1 Samuel 3:17 - সান্তালী বাইবেল

¹⁷ Eliye kulikedea, “Isor do cetʼe menakatʼ mea? Ar iń ṭhen ona do alom danaṅkakʼa. Uni okae menakatʼ ona reakʼ thoṛagan hõ iń ṭhenem danaṅ dohokakʼ enḍekhan uni do maraṅ sạjạiye emam ma.”

1 Samuel 3:17 Iomraidhean Croise

2 Samuel 14:18

Unre raj do uni maejiue metadea, “Okań kulime ona reakʼ roṛ ruạṛ do iń ṭhen khon alom okoya.” Maejiue menkeda, “Ińren kisạ̃ṛ maharaj ma roṛme.”

2 Samuel 19:13

Ape do Amasa iń reakʼ niạ kathape metaea, ‘am do cetʼ ińakʼ jel ar jaṅ dom baṅ kana? Isorre kiriạkateń metam kana, ńit khon am do Joab bodolte ińren lạṛhại phạdkoren subedarem hoyokʼa.’ ”

2 Samuel 3:35

Bela tahenrege jemon Dạud jãhãnakʼe jom ona lạgitʼ hoṛko do uniko jormoṭkedea; menkhan Dạud do kiriạkateye menkeda, “Siń candoe hạsurokʼ lahare piṭhạ se eṭakʼ jãhãnakʼ iń jom enḍekhan Isor do sạjạiye imạńma ar ona do bạṛicʼ sạjạige.”

2 Samuel 3:9

Probhu Isor do Dạud ṭhen kiriạkate okaṭakʼe gokʼletʼ onka iń bạń kạmi, metatʼme Sạulakʼ bõs khon rajosṭi hataokate Dan khon Berseba hạbicʼ Israel ar Jihudạ cetanre Dạudakʼ siṅghạson bạń teṅgoe enḍekhan Isor do Abner sạjạiye emaema ar ona do ạḍi bạṛicʼ sạjạige.”

1 Rapajko 22:16

Raj do uniye metadea, “Ar tinạkʼ dhao iń kiriạ ocomea baṅma, Probhu Isor ńutumte sạriyakʼ chaḍa ar cetʼ hõ bam lạiyạńạ mente?”

2 Rapajko 6:31

Uniye menkeda, “Teheń Saphatren hopon Elisaeyakʼ bohokʼ tarenre tahentae enḍekhan Isor do ińe sạjạiyińma, ona do ạḍi bạṛicʼ sạjạige!”

Sereńko 141:5

Mitʼṭen Isor botorae hoṛ do ińe daleńma, onage ińakʼ pạtiạrtetʼ do hoyokʼa. Uni do ińe egerińma, ar ona do ińakʼ bohokʼre sunum ojokʼ akatʼ leka hoyokʼa; ińakʼ bohokʼ do ona aloe baṅakʼma. Menkhan ińakʼ koejoṅ do jaoge bedhoromkoakʼ kạmi upạrte tahena.

Jirimiạ 38:14

Ona tayom Sedekiạ raj do hoṛ kolkate Probhu Isorakʼ oṛakʼte bolokʼ tesarakʼ ṭhạ̃ire Jirimiại hoho ạgukedea. Raj do Jirimiại metadea, “Mitʼ kathań kulimea, menkhan iń ṭhen khon cetʼge alom okoya.”

Jirimiạ 42:4

Jirimiạ nạbi do onkoe roṛ ruạṛatʼkoa, “Apeakʼ katha doń ańjomakada. Apeakʼ nehõr lekate iń do aperen Probhu Isor ṭhen khạṭigeń koejoṅa. Ar Probhu Isor okae lạiyạń ona jotogeń baḍae ocopea, ape ṭhen do cetʼge bạń okoya.”

Daniel 4:19

Unre Daniel, metakʼme Beltesasar do kukmũ reakʼ katha hudiskateye botorena ar thoṛa okte lạgitʼe asbasoena. Onate raj doe menkeda, “E Beltesasar, kukmũ se ona reakʼ bhed do alo baṛeye cintạ ocomema.” Beltesasar doe roṛ ruạṛkeda, “E maharaj, niạ kukmũ ar niạ reakʼ bhed do amren bạiriko cetanre baṛe paṛaokʼma.”

Mikạ 2:7

E Jakob bõsrenko, apeakʼ noa katha roṛ do baṅ ganokʼa, “Probhu Isorren Jiu do bae ạṛis akana; ar uni do noako kạmi bae kạmiya.” Probhu Isore meneda, “Okoe dhorom horteye calakʼ eken onko cetanrege ińakʼ katha do bhạlạiye ạguiya.

Numeri 23:17

Khan Biliam do Balak ṭhene ruạṛ senena. Uni doe ńelkeda Balak do Moabren mukhiyạkoante samaṅakatʼko janwar ṭhengeye teṅgo akana. Balak do uniye kulikedea, “Probhu Isor do cetʼe metatʼmea?”

Mathae 26:63

Menkhan Jisu do hapegeye tahẽyena. Maraṅ naeke do arhõe metadea, “Jiwetʼ Isorreń kiriạ ocoyetʼme kana, lạiyaleme, am do Mạsi, Isorren Hopon kanam se baṅ?”

Rut reakʼ kạhini 1:17

Ar aben okare ben gujukʼ ạliń hõ onḍege liń gujukʼa ar onḍege jemon ạlińakʼ topa hõ hoyokʼ. Gujukʼ chaḍa eṭakʼ jãhãnakʼ iạte laṅ begarokʼ enḍekhan Probhu Isor do jemon bạṛicʼ sạjạiye imạń.”

1 Samuel 14:44

Sạule menkeda, “Hẽ Jonathan, am do gujukʼtege hoyokʼtama. Isor do am sạjạiye emamma, ar khạṭige sạjạiye emama.”

1 Samuel 20:13

Ar ạlińren baba abenakʼ bhạlại bae khoj ar ạliń bạliń baḍae ocoben ar nirạite bạliń kolben enḍekhan Probhu Isor do sạjạiye emalińma ona botor sạjạige. Probhu Isor do cetʼleka ạlińren baba sãoteye tahẽkan aben sãote hõ onkage baṛeye tahenma.

1 Samuel 25:22

Isor do Dạudren bạiriko khạṭige cetʼlekae sạjạiko onkage ińhõ gapa setakʼ hạbicʼ Nabalakʼ oṛakʼren mitʼṭen herel hoṛ hõ jiwetʼ do bạń dohokoa.”

1 Samuel 3:16

Unre Eli do uniye metadea, “E Samuel.” Samuele roṛ ruạṛkeda, “Ma roṛme.”