1 Samuel 4:18 - সান্তালী বাইবেল

¹⁸ Isorakʼ goha sinduk reakʼ katha ańjomtora Eli do phaṭok duạr aṛere acʼakʼ mạci khon tayom secʼe guṛdạu ńurena. Onate uniyakʼ hoṭokʼ do rạputʼentaea are gocʼena, enteye haṛam thalakʼ thulukʼ caba akan tahẽkana ar hoṛmo hõ bhạrige tahẽkantaea. Uni do pongel bochor Israelkoakʼe bicạrletʼtakoa.

1 Samuel 4:18 Iomraidhean Croise

Sereńko 26:8

E Probhu Isor, am oka oṛakʼrem tahenkan, onḍege amakʼ ṭhonok hõ tahẽnkana, ar ona ṭhạ̃i do ińiń kusiyakʼ kana.

Sereńko 42:10

Ińren bạiriko landa dhutʼạńte tinreko mitạńa, “Okayenae amren Isor do?” Unre ińakʼ dosa do jaṅko gejerokʼ leka hoyokʼ kantińạ.

Sereńko 42:3

Ińakʼ mẽtʼ dakʼ do ińakʼ din hilokʼ reakʼ jomakʼ hoyakantińạ; ar hoṛ hõko mitạń kana, “Okayenae amren Isor do?”

Sereńko 69:9

Amakʼ oṛakʼ lạgitʼ ińakʼ oka dulạṛ menakʼ, ona dulạṛge ińakʼ ontor doe jaljalao ocoyeda. Ar okoe amko bemanotetʼme onkoakʼ sanam opomange ińre paṛaokʼkana.

Levitikus 10:3

Unre Mose do Arone metadea, “Probhu Isore meneda, ‘okoe iń ṭhenko hijukʼ onko do sonot mente jemonko manaoiń. Ar sanam hoṛko samaṅre jemon iń ṭhonokokʼ.’ ” Ar Aron do hapegeye tahẽyena.

Bikʼcạrko 15:20

Philisṭiko oktere Samson do bargel bochor Israelkoakʼe bicạrketʼtakoa.

1 Samuel 4:13

Uni do tinre Siloteye seṭerena unre Eli do hor aṛere acʼakʼ mạcireye duṛupʼ akan tahẽkana. Uni do andmandao monteye koyokʼ hor akatʼ tahẽkana, ente Isorakʼ sinduk lạgitʼ uniyakʼ koṛam do dhak dhakaokʼ kantae tahẽkana. Ar uni hoṛ do tinre nagrahate bolokate jotowakʼ katha hoṛkoe baḍae ocoketʼkoa unre onko talare rakʼjoṅ ar kạuạ rạuạ ańjomena.

1 Samuel 4:17

Okoe hoṛ sombate ạguketʼ uni doe menkeda, “Philisṭiko samaṅ khon Israelko doko dạṛkeda ar ạḍi utạr hoṛko gocʼ ocoakana. Amren banar hopon Hopni ar Pinehas hõkin gocʼ ocoyena ar Isorakʼ sinduk hõ bạirikoko idikeda.”

1 Samuel 4:19

Eliren kimintetʼ, metakʼme Pinehasren bạhu do unre bhạrti hoṛmoe tahẽkana ar khalasokʼ reakʼ din do sor hecʼ akantae tahẽkana. Isorakʼ sinduk bạirikoakʼ tire senakan ar uniren hońhartetʼ ar jãwãetetʼkin gocʼ akan reakʼ sombate ańjomketʼ sãote uni do bedon rakapʼadea. Are sombotʼenteye khalasena.