Biblia Todo Logo
Bìoball air-loidhne

- Sanasan -




1 Samuel 26:10 - সান্তালী বাইবেল

10 Jiwetʼ Isor ńutumteń meneda, Probhu Isorge uni do sạjạiye emaea. Uni do acʼtegeye gujukʼa, ar baṅ khan lạṛhạire senkateye marao utạrokʼa.

Faic an caibideil Dèan lethbhreac




1 Samuel 26:10
23 Iomraidhean Croise  

Gujukʼ thoṛa din lahare Israel do acʼren hopon Joseph hohowadeteye metadea, “Am nońjorre dayań ńamakatʼ khan ińakʼ bulu latarre amakʼ ti dohoyme ar gokʼạńme, ińre am do biswạsem tahena. Misorre iń do alom topayińạ,


Manwa gujukʼ tayom do cetʼ arhõe jiwetʼ ruạṛokʼa? Are onkae khan, ińakʼ khaṭaokʼ reakʼ sanam dinkore nãwã arokʼ lạgitʼ ńel hor akae iń tahena, kạmi khon khalasokʼ din ạuri seṭerokʼ hạbicʼ.


Manwakoakʼ bahaokʼ din do niṭ dohoakante; uniyakʼ candoko reakʼ lekhawakʼem ṭhik dohoakada; ar uniyakʼ simạnakom ṭhik dohoakatʼte, uni do ona bae parom daṛeakʼa.


“Niạ dhạrtire manwa do ạḍi khaṭaokʼ lagaoaea, ar din mujuriko leka uni do dine ṭalaoa.


Ar thoṛa ghạṛicʼ khange bạṛicʼko doko marao utạrokʼa; ar ńam baṛalekore hõ onko do bako sendra ńamokʼa.


Probhu Isor doe baḍaea bạṛicʼkoakʼ mucạtʼ din do sor hijukʼ kana, ar onatege uni do onko ńelteye landayeda.


Onkoakʼ behokakʼ do onko cetanregeye ạguiya, onkoakʼ bedhoromakʼge uni doe cabakoa; aboren Isor Probhu Isorgeye onkakoa.


Janamokʼ okte ar gujukʼ okte, rohoe okte ar totʼ giḍikakʼ okte,


Enḍekhan okoe siń ńindạ Isorko hohoaekan, onko bachao akan acʼren hoṛko lạgitʼ Isor do cetʼ dhorom reakʼ bae bicạra? Uni do cetʼ ona onkae lạgitʼe biloma?


Dulạṛiạ boehako, okoehõ alope hala ruạṛakoa, bickom Isorge sạjại lạgitʼ aṛakʼaepe. Sonot sostorre Probhu Isore meneda, “Hala ruạṛ reakʼ ektiạri do eken ińakʼge menakʼtińạ; ar ińgeń hala ruạṛa.”


Inạ tayom Probhu Isor do Moseye metadea, “Amakʼ gujukʼ din do sor hecʼakana. Am do Josuạ hohowaeme ar ńapamokʼ tạmbu ṭhen hạjirokʼme. Onḍe uni do kạmi reakʼ bhariń emaea.” Onate Mose ar Josuạ do ńapamokʼ tạmbu ṭhen senkate Probhu Isor samaṅrekin teṅgoyena.


Behok reakʼ sạjại emokʼ reakʼ ạidạri do ińakʼge; okoeyakʼ oka kuṛại onage uniń emaea. Okte purạulen khan bạirikoakʼ jaṅga do leńjedokʼtakoa; onkoakʼ maraokʼ reakʼ din do sor hecʼakana. Onko lạgitʼ oka ṭhik dohoakan, ona do usạrage onkore paṛaokʼa.”


Ale do unile baḍae akadea one okoeye menetʼkan, “Hala hạli do ińakʼge, ińgeń hala ruạṛa; okoe okaṭakʼ ńam lek kane uni do onageń emaea.” Uni do arhõ mitʼ jaegareye meneda, “Probhu Isorge acʼren hoṛko lạgitʼ hok reakʼe bicạra.”


Isor doe ṭhik dohoakada je, manwako mitʼ dhaoko gujukʼa, ar ona tayom do bicạr hoyokʼtakoa.


Onate unire joto sạjại do mitʼ dintege paṛaokʼa; onako do hoyokʼ kana moron, duk ar mohamạri. Seṅgelte uni doe atar giḍi ocokʼa, ente okoe uniyakʼe bicạrtae uni Probhu Isor doe daṛeanicʼ kana.”


Probhu Isorge aben ar ạliń reakʼ baṛeye bicạrma ar ạliń upạrte okaben behok akatʼ ona reakʼ kuṛạiye emaben ma; enhõ aben upạrte ti do bạliń rakab tạlińa.


Probhu Isorge aben ar ạliń talare bikʼcạricʼe hoyokʼma are bicạr chinḍạu katalaṅ ma. Unige ạlińakʼ mamblae ńeljut ma ar abenakʼ ti khone rukhiyạ liń ma.”


“E ińren mạlik, jiwetʼ Probhu Isor ńutumte ar am ńutumteń kiriyạkʼ kana, amren bạiriko ar okoe do amakʼ loksan lạgitʼko kurumuṭui onkoakʼ dosa do Nabal leka hoyokʼtakoa, ente Probhu Isor do apnar tite hala hạli reakʼe akoṭ akatʼmea.


Ar Probhu Isorakʼ sạjại do gel din tayom Nabal cetanre pheḍ hecʼen khan uni doe gocʼena.


Nabalakʼ gujukʼ reakʼ khobore ańjomketʼ khan Dạud doe menkeda, “Probhu Isorakʼge sarhao hoyokʼtae ma. Uni do Nabal upạrteye teṅgoyena, ente Nabal do ińe opoman akadińạ. Uni do behokakʼ khone rukhiyạ akadińạ, ar Nabalakʼ behokakʼ do Nabal cetanregeye paṛao ocoakada.” Tayomte Dạud do Abigael baplaye lạgitʼ uni ṭhen raebarkoe kolketʼkoa.


Unre Sạul do acʼren khanḍa bhanḍa asenicʼ hoṛe metadea, “Amakʼ tarwaṛe oḍokkate ińakʼ hoṛmo sobokʼ tabme. Ar baṅkhan onko bin khatna hoṛko hecʼkateko bemanotińạ.” Menkhan uniren khanḍa bhanḍa asenicʼ hoṛ do bae rebenlena, ente uni do ạḍitetʼ botor caṛhao akawade tahẽkana. Unre Sạul do acʼakʼ tarwaṛe cetanreye bhindạṛena.


Nonkate enhilokʼ do Sạul, ar uniren pea hopon, ar uniren khanḍa bhanḍa akʼsenicʼ ar uni sãoten hoṛko mitʼ domteko gocʼena.


Lean sinn:

Sanasan


Sanasan