1 Samuel 24:16 - সান্তালী বাইবেল

¹⁶ Dạud do kathae mucạtʼketʼ khan Sạule menkeda, “E jãwãe, noa do cetʼ katha ben meneda?” Ar noa menkate Sạul do ãṭ aṛaṅte rarakʼe ehopʼena.

1 Samuel 24:16 Iomraidhean Croise

Genesis 16:5

Onate Sạri do Abrame metadea, “Ińre noa behok lạgitʼ dạyi dom amkangea. Ińren kạ̃ṛmĩ do amakʼ aṭetʼreń kolledea, menkhan uni doe bhạrti hoṛmo akana menteye baḍaeketʼ khan ar bae bạsutạń kana. Enḍekhan alaṅ talare okoeṭakʼ laṅ dusikana ona do ńitokʼ Probhu Isorgeye bicạrma.”

Genesis 2:2

Nonkate Isor do eaeakʼ dinte acʼakʼ kạmiye sạtʼkeda; one okaṭakʼe kạmiketʼ; ar eaeakʼ din doe jirạuena acʼakʼ joto kạmiko khon; ar enhilokʼ uni do sirjạu reakʼ cetʼge bae kạmileda.

Genesis 33:4

Unre Esau do uni ṭhen ńir hecʼenteye hạṛupʼkedea are kokekedeteye cokʼadea. Ar ona tayom do bana hoṛkin rakʼana.

1 Bõsbudạ 12:18

Okoe do tayomte “Pegel” dolkoren mukhiyại hoylen uni Amasae cetanre Probhu Isorren Jiu doe hecʼena. Ar unre uni doe menkeda, “E Dạud, ale do amren kangeale! E Jisạiren hopon, Ale do am secʼrege menakʼlea. Bhạlại hoyokʼtam ma, amakʼ bhạlạige baṛe hoyokʼma, onkoakʼ bhạlại hõ hoyokʼtakoma, okoe do amko goṛowam kan, ente amren Isor do ame goṛowam kana.” Unre Dạud do onkoe ataṅketʼkote acʼren bạiriko cetanren mukhiyạkoe benaoketʼkoa.”

Jobakʼ 6:25

Hok reakʼ katha do daṛegea, menkhan apeakʼ reṭepeṭekʼre do jãhãn labge bạnukʼanaṅ.

Sereńko 119:154

Iń secʼ katha baṛe roṛme ar ińiń miridosge ona sạbudme; amakʼ gokʼakʼ lekage nãwã daṛe danạńme.

Kạhtukko 15:1

Mạ̃hir roṛ ruạṛ do raṅgaoe cabaea, menkhan saegatʼ katha do raṅgaoe janam ocoya.

Kạhtukko 25:11

Tak nạpitre roṛakan katha do rupạ cetanre goṛhon akatʼ sona reakʼ ḍabhako lekana.

Luk 21:15

ente iń do nonkan katha ar nonkan akeliń emapea, onape roṛ ruạṛakore aperen bạiriko do cetʼhõ bako roṛ daṛeakʼa, ar onahõ bako baṅ daṛeakʼa.

Aposkạmi 6:10

Onko do Stephan sãote reṭepeṭekʼko ehopʼena, menkhan Stephan do sonot Jiu hotete akel salakʼe galmaraoatʼkoa. Onate onko do uni upạrte bako teṅgo daṛeada.

Bikʼcạrko 11:27

Niạko babotre iń do am upạrte cetʼge bạń behok akada, bickom iń upạrte lạṛhại lạgitʼem oḍok hecʼakante amgem behok akada. Bikʼcạricʼ Probhu Isorge ńitokʼ Israelko ar Amonrenko talareye bicạrma.”

1 Samuel 26:17

Sạul do Dạudakʼ aṛaṅe oromketʼteye menkeda, “E jãwãe, noa do cetʼ abenakʼ aṛaṅkangea?” Dạude menkeda, “Hẽ, maharaj, noa do abenren gutiyakʼ aṛaṅkangea.”

1 Samuel 26:24

Teheń ạliń ṭhen abenakʼ jiwi tinạkʼ damanakʼ hoyen onkage Probhu Isor ṭhen ạlińakʼ jiwi hõ onka damanakʼ hoyokʼ tạlińa. Uni do joto lekan muhin khone bańcaoliń ma.”