1 Samuel 20:12 - সান্তালী বাইবেল

¹² Ona tayom Jonathan do Dạude metadea, “Israelren Probhu Isorge gohae tahenma, gapa se meyaṅ ạliń do ạlińren baba sãote kathaliń roṛa. Unre aben secʼ mońj liń bujhạu khan unrege hoṛ kolkate liń baḍae ocobena.

1 Samuel 20:12 Iomraidhean Croise

2 Samuel 21:7

Dạud do Sạulren goṛomtetʼ koṛa, metakʼme Jonathanren hopon Mephiboset do jiwetʼe dohokedea, ente Sạulren hopon Jonathan ṭhen uni do Probhu Isor samaṅreye kiriạlena.

Jobakʼ 31:4

Uni do cetʼ ińakʼ dãṛãnko bae ńeleda? Ińakʼ taṛamko reakʼ cetʼ bae lekhayeda?

Sereńko 17:3

Am do ińakʼ ontorrem bolo akana ar ńindạ dom biḍạu akadińạ; arem biḍạu aṭkar edeńkana menkhan cetʼge bam ńam akada. Ińiń ṭhik akada jãhãn kại reakʼ kathare ińakʼ moca do ar bạń beohara.

Kạhtukko 20:5

Manwa ontor reakʼ monsuba do hasa latarre menakʼ dakʼ leka, menkhan budan hoṛ do onae lo rakaba.

Josuạ 22:22

“Sanam daṛeanicʼ Probhu Isor! Sanam daṛeanicʼ Probhu Isor! Uni mae baḍaege ar Israelko hõko baḍaema. Probhu Isor upạrte jãhãn hul se bebatao reakʼ kạmi hoyakan khan enḍekhan teheń alope rehaelea.

1 Samuel 20:11

Jonathane menkeda, “Dela, ṭạnḍi secʼ laṅ calakʼa.” Ar niạ menkate bana hoṛ mitʼ sãotekin oḍok calaoena.

1 Samuel 20:13

Ar ạlińren baba abenakʼ bhạlại bae khoj ar ạliń bạliń baḍae ocoben ar nirạite bạliń kolben enḍekhan Probhu Isor do sạjạiye emalińma ona botor sạjạige. Probhu Isor do cetʼleka ạlińren baba sãoteye tahẽkan aben sãote hõ onkage baṛeye tahenma.

1 Samuel 23:18

Ar unkin bana hoṛ do Probhu Isor samaṅre mitʼṭecʼ bondobos kin dohokeda. Ar Jonathan do oṛakʼe ruạṛ calaoena menkhan Dạud do Horesregeye tahẽyena.