Biblia Todo Logo
Bìoball air-loidhne

- Sanasan -




1 Samuel 24:11 - সান্তালী বাইবেল

11 E ạlińren ạpuń, nõkʼõe ńelben, ạlińakʼ tire abenakʼ aṅgrop reakʼ ańcar kuṭrạ. Ạlińge abenakʼ aṅgrop khon ańcar liń getʼ kuṭrạ akatʼa menkhan aben do bạliń gocʼletʼ bena. Enḍekhan aben do ńitokʼ ben bujhạu daṛeakʼ kana je, aben cetanre ạlińakʼ jãhãn behokakʼ se hulteakʼ do bạnukʼa. Ar aben upạrte kại hõ bạliń kại akada, menkhan enhõ aben do ạliń gocʼliń lạgitʼ ben sendra baṛayetʼlińạ.

Faic an caibideil Dèan lethbhreac




1 Samuel 24:11
22 Iomraidhean Croise  

Dạud do uniye metadea, “Probhu Isore ojokʼ bahal akade hoṛ goje lạgitʼ ti tultam do cetʼ thoṛa hõ bam botorlena?”


Namanren gutiko do unre uni ṭhen senkateko metadea, “E hujur, uni nạbi jodi jãhãn maraṅ kạmi lạgitʼe menkem enḍekhan cetʼ ona bam onkakea? Ar umkate saphakʼe metamkan onate cetʼ artetʼ onkae lek do baṅkan tama?”


Dhạcri kul leka bohokʼ iń rakapʼle khan iń iạte am do tãṛãkʼ akanem tahena ar amakʼ botoranakʼ daṛe do arhõm udukʼạńạ.


Disạm calaoko do ạuṛiyakʼte ińko santaoedeń kana, menkhan ińakʼ ontorre amakʼ katha lạgitʼ botor menakʼa.


Oktako do disạmre ạidạri aloko ńam ma; ar santaokan hoṛ do muhin jemon jao ghuṛiye khudạu baṛako.


Onko do khanakha iń lạgitʼ gaḍare jhạliko oḍao akada, ar khanakha iń lạgitʼ khạṛiko la akada.


Onko do iń lạgitʼko tãṛãkʼ akana, ar daṛean hoṛko do iń hạneń lạgitʼko jarwa akana; E Probhu Isor, ona do ińakʼ jãhãn bedhorom se kại lạgitʼ do baṅ hoyakana.


Enḍekhan bạiriko do ińko laga sabeńma; onko do otreko tawagińma arko lebetʼ gańjaoiń ma. Ar ińakʼ manot do dhuṛireko mesao giḍikakʼma. (Sela)


Mạ̃hir roṛ ruạṛ do raṅgaoe cabaea, menkhan saegatʼ katha do raṅgaoe janam ocoya.


Hoṛko do abo lạgitʼ tãṛãkʼ akaeko tahenkan tahẽkana, onate abo do phaelao ṭhạ̃ikore babon taṛam daṛeakʼkan tahẽkana. Aboakʼ ses dinko do sorakan tahẽkana, ar aboakʼ dinko hõ caba akan tahẽkana, ente aboakʼ ses okte do seṭer akan tahẽkana.


Probhu Isor doe menetʼkana, ‘Hae maejiuko! Ape ma hoṛkoakʼ tire lạgitʼ tạbijko ar bohokʼ ṭuṭuri lạgitʼ eṭakʼ eṭakʼ jokha reakʼ kicricʼkope benaoeda jemon hoṛkope bos daṛeako. Ape do cetʼ ińren hoṛkoakʼ jiwipe hataoetʼtakoa ar apnarakʼ jiwi dope rukhiyạkana?


Disạm khon Isor botorae kan hoṛ doko meṭao ocoakana; dhoromicʼ do mitʼ hoṛ hõ bạnugicʼan. Sanamkoge mãyãm joroy lạgitʼko tãṛãkʼ akana; onko jotoge akoakʼ pạsire jhạlikoko khojkana.


Noa do hoyakana onkoakʼ ạn-ạrire olakan katha jemon purạukʼ, ‘onko do ạuṛiyakʼte ińko kurudạń kana.’


Iń do nonḍege minạńa; ar iń upạrte apeakʼ jãhãnakʼ roroṛteakʼ menakʼtape khan enḍekhan Probhu Isor ar uniren ojokʼ bahal akan hoṛko samaṅrege roṛpe. Ar goha emokʼpe, okoeren ḍaṅgra se gadha behok lekateń hatao akadea mente? Ar jãhãe ṭhen khon ghus hataokate mocań bond akatʼ tińạ mente? Noako reakʼ jãhãṭakʼgeń kạmi akatʼ khan tobe khan ona reakʼ khuti puruniń emokʼa.”


Dạud do hahaṅkar reakʼ buru gaṛkore ar Siph hahaṅkar reakʼ buru ṭoṭhareye tahẽyena. Ar Sạul do dinke din Dạude sendra baṛakedea menkhan Isor do uniyakʼ tire Dạud bae soprotledea.


Uniyakʼ joto okokʼ reakʼ ṭhạ̃i ciyạ ạguiytaepe. Ar ona tayom khạṭi khoborantepe ruạṛ hecʼlenre iń do ape sãoteń senokʼa. Ar disạm talareye tahen enḍekhan uni do Jihudạren sanam bõsko tala khoniń sendra oḍokea.”


Amren kạ̃ṛmĩyakʼ behokakʼ do dayakate ikạkakʼme. Probhu Isor do khạṭige ińren mạlikakʼ bõse teṅgo ṭarhaoa, ente uni do Probhu Isorakʼgeye lạṛhại kana. Ar ńit hạbicʼte amre cetʼ bạṛicʼakʼge baṅ ńel akana ar baṅ ńamokʼa.


Ona tayom uni do arhõe menkeda, “Cedakʼ ạlińren mạlik do acʼren gutiye khudạu baṛayede kana? Ạliń do cetʼ liń ceka akatʼte? Ar cetʼ liń behok akada?


Menkhan aben ṭhen ạlińakʼ nehõr do noage, Probhu Isor bạnui nonkan sạṅgiń jãhã ṭhạ̃ire ạlińakʼ mãyãm jemon alo jorokʼ. Burure cetʼleka hoṛ do citri cẽṛẽ sendarko calakʼ onkage Israelkoren raj hõ mitʼṭen tejo sendraye lạgitʼe oḍokʼ hecʼakana.”


Probhu Isor do mitʼke mitʼ hoṛ acʼakʼ pạtiạr ar dhorom reakʼ kuṛạiye emaea. Probhu Isor do teheń ạlińakʼ tireye soprotletʼ bena, menkhan ạliń do Probhu Isorren ojokʼicʼ cetanre ti rakab do bạliń khojkana.


Lean sinn:

Sanasan


Sanasan