1 Samuel 4:20 - সান্তালী বাইবেল

²⁰ Unre uni doe gujukʼkan tahẽkana ar okoe maejiuko uni ṭhenko tahẽkan onko do uniko metadea, “Alom botorokʼa, amren do koṛa gidrại hoyakana.” Menkhan uni do cetʼge bae roṛ ruạṛleda ar jãhãn kathage bae moneyada.

1 Samuel 4:20 Iomraidhean Croise

Genesis 35:16

Ona tayom Jakob ar uniyakʼ gharońjrenko do Bethel khonko mohnḍayena. Ar Ephrat reakʼ horte thoṛa sạṅgińko senen khan Rahel do bedon rakapʼadea ar ạḍi kosṭokʼe ehopʼena.

Sereńko 77:2

Iń do muhinre Probhu Isoriń hohoadea; ar ńindạ jokhecʼ ińakʼ ti do Isor secʼ tul akan tahẽkana, ar iń do bạń laṅgakʼkan tahẽkana; ar ińakʼ ontor do jiwi raṛecʼ bae ńametʼ tahẽkana.

Johan 16:21

Maejiu do gidrại janame jokhecʼ kosṭoe ńama, ente uniyakʼ okte do seṭerentaea. Menkhan gidrại janamlere, dhạrtire mitʼṭen nãwã manwae hecʼen reakʼ rạskạte ona kosṭo do ar bae disạea.

1 Samuel 4:19

Eliren kimintetʼ, metakʼme Pinehasren bạhu do unre bhạrti hoṛmoe tahẽkana ar khalasokʼ reakʼ din do sor hecʼ akantae tahẽkana. Isorakʼ sinduk bạirikoakʼ tire senakan ar uniren hońhartetʼ ar jãwãetetʼkin gocʼ akan reakʼ sombate ańjomketʼ sãote uni do bedon rakapʼadea. Are sombotʼenteye khalasena.