1 Samuel 27:8 - সান্তালী বাইবেল

⁸ Ar inạko dinre uni do acʼren hoṛkoante Gesuriko, Girsiko ar Amalekiko cetanre jhãpe emetʼ tahẽkana. Noko jạtren hoṛ do ḍher laha khonge Tur khon Misor hạbicʼ goṭa ṭoṭhare berel akanko tahẽkana.

1 Samuel 27:8 Iomraidhean Croise

2 Samuel 14:23

Ona tayom Joab do Gesurte senkate Absalom do Jerusalemteye ruạṛ ạgukedea.

2 Samuel 14:32

Absalom do roṛ ruạṛketʼte Joabe metadea, “Nonḍem hijukʼ iạte am ṭhen hoṛiń kolletʼkoa jemon raj ṭhen senkate noam kuliye, ‘cedakʼ iń do Gesur khon nonḍeń hecʼena? Onḍe tahenge cetʼ iń lạgitʼ boge baṅ tahẽkana?’ Ńitokʼ jemon rajakʼ mẽtʼãhãń ńel daṛeakʼ ona bebostaeme. Ar jãhãnakʼ iń dos akatʼ khan uni do ińe gojeńma.”

2 Samuel 15:8

Iń amren guti do Aram reakʼ Gesurreń tahẽkan jokhecʼ manot kateń menleda, ‘Probhu Isor do Jerusalemteye ruạṛ idiyiń enḍekhan Hebronte senkate Probhu Isor ńutumte samaṅokʼakʼ iń samaṅa.’ ”

2 Samuel 3:22

Unre Dạudren hoṛko ar Joab do bạirikoko bhagaoketʼkote aema luluṭakʼ jinisanteko ruạṛ hecʼena. Unre Abner do Hebronre Dạud ṭhen bae tahẽkana, ente Dạud do uniye bidạ akade tahẽkana ar uni do sulukteye sen akan tahẽkana.

2 Samuel 3:3

Uniren dosaricʼ hoponakʼ ńutum do Kileab; uni doe tahẽkana Karmel Nabalren rạnḍi maejiu Abigaelren hopon. Tesaricʼ hoponakʼ ńutum do Absalom; uni do Gesur raj Talmaeren hoponera Makherren hopone tahẽkana.

Exodus 15:22

Tayomte Mose do arakʼ jalapuri khon Israelkoe idiketʼkoa. Onko do pạhilre Sur ńutuman mitʼṭen hahaṅkar jaegareko seṭerena. Ona hahaṅkar jaegare onko do pe din hạbicʼ dãṛã dãṛãte okarehõ dakʼge bako ńamleda.

Exodus 17:8

Niạ oktere Amalekikoren palṭonko do Israelko tulucʼ lạṛhại lạgitʼ Rephidimreko jarwayena.

Numeri 13:29

Ar Amalekiko do disạm reakʼ dạkhin nakhareko tahenkana; Hittirenko, Jebusirenko ar Amorirenko do buru ṭoṭhakore ar Kananrenko do jalapuri aṛe ar Jordan gaḍa aṛeteko girobasokʼ kana.”

Numeri 14:45

Onko ńelte buru ṭoṭharen Amalekiko ar Kananrenko do pheḍ hecʼkate onkoko jhuṭiạuketʼkoa ar Horma nagraha hạbicʼko laga idiketʼkoa.

Josuạ 12:5

Hermon buru, Saleka, Gesuriko ar Makatiko reakʼ simạ hạbicʼ goṭa Bason disạm ar Hisbonren raj Sihon rajosṭi reakʼ simạ hạbicʼ Gilead reakʼ sarecʼ hĩs hõ uniyakʼ tabere tahẽkana.

Josuạ 13:13

Menkhan Israelko do Gesuriko ar Makathirenko bako laga ńirletʼkoa; ona iạte teheń hạbicʼ onko do Israelko talare menakʼkoa.

Josuạ 13:2

Okako jaega ńithõ ạuri dokholokʼ onako modre Misor reakʼ purub secʼ Sihor gaḍa khon ehopʼkate utạr secʼ Ekron reakʼ simạ hạbicʼ Palesṭirenko ar Gesurrenkoakʼ goṭa elaka menakʼa. Niạko elaka do Kananikoakʼ elaka kana. Onḍe do Gasa, Asdod, Askelon, Gat ar Ekron ńutuman mõṛẽ rapajkoakʼ mõṛẽ goṭecʼ nagraha menakʼa, ar dạkhinre do Awikoakʼ elaka kana. Ona chaḍa arhõ aema jaega do dokhol bạki menakʼa, ona do hoyokʼ kana Sidonrenkoakʼ Meara khon Amorikoakʼ sima reakʼ Apheka hạbicʼ Kananiko reakʼ sanam elaka,

Josuạ 16:10

Geserre okoe Kananiko girobasokʼkan tahẽkan onko do bako laga ńirletʼkoa. Onate teheń hạbicʼ hõ onko do Ephrayim gusṭiren hoṛko sãoteko girobasokʼkana; tobe Ephrayim gusṭiren guti lekate onko do begari kạmi lạgitʼ golamko hoyakana.

Bikʼcạrko 1:29

Ephrayim gusṭiren hoṛko hõ Geser khon Kananiko bako laga oḍokletʼkoa. Kananiko do onḍe onko talaregeko tahẽyena.

1 Samuel 29:6

Unre Akis do Dạud hohoadeteye metadea, “Jiwetʼ Probhu Isor ńutumteń metamkana, ińiń baḍaea am dom soṛa hoṛkana. Noko lạṛhại phạdko talare oḍok bolokʼ do iń nońjorre boge kangea. Amem hecʼen hilokʼ khon teheń hạbicʼ amre jãhãn behokakʼ do bạń ńelakada, menkhan eṭakʼ rapajko amre kusi do bạnukʼkoa.

1 Samuel 30:1

Dạud do acʼren hoṛkoante tesar hilokʼ Siklagteye seṭerena. Menkhan inạko dinre Amalekiko do Negebre Philisṭikoakʼ ṭoṭhare ar Siklagreko luṭ akatʼ tahẽkana. Onko do Siklag ńẽtʼkate seṅgelteko ḍahao marao akatʼ tahẽkana ar onḍeko tahẽkan sanam maejiuko ar huḍiń lạṭu joto do bondikateko idiakatʼko tahẽkana. Menkhan gocʼ do okoe hõ bako gocʼakatʼko tahẽkana, eken ruạṛ calakʼ jokhecʼko soṅge toraletʼko tahẽkana.