1 Samuel 4:3 - সান্তালী বাইবেল

³ Ado Israelren lạṛhại phạdko akoakʼ ḍerateko ruạṛ calaoen khan onkoren murubbikoko metatʼkoa, “Philsiṭiko ṭhen Probhu Isor do cedakʼ teheńe bhagao ocoketʼbona? Dela, Probhu Isorakʼ goha sinduk do Silo khon bon ạguiya jemon Probhu Isor do abo sãote tahẽkate bạirikoakʼ ti khone rukhiyạ bon.”

1 Samuel 4:3 Iomraidhean Croise

2 Samuel 15:25

Ado sanam hoṛko oḍoken khan Raj do Sadoke metadea, “Isorakʼ sinduk do nagrahate idi ruạṛ me. Ente Probhu Isorre dayań ńamle khan uni doe ruạṛ idiyińạ ar noa sinduk ar uniyakʼ tahen ṭhạ̃i arhõe ńel ocoyińạ.

1 Bõsbudạ 17:1

Raj oṛakʼre girobasokʼ jokhecʼ mitʼdin Dạud do Nathan nạbiye metadea, “Iń do debdạru kaṭ reakʼ oṛakʼreń tahenkana menkhan Probhu Isorakʼ bondobos sinduk do tạmburege menakʼa.”

Sereńko 74:1

E Isor, jaejug lạgitʼ cedakʼem bạgi giḍi akatʼlea? Amakʼ ạtiń ṭạnḍiren bhiḍiko upạrte cedakʼ amakʼ edre reakʼ seṅgel do sarsaokʼ kana?

Sereńko 74:11

Cedakʼ amakʼ ti, ona amakʼ jojom ti dom okoyetʼtama? Ona do kokha khon oḍoktam ar onko caba utạrkom.

Jesaea 50:1

Probhu Isore meneda, “Eṅgamakʼ bapag dolel do okare menakʼa, one okaṭakʼteń bạgikede? Ińren mahajonko modre okoe ṭheniń ạkhriń akatʼpea? Apeakʼ kại iạtege ape dope ạkhriń akana; apeakʼ behokakʼ lạgitʼge aperen eṅgam doe bạgi ocoakana.

Jesaea 58:3

Onkoko meneda, ‘upạs akadale ar bam ńelletʼlea? Kosṭokʼ kanale ar bam moneyakʼlea? Menkhan ńelpe, apeakʼ upạs reakʼ dinre apeakʼ hạ̃sgepe ńam bakʼṛakana, ar aperen kạmiyạko cetanrepe julumeda.

Jesaea 59:1

Ńelpe, Probhu Isorakʼ ti do baṅ khaṭotaea abo bańcao bon lạgitʼ; uniyakʼ lutur hõ baṅ goṛdhotaea aboakʼ ańjomta bon lạgitʼ.

Jesaea 59:2

Menkhan apeakʼ kạige aperen Probhu Isor ṭhen khone begar akatʼpea. Apeakʼ ghạṭ iạtege uni doe dea giḍiakatʼpea; ar onatege bae ańjometʼtapea.

Jirimiạ 3:16

Ona jokhecʼ disạmre aperen hoṛkoakʼ lekha tinre ḍher idikʼa unre hoṛko do Probhu Isorakʼ bondobos sinduk reaṅ ar do bako roṛ baṛaea. Uniyakʼ katha doko hiṛiń cabaya ar disạ hõ bako disạya; ona do bako khojogokʼa, ar benao hõ bako benaojoṅa.

Jirimiạ 7:4

Probhu Isorakʼ oṛakʼ ńutumte oka eṛe katha roṛogokʼkan onare do alope bhorsakʼa.

Numeri 10:33

Nonkate Israelko do Probhu Isorakʼ buru khonko mohnḍayente pe din reakʼ horko sen idiyena. Ar jirạukʼ lạgitʼ mitʼṭecʼ jaega sendra ńam lạgitʼ Probhu Isorakʼ bondobos sinduk do pe din hạbicʼ onko laha lahate sen idiyena.

Numeri 10:35

Goha sinduk tinre mohnḍakʼkan tahẽkana unre Moseye menetʼ tahẽkana, “E Probhu Isor de beretʼme. Amren bạiri doko chirchạtur cabakʼma ar okoe amko kurudamkan onko do am samaṅ khonko ńir pharakokʼ ma.”

