1 Samuel 22:2 - সান্তালী বাইবেল

² Okoe do muhinre ar rinteko perecʼ akan tahẽkan ar okoe do duk-bhabnareko tahẽkan onko mitʼke mitʼ hoṛ do Dạud ṭhen senkateko jarwayena. Ar Dạud do onkoren subedare hoyena. Nonkate ponsae herel hopon do uni sãoteko mitʼena.

1 Samuel 22:2 Iomraidhean Croise

2 Samuel 17:8

Am dom baḍaegea, ạpum ar uniren hoṛko do lạṛhại bir kanako. Onko do hopon recʼakade raṅgao akan birren bana eṅga lekan kanako. Ona chaḍa amren ạpum do lạṛhạire ạḍi gạkhuṛ hoṛ kanae; uni do acʼren lạṛhại phạdko talare bae giticʼ aṅgakʼa.

2 Samuel 5:2

Sạul do aleren raje tahẽkanre Israelkoren lạṛhại phạdko do amgem ạyuretʼko tahẽkana; ar Probhu Isor do amgeye metatʼme tahẽkana acʼren hoṛko, metatʼme Israelko ńel todarotkom ar onkoren mukhiyạ hoyokʼme.”

2 Rapajko 20:5

“Am do ruạṛ senkate ińren hoṛkoren mukhiyạ Hiskiạm metaea, amren hapṛam Dạudren Probhu Isor do niạ kathae meneda, ‘iń do amakʼ koejoṅiń ańjom akada ar amakʼ mẽtʼ dakʼ iń ńelakada. Iń do amiń bogemea. Ar ńitokʼ khon pe din hilokʼre am do Probhu Isorakʼ oṛakʼtem calakʼa.

2 Rapajko 4:1

Ar cela-nạbiko modren mitʼṭen maejiu do ãṭ aṛaṅte Elisaeye metadea, “Amren guti ińren jãwãeye gocʼakan ona dom baḍaegea, uni do Probhu Isor botorae hoṛe tahẽkana. Menkhan ńitokʼ iń jãwãeren mitʼṭen paonadar do ińren hoponkin acʼren golame hoyocokine mente unkin idikin lạgitʼe hecʼakana.”

Kạhtukko 31:6

Gujukʼ lạgidokʼko do bubulakʼ emakope. Ar darkha rasa do jiwire dukokʼkankoge;

Mathae 11:12

Johan bạbạptisicʼakʼ okte khon ńit hạbicʼ serma raj doko jormoṭetʼ kana, ar okoeko jormoṭetʼkan onkoge ona doko recʼjoṅkana.

Mathae 11:28

“Ape okoe do laṅga ar bojhatepe ten akan, dela iń ṭhen hijukʼpe, ińgeń jirạu ocopea.

Ibriko 2:10

Sanamakʼ do Isor lạgitʼ kangea ar uni hotetege sanamakʼ do hoyakana. Onate ạḍi utạr hoponko acʼakʼ mạhimaren bhạgiyạdarko hoyocoko lạgitʼ Jisu do duk jom talate sạbit ocoye reakʼ lek tahẽkantaea.

Bikʼcạrko 11:3

Onate Jiptha do acʼren boehako khone dạṛketʼte Tob disạmte senkate girobasokʼe ehopʼena. Onḍeko adom kharap hoṛ do uni beṛhaeteko jarwayena ar uni sãote gatekʼko ehopʼena.

Bikʼcạrko 18:25

Dan gusṭiren hoṛko menkeda, “Am do jãhãnakʼ kathage alom roṛa. Nonḍe nonkan etaṅ cạndiyan hoṛ menakʼkoa onko do amakʼ katha ańjomkateko hạn botecʼmea ar amakʼ gharońjren hoṛ doko gujukʼa.”

1 Samuel 1:10

Hanna do mon reakʼ kosṭote Probhu Isor ṭhen rakʼate koejoṅe ehopʼena.

1 Samuel 22:3

Ar Dạud do onḍe khon Moab disạm reakʼ Mispateye senena. Ar Moabren raje metadea, “Isorakʼ sana ińre cetʼkan ona ạuriń baḍae ńam hạbicʼ ińren eṅgạń ar ạpuń do dayakate am ṭhen tahẽ ocowạkinme.”

1 Samuel 23:13

Noa katha ańjomkate Dạud do acʼ sãoten turui sae hoṛkoante Kayila bạgikateye oḍok calaoena ar mitʼ ṭhạ̃i khon ar mitʼ ṭhạ̃ite ńir baṛaeye ehopʼena. Ar Sạul do Dạud Kayila khone dạṛketʼ reakʼ kathae ańjomketʼ khan onḍe do ar bae senlena.

1 Samuel 25:13

Dạud do acʼren hoṛkoe metatʼkoa, “Ape mimitʼko ḍanḍare tarwaṛe toltape.” Onate onko do ḍanḍare tarwaṛeko tolkeda ar Dạud hõe onkakeda. Ar ona tayom Dạud do ponsae hoṛe soṅgewana ar barsae hoṛ do asbabko horhoe lạgitʼko tahẽyena.

1 Samuel 30:6

Unre Dạud do ạḍi muhinreye paṛaoena, ente hopon ar hoponerako iạte uniren hoṛkoakʼ mon do Dạud cetanre nonka haṛhatʼentakoa, onko do dhirite Dạud tińe lạgitʼko roṛ baṛayetʼ tahẽkana. Menkhan Dạud do acʼren Probhu Isor cetanre bhorsakate ontorre dile ńam ruạṛkeda.

1 Samuel 9:16

“Gapa niạ jokhecʼ Benjạmin gusṭiren mitʼṭen hoṛ do am ṭheniń kolea. Ar am do ińren hoṛko metakʼme Israelkoren mukhiyạ hoyokʼ lạgitʼ unigem ojokʼ bahalea. Unige Philistikoakʼ ti khon ińren hoṛkoe bańcaokoa. Iń do ińren hoṛko secʼ iń moneakada, ente onkoakʼ rakʼjoṅakʼ do ińakʼ lutur hạbicʼ seṭer akana.”