1 Samuel 3:11 - সান্তালী বাইবেল

¹¹ Probhu Isor do Samuele metadea, “Ńelme, Israelko talare nonkanakʼ iń cekae lạgidokʼ kana one uniyakʼ katha ańjomte sanamkoko comkao rakabokʼ.

1 Samuel 3:11 Iomraidhean Croise

2 Rapajko 21:12

Onate iń Israelren Probhu Isoriń meneda, iń do usạrage Jerusalem ar Jihudạ cetanre nonkan muhiniń ạguiya, ar ona reakʼ katha okoeko ańjoma onko sanamgeko thar tharaokʼa.

Jobakʼ 41:9

Uni domone reakʼ joto asge ạuṛiyakʼgea; uni ńel torage hoṛ do dilko adtakoa.

Jesaea 28:19

Ar tinạkʼ dhao ona pheḍ hijukʼa unạkʼ dhaogepe dal ocokʼa; aṅga marsalokʼ khon setakʼ hạbicʼ, siń ar ńindạ ona do kajakte pheḍ hijukʼa. Niạ kathape bujhạule khan torasge hoyokʼtapea.”

Jesaea 29:14

Onate iń do arhõ hahaṛawakʼ kạmikote noko hoṛ doń ṭhak utạrkoa; onate ạkilankoakʼ ạkil do maraokʼtakoa ar budankoakʼ bud hõ danaṅokʼa.”

Jirimiạ 19:3

Ona katha do hoyokʼkana, ‘E Jihudạren rapajko ar Jerusalemren hoṛko, iń Israelren Isor phạdkoren Probhu okaṭakʼ kathań roṛetʼkan ona ańjompe. Iń do niạ ṭhạ̃i cetanre nonkan ghoṭnań paṛao ocoya, ona ańjomkate onko mimitʼkoakʼ lutur do tiṅgitʼ utạrokʼtakoa.

Habakkuk 1:5

Probhu Isore menkeda, “Jạt jạtrenko secʼ beṅgedpe, enḍekhanpe ṭhak utạrokʼa, ente ape bidạlrege nonkanakʼ iń kạmiya one ona reakʼ kathań lại apere hõ ohogepe pạtiạulena.

Luk 21:26

Ar dhạrtire darakanakʼko reakʼ botorte hoṛko doko keklesedokʼa, ente siń cando, ńindạ cando ar ipilko do ar bako ṭarhao tahena.

Aposkạmi 13:41

Ape okoe do Isor sãotepe khiloḍkan, ańjompe ape do bhaṛokʼpe ar mohor meṭaokʼpe; ente ape bidạlrege iń do nonkanakʼ iń kạmiya one uniyakʼ katha ohogepe pạtiạulen, jãhãeye lạiyapere hõ baṅa.”

1 Samuel 3:10

Ona tayom Probhu Isor do hecʼkate onḍeye teṅgoyena ar eṭakʼ dhao lekageye hohokeda, “Samuel, E Samuel.” Unre Samuele menkeda, “Ma roṛme, amren guti doń ańjometʼgea.”

1 Samuel 4:10

Unre Philisṭiko doko lạṛhạiyena ar Israelkoko bhagao ocoyente apan ạpin oṛakʼteko dạṛkeda. Israelko do ḍhergeko gocʼ ocoyena; ar onkoren pegel lạṛhại phạdko gocʼena.