1 Samuel 22:3 - সান্তালী বাইবেল

³ Ar Dạud do onḍe khon Moab disạm reakʼ Mispateye senena. Ar Moabren raje metadea, “Isorakʼ sana ińre cetʼkan ona ạuriń baḍae ńam hạbicʼ ińren eṅgạń ar ạpuń do dayakate am ṭhen tahẽ ocowạkinme.”

1 Samuel 22:3 Iomraidhean Croise

Genesis 47:11

Joseph do acʼren apattetʼ ar boehako tahen lạgitʼe bebostakeda. Ar Pharaoakʼ hukum leka Misor disạm reakʼ joto khon bhageakʼ jaega uni do sompotti lekae danatʼkoa. Ona jaega reakʼ ńutum do Ramses tahẽkana.

2 Samuel 8:2

Dạud do Moabrenko hõe bhagaoketʼkoa. Uni do Moabrenkoe ńẽtʼketʼkote otreye giticʼketʼkoa ar baberteye jokhaketʼkoa. Pạhil bar baber jokharen hoṛ doko gocʼ ocoyena ar mitʼ baber jokharen hoṛ do jiwetʼko doho ocoyena. Inạ tayom Moabrenko do Dạud gobolre tahẽkate khajna emaeko ehopʼena.

Exodus 20:12

“Amren gogo ar baba ganaokinme. Enḍekhan Probhu Isore emam disạmre ḍher din jiwetʼem tahena.

1Timothi 5:4

Menkhan jãhãe rạnḍi maejiuren gidrạ se goṛom gidrạko tahen khan onko gidrạko se goṛom gidrạkoge pạhilte jemon apan apin gharońjre Isor bhoktiko udugma. Nonkate onko do eṅgat-apat se baba haṛamkoakʼ dulạṛ reakʼ rinko hala ruạṛ daṛeakʼa, ar noate Isor doe kusikʼa.

Bikʼcạrko 11:29

Unre Probhu Isorren Jiu do Jiptha cetanreye hecʼena. Onate Jiptha do Gilead ar Manase ṭoṭha talate senkate Gilead reakʼ Mispateye calaoena ar onḍe khon Amonrenko birudteye laha idiyena.

Rut reakʼ kạhini 4:10

Ar gocʼ akanicʼakʼ sompotti ar ńutum jemon rukhiyạkʼtae onate Mahlonren rạnḍi bạhu Rut hõ ińren bạhu menteń ataṅede kana. Ar onate bõsko tala khon ar atorenko tala khon gocʼ akanicʼakʼ ńutum do baṅ meṭaokʼtaea. Ape do teheń noa sanamakʼren gohakope hoyena.”

Rut reakʼ kạhini 4:17

Ar aḍepaseren maejiukoko menkeda, “Naomiren do mitʼṭen koṛa gidrại hoyakana.” Onko do uni gidrạwakʼ ńutum Obedko dohoketʼtaea. Obed do Jisạiren apate tahẽkana ar Jisại do Dạudren apate tahẽkana.

1 Samuel 14:47

Sạul do Israelkoren raj hoyen tayom disạm beṛhaeten sanam bạiriko sãote, metakʼme Moabrenko, Amonrenko, Edomrenko, Sobaren rajko ar Philisṭiko sãoteye lạṛhạilena. Ar jãhã secʼge uniye calakʼkan tahẽkan onḍege ạḍiye khutiketʼtakoa.

1 Samuel 22:2

Okoe do muhinre ar rinteko perecʼ akan tahẽkan ar okoe do duk-bhabnareko tahẽkan onko mitʼke mitʼ hoṛ do Dạud ṭhen senkateko jarwayena. Ar Dạud do onkoren subedare hoyena. Nonkate ponsae herel hopon do uni sãoteko mitʼena.

1 Samuel 22:4

Ona tayom uni do acʼren eṅgat-apate ạguketʼkinte Moabren raj ṭhene doho oṭokatʼkinạ. Ar tinạkʼ din Dạud buru gaṛreye tahẽyen unạkʼ din unkin do Moab raj ṭhenkin tahẽyena.

1 Samuel 3:18

Unre Samuel do Eli sanamakʼ kathae lạiyadea, cetʼge bae oko dohokada. Ona ańjomkate Eli doe menkeda, “Uni doe Probhu Isor kana; uni oka bhageye hudisetʼ onage baṛeye onkaema.”