1 Samuel 24:12 - সান্তালী বাইবেল

¹² Probhu Isorge aben ar ạliń reakʼ baṛeye bicạrma ar ạliń upạrte okaben behok akatʼ ona reakʼ kuṛạiye emaben ma; enhõ aben upạrte ti do bạliń rakab tạlińa.

1 Samuel 24:12 Iomraidhean Croise

Genesis 16:5

Onate Sạri do Abrame metadea, “Ińre noa behok lạgitʼ dạyi dom amkangea. Ińren kạ̃ṛmĩ do amakʼ aṭetʼreń kolledea, menkhan uni doe bhạrti hoṛmo akana menteye baḍaeketʼ khan ar bae bạsutạń kana. Enḍekhan alaṅ talare okoeṭakʼ laṅ dusikana ona do ńitokʼ Probhu Isorgeye bicạrma.”

Genesis 31:53

Arben onkale khan Abrahamren Isor ar Nahorren Isor ar onkoren hapṛamkoren Isorge jemonko bicạrlaṅ.” Menkhan Jakob do acʼ apatren Probhu Isor ńutumteye kiriạyena.

2 Samuel 22:48

Uni do eṭakʼ jạtrenko iń tabereye ạguyetʼkoa ar iń huyạte unige sạjạiye emakokana.

1 Bõsbudạ 12:18

Okoe do tayomte “Pegel” dolkoren mukhiyại hoylen uni Amasae cetanre Probhu Isorren Jiu doe hecʼena. Ar unre uni doe menkeda, “E Dạud, ale do amren kangeale! E Jisạiren hopon, Ale do am secʼrege menakʼlea. Bhạlại hoyokʼtam ma, amakʼ bhạlạige baṛe hoyokʼma, onkoakʼ bhạlại hõ hoyokʼtakoma, okoe do amko goṛowam kan, ente amren Isor do ame goṛowam kana.” Unre Dạud do onkoe ataṅketʼkote acʼren bạiriko cetanren mukhiyạkoe benaoketʼkoa.”

Jobakʼ 5:8

“Menkhan iń do Isorakʼ goṛogeń hataokea, ar uni ṭhen ińakʼ arjiń dohokea.

Sereńko 35:1

E Probhu Isor, okoe doko iń upạrtenkan onko upạrte amhõ teṅgonme; ar iń upạrte okoeko lạṛhạikan onko upạrte amhõ lạṛhạime.

Sereńko 43:1

E Isor, dhorom reakʼ baṛe bicạrtińme, ar bedhorom jạtrenko upạrte iń secʼ katha roṛme; ar phạsiara ar bạṛicʼ hoṛkoakʼ ti khon hõ rukhiyạyińme.

Sereńko 94:1

E Probhu Isor, am do hala ruạṛicʼ Isor kanam, E hala ruạṛicʼ Isor, amakʼ marsal baṛe sodorokʼma.

Romiko lạgitʼ Pạul Apostolakʼ ciṭhi 12:19

Dulạṛiạ boehako, okoehõ alope hala ruạṛakoa, bickom Isorge sạjại lạgitʼ aṛakʼaepe. Sonot sostorre Probhu Isore meneda, “Hala ruạṛ reakʼ ektiạri do eken ińakʼge menakʼtińạ; ar ińgeń hala ruạṛa.”

1 Patras 2:23

Hoṛko tinre uniko henostawadea unre uni do onko bae henostawatʼkoa, ar duk jom jokhecʼ hala ruạṛako lạgitʼ botor hõ bae udukʼatʼkoa, bickom acʼ do dhorom bicạricʼ ṭhengeye jimạyena.

Johan sodor 6:10

Onko do ãṭ aṛaṅteko menkeda, “E sonoticʼ ar sạriyicʼ Probhu Isor, okoe doko noa dhạrtiren kan, onko bicạrko lạgitʼ ar aleakʼ mãyãm reakʼ hala ruạṛako lạgitʼ am do ar tinạkʼem biloma?”

Bikʼcạrko 11:27

Niạko babotre iń do am upạrte cetʼge bạń behok akada, bickom iń upạrte lạṛhại lạgitʼem oḍok hecʼakante amgem behok akada. Bikʼcạricʼ Probhu Isorge ńitokʼ Israelko ar Amonrenko talareye bicạrma.”

1 Samuel 20:1

Ona tayom Dạud do Rama reakʼ Nayot khone dạṛketʼte Jonathan ṭhene senena ar uniye kulikedea, “Ạliń do cetʼ liń ceka akada? Ar ạlińakʼ dos baṅ cetʼkan? Abenren baba upạrte cetʼ liń kại akatʼte, uni do gocʼ liń lạgitʼe kurumuṭu kana?”

1 Samuel 24:15

Probhu Isorge aben ar ạliń talare bikʼcạricʼe hoyokʼma are bicạr chinḍạu katalaṅ ma. Unige ạlińakʼ mamblae ńeljut ma ar abenakʼ ti khone rukhiyạ liń ma.”

1 Samuel 26:23

Probhu Isor do mitʼke mitʼ hoṛ acʼakʼ pạtiạr ar dhorom reakʼ kuṛạiye emaea. Probhu Isor do teheń ạlińakʼ tireye soprotletʼ bena, menkhan ạliń do Probhu Isorren ojokʼicʼ cetanre ti rakab do bạliń khojkana.