1 Samuel 20:41 - সান্তালী বাইবেল

⁴¹ Uni koṛae calaoen khan Dạud do ona ḍạṅ akatʼ dhiri reakʼ dạkhin secʼ khone rakapʼ hecʼena. Uni do Jonathan samaṅre otreye ombakʼente pe dhaoe ḍobokʼadea. Ona tayom unkin dokin cokʼana ar rarakʼkin ehopʼena, tobe Dạud do ḍhergeye rakʼkeda.

1 Samuel 20:41 Iomraidhean Croise

1 Samuel 18:3

Jonathan do acʼakʼ jiwi leka Dạude dulạṛkedete uni tulucʼ mitʼṭecʼe bondoboskeda.

Genesis 29:11

Ona tayom do Rahele cokʼadete ãṭ aṛaṅte rarakʼe ehopʼena.

Aposkạmi 20:37

Ar manḍerren sanam mukhiyạko do Pạul hạṛupʼ kedeteko cokʼadea ar rarakʼko ehopʼena.

2 Samuel 19:39

Inạ tayom sanam hoṛ do gaḍako paromena, ar raj hõ gaḍae paromena. Raj do Barsilae cokʼadea are bhoradea ar Barsilae do arhõ gaḍae paromketʼte acʼakʼ oṛakʼteye ruạṛ calaoena.

2 Samuel 9:6

Sạulren goṛomtetʼ koṛa, metakʼme Jonathanren hopon Mephiboset do Dạud ṭhene hecʼena ar otre ombakʼkateye ḍobokʼadea. Dạude menkeda, “E Mephiboset.” Uni doe menkeda, “Ma roṛme, amren golam kangeạń.”

2 Samuel 1:26

Hae, Jonathan, ińren boeha! Am lạgitʼ ińakʼ do maraṅ duktiń. Ińren do tinạkʼ dulạṛiạ; iń lạgitʼ amakʼ dulạṛ do kuṛikoakʼ dulạṛ khon hõ ḍherge tahẽkana.

1 Samuel 25:23

Abigael do Dạude ńelkede khan usạrate gadha khone pheḍena ar otre ombakʼkate Dạude ḍobokʼadea.

1 Samuel 10:1

Ona tayom Samuel do mitʼṭecʼ sunum reakʼ botol ạgukate Sạulakʼ bohokʼreye dulkeda. Ar cokʼadeteye metadea, “Probhu Isor do acʼren hoṛko cetanre mukhiyạ menteye ojokʼ bahalketʼmea.

Genesis 45:15

Ona tayom Joseph do acʼren boehakoe cokʼatʼkoa ar hạṛupʼketʼkoteye rakʼkeda. Unre uniren boehako do uni tulucʼko galmaraokeda.

Genesis 43:28

Onkoko roṛ ruạṛkeda, “Amren golam aleren baba do ńit hõe jiwetʼgea ar bogege menaea.” Ar noa menkate ombakʼkateko ḍobokʼadea.

Genesis 29:13

Laban do acʼ misratren hopon Jakobakʼ hijukʼ reakʼ khobore ńamketʼ khan ńir oḍokente uni sãote ńapamokʼe calaoena. Ar hạṛupʼkedeteye cokʼ adea ar acʼakʼ oṛakʼteye ạgukedea. Unre Jakob do acʼakʼ joto katha Labane lạiyadea.

Genesis 42:6

Joseph do Misor disạmren disạm cakʼlaoicʼe tahẽkana. Uni cetanrege disạmren sanam hoṛko ṭhen anaj ạkhriń reakʼ bhar do tahẽkana. Onate Josephren dadattetʼtako hõ uni ṭhen senkate otre ombakʼkateko ḍobokʼadea.

1 Samuel 20:40

Inạ tayom Jonathan do acʼakʼ akʼ-sar do koṛae emadeteye metadea, “Am do niạkowante nagrahate ruạṛ calakʼme.”

Genesis 33:4

Unre Esau do uni ṭhen ńir hecʼenteye hạṛupʼkedea are kokekedeteye cokʼadea. Ar ona tayom do bana hoṛkin rakʼana.

1 Samuel 24:9

Ar ona tayom do Sạule metadea, “Cedakʼ hoṛkoakʼ kathate ben pạtiạukʼ kana ạliń do abenakʼ loksan taben lạgitʼ liń kurumuṭu kana mente.

2 Samuel 1:2

Ar tesar hilokʼ Sạulren lạṛhại phạdkoakʼ ḍera khon mitʼṭen hoṛ do Dạud ṭhene hecʼena. Uniyakʼ kicricʼ do oṛecʼ oṛecʼ ar bohokʼre do dhuṛi tahẽkantaea. Uni do Dạud ṭhen hecʼkate otre ombakʼkateye ḍobokʼadea.

2 Samuel 14:4

Tekoaren uni maejiu do unre raj ṭhen senkate otre ombakʼente uni ḍobokʼadeteye menkeda, “E maharaj, rukhiyạyińme baṛe!”

1 Rapajko 1:16

Bethseba do raje joharadea. Raj do uniye kulikedea, “Jãhãnakʼem khojkana?”

1 Rapajko 1:23

Unre mitʼ hoṛ do raje metadea, “Nathan nạbi do nonḍeye hecʼ akana.” Unre Nathan do raj samaṅre senkate otre ombakʼkateye joharadea.

1 Rapajko 1:31

Unre Bethseba do otre ombakʼkate raje ḍobokʼadeteye menkeda, “Ińren mạlik maharaj do jaejug hạbicʼ jiwetʼe tahen ma.”