1 Samuel 3:2 - সান্তালী বাইবেল

² Un jokhecʼ Eliyakʼ mẽtʼ do nunạkʼ nijor idiyentaea, uni do ṭhikleka bae ńeńelkan tahẽkana. Mitʼ din ńindạ Eli do acʼakʼ jaegareye giticʼ akan tahẽkana.

1 Samuel 3:2 Iomraidhean Croise

Genesis 27:1

Haṛam umerre Isahak do mẽtʼ reakʼ ńeńel daṛe nunạkʼ kom idiyentaea, uni do ar bae ńeńelkan tahẽkana. Uni do mitʼ din acʼren maraṅicʼ hopon Esau hohoadeteye metadea, “E beṭa.” Esaue roṛ ruạṛkeda, “Hẽ baba.”

Genesis 48:10

Haṛam umerre mẽtʼte ńel reakʼ daṛe komao idiyente Israel do mońjte bae ńeńelkan tahẽkana. Onate Joseph do acʼren banar koṛa acʼ baba ṭhene ạguketʼkinạ. Unre Israel do unkin hạṛupʼkateye cokʼatʼkinạ.

Genesis 48:19

Menkhan apattetʼ doe menkeda, “Iń doń baḍaegea. Uni hõ maraṅe hoyokʼa ar uni bõsren hoṛ do mitʼ jạtrenko hoyokʼa. Menkhan huḍińicʼ boeha do uni khon hõ maraṅe hoyokʼa ar uni bõsren hoṛko khon ạḍi utạr jạtrenko hoyokʼa.”

1 Rapajko 14:4

Jerobiamren bạhu do ona lekageye kạmikeda ar Silote Ạhiạwakʼ oṛakʼteye senena. Unre Ạhiạ do nunạkʼe haṛam thalakʼ thulukʼ caba akan tahẽkana; uni do mẽtʼte hõ bae ńeńelkan tahẽkana.

Sereńko 90:10

Aleakʼ bahaokʼ din do eken eae gel bochor, ar ḍher khan do irạlgel bochor hõ hoyokʼa; aleakʼ bahaokʼ din jãhãtinạkʼ dinge hoyokʼ onare do eken duk ar kosṭoge menakʼa; bochor do parom calao godokʼkana ar ale hõle maraokʼkana.

Sosolhayic̕ 12:3

Unre oṛakʼ horhokin dokin thar tharaokʼa, ar daṛean hoṛ dokin kubjạkʼa; guhum riritʼko doko thoṛakʼa. Ar khiṛki duạr khon oyoṅetʼkan kin dokin ạndhuạkʼa.

1 Samuel 2:22

Eli do unre ạḍiye haṛam akan tahẽkana. Ar Israelko tulucʼ acʼren hoponkinakʼ beohar reakʼ katha ar okoeko maejiu do sapʼsosor kạmi lạgitʼ ńapamokʼ tạmbu reakʼ duạr ṭhenko hijukʼkan tahẽkan onko tulucʼ loṭghuṭi reakʼ katha hõ uniyakʼ luturre hecʼena.

1 Samuel 4:15

Unre Eliyakʼ umer do aregel irạl bochor hoyakantae tahẽkana. Ar mẽtʼ reakʼ ńeńel daṛe do nijor akantae tahẽkante ńeńel hõ bae ńeńelkan tahẽkana.