1 Samuel 24:9 - সান্তালী বাইবেল

⁹ Ar ona tayom do Sạule metadea, “Cedakʼ hoṛkoakʼ kathate ben pạtiạukʼ kana ạliń do abenakʼ loksan taben lạgitʼ liń kurumuṭu kana mente.

1 Samuel 24:9 Iomraidhean Croise

Sereńko 101:5

Okoe danaṅre eṭakʼkoakʼko oktayetʼkan onko doń marao giḍikoa; bạḍại mẽtʼan ar dhomok monankoakʼ hõ bạń sahaotakoa.

Sereńko 141:6

Onkoren bikʼcạrko do buru khonko ḍheka ńur ocokʼma; onko do ińakʼ kathako luturakʼma, ente ona do dumur rasa lekana.

Kạhtukko 16:28

Phẽpṛakʼkan hoṛ do jhogṛae janam ocoya, ar okoe nindạu kathae roṛ uni do gate talare phaṭole dhoraoa.

Kạhtukko 17:4

Bạṛicʼ hoṛ do dusṭạmi kathae ańjoma; ar eṛeyicʼ do kharap alaṅ reakʼe luturakʼa.

Kạhtukko 18:8

Nindạuicʼakʼ katha do sebel jomakʼ leka, ona do manwa ontor reakʼ khạndrire bolokʼa.

Kạhtukko 25:23

Utạr secʼ reakʼ hoe cetʼleka dakʼe ạguiyetʼ, onkage cuglikan alaṅ do kurkunḍucʼ mẽtʼãhãe ńelocoya.

Kạhtukko 26:28

Eṛeyicʼ do alaṅte okoeye ghạl akatʼko onko doe kurudako kana, ar cĩkạ̃ṛ moca do bhaṅla bhaṭe ạgujoṅa.

Kạhtukko 29:12

Mạliki calaoetʼ hoṛ eṛe kathae luturakʼ khan uniren sanam kạmiyạko hõko bạṛijokʼa.

Jirimiạ 37:18

Ona tayom Jirimiạ do Sedekiạ raj noa hõe metadea, “Iń do am upạrte, amren gutiko upạrte, noko hoṛko upạrte cetʼ iń kại akatʼte, iń do hajot khanarepe dohoakadińạ?

Levitikus 19:16

Okoe hoṛakʼ hõ alom nindạua. Ar am aḍepaseren hoṛakʼ jiwi upạrte hõ alom teṅgona. Iń kangeạń aperen Probhu Isor do.

Jakob 3:6

Onkage alaṅ hõ ṭhik seṅgel leka. Aboakʼ hoṛmore tinạkʼ hạṭińko menakʼ ona modre alaṅ do mitʼṭecʼ bedhorom dhạrti lekana. Norok seṅgelre lokʼte ona do goṭa hoṛmoe nosṭoyeda ar jion reakʼ horre seṅgele salgaoeda.

1 Samuel 20:1

Ona tayom Dạud do Rama reakʼ Nayot khone dạṛketʼte Jonathan ṭhene senena ar uniye kulikedea, “Ạliń do cetʼ liń ceka akada? Ar ạlińakʼ dos baṅ cetʼkan? Abenren baba upạrte cetʼ liń kại akatʼte, uni do gocʼ liń lạgitʼe kurumuṭu kana?”

1 Samuel 20:41

Uni koṛae calaoen khan Dạud do ona ḍạṅ akatʼ dhiri reakʼ dạkhin secʼ khone rakapʼ hecʼena. Uni do Jonathan samaṅre otreye ombakʼente pe dhaoe ḍobokʼadea. Ona tayom unkin dokin cokʼana ar rarakʼkin ehopʼena, tobe Dạud do ḍhergeye rakʼkeda.

1 Samuel 24:10

Teheń abenakʼ mẽtʼtege coṅ ben ńelketʼ, Probhu Isor do cetʼleka niạ danderre ạlińakʼ tireye soprotletʼ bena. Ar adomko do aben gocʼben lạgitʼko metatʼ liń tahẽkana, menkhan aben cetanre mãyã hecʼatʼ lińạ. Onate liń metatʼkoa ińren mạlik cetanre ti do ohoń rakapʼ daṛelea, ente uni do Probhu Isorren ojokʼicʼ kanae.

1 Samuel 24:8

Ona tayom Dạud hõ dander khone oḍokente ãṭ aṛaṅte Sạul hohoateye metadea, “E ińren mạlik, maharaj!” Ar Sạul do tayom secʼe beṅgetʼ ạcurketʼ khan Dạud do otre ombakʼkate Sạule ḍobokʼadea.

1 Samuel 26:18

Ona tayom uni do arhõe menkeda, “Cedakʼ ạlińren mạlik do acʼren gutiye khudạu baṛayede kana? Ạliń do cetʼ liń ceka akatʼte? Ar cetʼ liń behok akada?

1 Samuel 26:19

E ạlińren maharaj, ạlińren mạlik, ńitokʼ do dayakate abenren gutiyakʼ katha ańjom ben. Probhu Isorge ạliń upạrteye teṅgo akatʼ ben khan tobe do ạlińakʼ samaṅokʼakʼ uni ṭhen ataṅokʼma. Ar manwako onka akatʼ khan tobe do Probhu Isorakʼ sarap onkore paṛaokʼma, ente teheń do Probhu Isore em akatʼ sompottire ạlińakʼ oka bhag menakʼ ona khon laga ńir liń reakʼko kurumuṭu kana. Onko doko meneda, ‘Do calakʼme, ar debotako pujạwakome.’