1 Samuel 26:7 - সান্তালী বাইবেল

⁷ Ạyupʼ jokhecʼ Dạud ar Abisae do Sạulren lạṛhại phạdko talare kin boloyena. Unre Sạul do ḍera reakʼ maljal talareye jạpitʼ akatʼ tahẽkana. Ar uniyakʼ borlom do acʼakʼ bohokʼ secʼre otre bitʼ akatʼ tahẽkana. Uniren subedar Abner ar lạṛhại phạdko do uni beṛhaeteko giticʼ akan tahẽkana.

1 Samuel 26:7 Iomraidhean Croise

Genesis 45:19

Noa chaḍa am cetanre ińakʼ noa hukum tahẽyena, amren boehakom metakoa onko do akoren bạhuko ar kạṭicʼ gidrạko lạgitʼ Misor disạm khon gạḍiko idiyma, ar akoren apatko ạguyema.

1 Samuel 17:20

Dạud do ạḍi setakʼre beretʼkate mitʼṭen gupiyicʼ ṭhen acʼren bhiḍiko reakʼ bhare emadea. Ona tayom Jisạiakʼ hukum leka joto jinisko hataokateye mohnḍayena. Uni do tinre ḍera ṭhene seṭerena unre Israelren lạṛhại phạdko do rạgạu hohoate sạr sạrteko oḍok hijukʼkan tahẽkana.

1 Samuel 26:6

Unre Dạud do Hitti hoṛ Ahimelek ar Seruya hopon Joabren boeha Abisae tạkine metatʼkinạ, “Sạulakʼ ḍerate iń tulucʼ do okoeye calakʼa?” Abisaeye menkeda, “Ińiń calakʼa.”

1 Samuel 26:8

Noa ńelte Abisae do Dạude metadea, “Isor do teheń acʼren bạiri amakʼ tireye soprot akadea. Ma hukumạń me, ińakʼ borlomte uni do otren sobokʼ jaladea. Bar dhao do baṅ lagaoạńạ.”