1 Samuel 3:3 - সান্তালী বাইবেল

³ Ar Isor ńutumte okaṭakʼ diuhe jeretʼ tahẽkan ona do un hạbicʼ hõ baṅ ĩṛĩcʼ akan tahẽkana. Unre Samuel do Probhu Isorakʼ oṛakʼreye giticʼ akan tahẽkana. Ona oṛakʼre Isorakʼ goha sinduk tahẽkana.

1 Samuel 3:3 Iomraidhean Croise

2 Bõsbudạ 13:11

Onko do dinạm hilokʼ setakʼ ar ạyupʼ jokhecʼ Probhu Isor ńutumte jeredokʼ samaṅokʼakʼko samaṅeda ar jut so dhupko jeretʼeda. Onko do saphawakʼ ṭebilre dohoakan samaṅakʼ piṭhạko sajao dohokakʼ kana ar din hilokʼ ạyupʼ jokhecʼ sona reakʼ diuhe dohowakʼre diuheko jeretʼeda. Ale do aleren Probhu Isorakʼ hukum lekatele kạmikana, menkhan ape do unipe bạgi giḍiakadea.

Sereńko 27:4

Probhu Isor ṭhen mitʼṭecʼ iń nehõrokʼ kana; ar okaṭakʼ iń khojokʼ kan ona do niạge ińakʼ goṭa jionre jemon Probhu Isorakʼ oṛakʼreń tahẽdaṛeakʼ, ar uniyakʼ ṭhonokiń ńel daṛeakʼte ona mundilre uni reaṅiń dhen daṛeakʼ;

Sereńko 29:9

Probhu Isorakʼ daṛe do ela darekoe mocṛa mucṛi ocoyeda, ar birkoe khaḍea ocoyeda; uniyakʼ mundilre jotowakʼgeye meneda, “Uni doe ṭhonokgea.”

Sereńko 5:7

Menkhan iń do amakʼ asambheṛ dayateń bolokʼa, ar amakʼ sonot oṛakʼ secʼ samaṅkate botoram tulucʼ iń ombagokʼa.

Exodus 25:31

“Khạṭi Sonate mitʼṭecʼ diuhe reakʼ dohowakʼem benao ocoya. Ona reakʼ latar hĩs ar ona khon rakapʼ akan ḍạnḍiko hõ sona reakʼtem benao ocoya. Ar baha leka bạṭiko, ḍombeko ar bahako do diuhe dohowakʼ khon oḍok hijukʼa ar ona joto do benao mitʼge tahena.

1 Samuel 1:6

Probhu Isore nonka akatʼ tahẽkante uniren hirạmtetʼ do ạḍiye khijlạuede tahẽkana ar uniyakʼ monkoe haṛhatʼ ocoyetʼtae tahẽkana.

1 Samuel 1:9

Mitʼdin Hanna do Siloreye tahẽkanre jom ńũ baṛakateye beretʼena ar mundilteye boloyena. Unre naeke Eli do Probhu Isorakʼ oṛakʼ reakʼ duạr ṭhenakʼ mitʼṭecʼ mạcireye duṛupʼ akan tahẽkana.