Numeri 31:6

Ar Mose do mimitʼ gusṭiko khon mitʼ hajarkate hoṛ hataokate lạṛhại lạgitʼe kolketʼkoa. Onko sãote naeke Eleasarren hopon Pinhas hõ lạṛhại lạgitʼe kolkedea. Uni do thoṛa sonot jinisko ar pẽpṛẽtʼkine soṅge torakeda.

Dosar Biboron 29:24

Ona ńelte eṭakʼ sanam jạtren hoṛko mena, ‘Probhu Isor do cedakʼ noa disạm doe nonka akada? Cedakʼ uniyakʼ noa jaljalao edre do?’

Dosar Biboron 31:26

“Ạn-ạri reakʼ noa puthi idikate Probhu Isorakʼ bondobos reakʼ sinduk aṛere dohokakʼpe. Noa do Israelko upạrte goha leka tahena.

2Timothi 3:5

Onkoakʼ bahretetʼem ńelle khan Isor bhokti menakʼtakoa mentem bujhạukea, menkhan Isor bhokti reakʼ daṛe do bako aṅgoceda. Nonkan hoṛko khon do pharak akae tahenme.

Ibriko 9:4

Noa hạṭińre dhup jered lạgitʼ sona reakʼ pinḍ ar bondobos reakʼ sunduk tahẽkana. Ona sunduk do beṛhaete sonate tolakatʼ tahẽkana. Ar ona cetanre sona reakʼ bhajanre dohoakatʼ Manna, ar Aronakʼ oka ṭheṅgare baha bhoṭokʼlen ona ṭheṅga, ar bondobos olakʼ dhiri reakʼ barea paṭa.

Josuạ 6:6

Unre Nunren hopon Josuạ do naekeko hohowatʼkoteye metatʼkoa, “Ape do goha-sinduk gogpe ar eae naekeko do eae goṭecʼ sakwa sapʼkate Probhu Isorakʼ sinduk laha lahateko calakʼma.”

Josuạ 7:7

Josuại menkeda, “E Probhu Isor, noko jạtrenko jordan gaḍa paromkate cedakʼ maraoko lạgitʼ Amorikoakʼ tirem jimạketʼkoa? Hae ale do jordan hanasa regele bhagele tahẽkana!

Josuạ 7:8

E Probhu Isor, bạiriko ṭhen Israelkoko bhagao ocoyen tayom do ar mementeakʼ cetʼ menakʼtińạ?

1 Patras 3:21

Noa do hoyokʼ kana bạptisma reakʼ mitʼṭecʼ nạmuna one okaṭakʼte ńitokʼe bańcaope. Bạptismate apeakʼ hoṛmo khon mạilại ocokʼ giḍi daṛeakʼa ona do baṅ; Isor ṭhen noa do mitʼṭecʼ bhage bibek reakʼ hohokana. Ape do Jisu Mạsiyakʼ gujukʼ ar jiwetʼ beredokʼ hotetepe bańcao ocoakana.

Jihudạwakʼ ciṭhi 1:5

Ape do noako reaṅ bestegepe baḍaegea; enrehõ iń do noako kathań disạ ocoyetʼpe kana je, Misor disạm khon Israelko bańcaokate ạguko tayom okoe bako pạtiạulen Probhu Isor do onkoe ḍahao maraoletʼkoa.

1 Samuel 1:24

Ado gidrạ toa nunui bạgiketʼ khan Hanna do pea ḍaṅgra, gel irạl keji holoṅ, harta reakʼ thulire mitʼ thuli darkha rasa ar gidrạ soṅgekate Silote Probhu Isorakʼ oṛakʼteye calaoena. Unre gidrạ do huḍińgeye tahẽkana.

1 Samuel 14:18

Sạul do Ahiyại metadea, “Am do Isorakʼ sinduk ạguiyme.” (Onako dinre sinduk do Israelko ṭhenge tahẽkana.)

1 Samuel 4:2

Unre Philisṭiko do Israelko upạrte lạṛhại phạdko sapṛaoketʼkoa. Ar lạṛhại ehopʼen khan Israelko do Philisṭiko ṭhenko bhagao ocoyena. Lạṛhại ṭạnḍire Philisṭiko ṭhen Israelren pon hajar phạdko gocʼocoyena.