽkana. Ar nagraha khon sanam hoṛ ạuriko oḍok hijukʼ hạbicʼ Liwiko do Isorakʼ sindukko dohokeda ar naeke Abiathar hõ onko sãoteye tahẽkana.

2 Samuel 6:2

Dạud ar uniren sanam hoṛko Isorakʼ Sinduk do Bakʼale Jihudạ khon Jerusalemte idi lạgitʼ Bakʼal Jihudạ khonko mohnḍayena. Niạ sinduk do sanam daṛeanicʼ Probhu Isor ńutumte oprom tahẽkana, ente Probhu Isor do sindukren Kerub kin talareye tahẽnkana.

2 Rapajko 19:15

Ar Hiskiạ do Probhu Isor ṭhen noae koekeda, “E Probhu Isor Israelkoren raj, am do Kerubkin talarem tahẽnkana, ar am eskarge dhạrtiren sanamakʼ rajosṭiren Isor kanam. Am do serma ar otem benao akada.

Sereńko 80:1

E Israelren gupiyicʼ, am do aleakʼ katha luturakʼme; am do Joseph bõsrenko bhiḍi pal lekam ạyuretʼkoa. Am, one Kerub cetanrem duṛupʼ akan, ar amakʼ marsal baṛe bamber ocoyme.

Sereńko 80:2

Am do Ephrayim, Benjạmin ar Manasi samaṅre amakʼ daṛe rakapʼ ocoytam ar ale bańcaole lạgitʼ dela hijukʼme.

Sereńko 99:1

Probhu Isor doe raj kana; sanam jạtrenko thar tharaokʼma. Uni do Kerubkin cetan siṅghạsonreye duṛupʼ akana; ar dhạrti do dalmalaokʼma.

Jesaea 37:16

“E Probhu Israelkoren raj, am do Kerubkin talarem tahẽnkana, ar am eskarge dhạrtiren sanamakʼ rajosṭiren Isor kanam. Am do serma ar otem benao akada

Malaki 1:9

Ńitokʼ Isor ṭhen daya khojkate cetʼ lab? Apeakʼ tite nonkanakʼpe samaṅetʼ khan uni do cetʼ ape bae nihạ̃tpea? Ańjompe, phạdkoren Probhu Isor katha, uni okae menetʼ,

Numeri 4:15

“Aron ar uniren hoponko tinre noa sonot jinis ar sonot ṭhạ̃i reakʼ asbab poṭom reakʼ kạmiko sạta ar hoṛko hõ ḍera samṭaokate uṭhạukʼ lạgitʼko sapṛaokʼa unre Kohatren hoponko do noako gokʼ idi lạgitʼko hijukʼa. Menkhan onko do sonotakʼ okaṭakʼ jinisge bako joṭetʼ daṛeakʼa. Arko joṭetʼ lekhan onko doko gujukʼa. Ńapamokʼ tạmbure okako jinis tahen ona do Kohatren hoponkoko gokʼ idiya.

Numeri 4:5

Ḍera uṭhạukʼre Aron ar uniren hoponko do sekʼwa tạmbu bhitrite bolokate goha sinduk reakʼ dapalakʼ orwal raṛa pheḍkate onate sindukko poṭoma.

Numeri 7:89

Ona tayom Mose do tinre Probhu Isor tulucʼ galmarao lạgitʼ ńapamokʼ tạmbuteye bolokʼkan tahẽkana unre sekʼwa sindukre menakʼ daya duṛupʼakʼ cetan Kerubkin tala khon uniyakʼ aṛaṅ do Moseye ańjometʼ tahẽkana. Ar nonkate Probhu Isor do Mose tulucʼe galmaraoetʼ tahẽkana.

1 Samuel 1:24

Ado gidrạ toa nunui bạgiketʼ khan Hanna do pea ḍaṅgra, gel irạl keji holoṅ, harta reakʼ thulire mitʼ thuli darkha rasa ar gidrạ soṅgekate Silote Probhu Isorakʼ oṛakʼteye calaoena. Unre gidrạ do huḍińgeye tahẽkana.

1 Samuel 14:3

onko modre do Ahiạ ńutuman mitʼ hoṛe tahẽkana ar uniyakʼ hoṛmore do ephod tahẽkantaea. Ahiạ do Ehiṭubren hopone tahẽkana, ar Ahiṭub do Ikabotren boehae tahẽkana, ar Ikabot do Pinehasren hopone tahẽkana ar Pinehas do Eliren hopone tahẽkana; ar Eli do Silore Probhu Isorren naekeye tahẽkana. Unre Jonathanakʼ oḍok calakʼ reakʼ katha do okoege bako baḍaekan tahẽkana.

1 Samuel 2:22

Eli do unre ạḍiye haṛam akan tahẽkana. Ar Israelko tulucʼ acʼren hoponkinakʼ beohar reakʼ katha ar okoeko maejiu do sapʼsosor kạmi lạgitʼ ńapamokʼ tạmbu reakʼ duạr ṭhenko hijukʼkan tahẽkan onko tulucʼ loṭghuṭi reakʼ katha hõ uniyakʼ luturre hecʼena.