1 Samuel 26:16 - সান্তালী বাইবেল

¹⁶ Am do ṭhikakʼ bam kạmi akada. Jiwetʼ Probhu Isor ńutumteń metam kana, am ar amren hoṛko do gujukʼ lek kanape, ente aperen mạlik, okoe doe ojokʼ bahal ocoakan, uni do bạiriko khon bape horho akadea. Rajakʼ bohokʼ ṭhen oka borlom ar dakʼ bhajan tahẽkan onakin do okayena?”

1 Samuel 26:16 Iomraidhean Croise

2 Samuel 12:5

Niạ katha ańjomkate Dạud do uni kisạ̃ṛ hoṛ cetanre ạḍiye raṅgaoena. Uni do Nathane metadea, “Probhu Isore jiwetʼ lekage, okoe hoṛ nonkae kạmi akatʼ uni do gocʼ ocokʼ lek kanae.

2 Samuel 19:28

Goṛomiń haṛamren bõsko do ińren mạlik maharaj ṭhen gujukʼ lek kangeako, menkhan enhõ am do amren hoṛko tulucʼ amakʼ ṭebilre jom-ńũi lạgitʼ iń amren guti hõ ṭhạ̃iyem tearadiń tahẽkana. Enḍekhan maharaj ṭhen nehõrokʼ lạgitʼ do ar cetʼ menakʼtińạ?”

1 Rapajko 2:26

Ona tayom raj do Abiạthare metadea, “Am do amakʼ jaega Anatholte ruạṛ calakʼme. Am do gocʼ ocokʼ lek kanam, menkhan ńitokʼ do bạń gocʼmea, ente ińren ạpuń Dạud oktere Probhu Isorakʼ sindukem gokʼ ạguleda ar iń ạpuńakʼ sanamakʼ duk ar kosṭoren bhạgiyạdarem hoylena.”

Sereńko 79:11

Bondi akankoakʼ geraṅ do amakʼ luturre bajaokʼma; ar okoeko cetanre gujukʼ reakʼ ray em hoyakan onko do amakʼ maraṅ daṛete baṛe bańcaokome.

Ephesiko lạgitʼ Pạul Apostolakʼ ciṭhi 2:3

Abo sanamkoge abo do aboakʼ jel reakʼ sana bon purạuetʼ tahẽkante onko hoṛko talare mitʼ okte jion bon khemaoetʼ tahẽkana. Ar jel khon okako sana ar hudisko rakabokʼkan tahẽkan ona lekage bon kạmikan tahẽkana. Noa colon iạtege abo hõ eṭakʼko leka Isor ṭhen khon sạjại ńam lek hoṛ bon tahẽkana.

1 Samuel 20:31

Tinạkʼ din Jisạiren hopon niạ dhạrtire jiwetʼe tahen unạkʼ din am do bam ṭarhao tahena, ar amakʼ rajosṭi hõ baṅ ṭikạu tahena. Onate ńitge hoṛ kolkate iń ṭhen ạguiyem, uni do gujukʼtege hoyokʼtaea.”

1 Samuel 24:6

Uni do acʼren hoṛkoe metatʼkoa, “Ińren kisạ̃ṛ upạrte, Probhu Isorren ojokʼ bahalicʼ upạrte tiyiń rakab tiń Probhu Isor do ona tishõ bae aṛakʼ akawạdińa, ente uni do Probhu Isorren ojokʼicʼ kanae.”

1 Samuel 26:11

Menkhan Probhu Isorren ojokʼicʼ hoṛ cetanre hat lagao do tishõ Probhu Isor do bae aṛakʼ akawạdińa. Dela, ńitokʼ do uniyakʼ bohokʼ ṭhen khon borlom ar dakʼ bhajan laṅ hataoa ar laṅ ruạṛ calakʼa.”

1 Samuel 26:15

Dạude menkeda, “Am do cetʼ mitʼṭen bir kanam? Israelko modre am leka do cetʼ jãhãe menakʼkoa? Cedakʼ enḍekhan bạiriko khon amren mạlik maharaj do bam pahra doholedea? Amren mạlik maharaj goje lạgitʼ mitʼṭen hoṛ do onḍeye calaoena.

1 Samuel 26:9

Dạud do uniye metadea, “Baṅa, uni do alom gojea. Probhu Isorren ojokʼicʼ cetanre hat lagaokate jãhãe do cetʼ bin dusạne tahẽ daṛekokʼa.?