1 Samuel 20:1 - সান্তালী বাইবেল

¹ Ona tayom Dạud do Rama reakʼ Nayot khone dạṛketʼte Jonathan ṭhene senena ar uniye kulikedea, “Ạliń do cetʼ liń ceka akada? Ar ạlińakʼ dos baṅ cetʼkan? Abenren baba upạrte cetʼ liń kại akatʼte, uni do gocʼ liń lạgitʼe kurumuṭu kana?”

1 Samuel 20:1 Iomraidhean Croise

Sereńko 54:3

Eṭakʼ jạtren hoṛko do iń upạrteko teṅgo akana; Sasantaoko do ińakʼ jiwi marao lạgitʼko kurumuṭu kana; noko hoṛ do Isor bako botoraea. (Sela)

2 Korinthiko 1:12

Ale oka lạgitʼle sarhaokʼkan ona do noage, aleakʼ bibek do noa gohae emeda je, Isor reakʼ sonot ar soṛatetʼ iạte ale do sanam manwako talare, bạ̃ṛtikaete ape talare jionle khemao akada. Ar ona jion do jel reakʼ akelte do baṅ bickom Isorakʼ daya reakʼ ạyurtele khemao akada.

2 Patras 2:9

Noako khon ńelokʼkana, okoe Probhu Isorko botoraekan onko do biḍạu tala khon bańcaoko doe baḍaegea.

1 Johan 3:21

Dulạṛiạ gidrạko, aboakʼ ontor bae dusile bon khan, enḍekhan Isor samaṅre aboakʼ dil do tahengea.

1 Samuel 12:3

Iń do nonḍege minạńa; ar iń upạrte apeakʼ jãhãnakʼ roroṛteakʼ menakʼtape khan enḍekhan Probhu Isor ar uniren ojokʼ bahal akan hoṛko samaṅrege roṛpe. Ar goha emokʼpe, okoeren ḍaṅgra se gadha behok lekateń hatao akadea mente? Ar jãhãe ṭhen khon ghus hataokate mocań bond akatʼ tińạ mente? Noako reakʼ jãhãṭakʼgeń kạmi akatʼ khan tobe khan ona reakʼ khuti puruniń emokʼa.”

1 Samuel 19:1

Sạul do acʼren hopon Jonathan ar acʼren sanam kạmiyạkoe metatʼkoa jemon onko do Dạudko goje. Menkhan Sạulren hopon Jonathan do Dạud ạḍiye dulạṛede tahẽkana.

1 Samuel 19:18

Ar Dạud doe dạṛketʼte jiwiye bańcaoketʼtaea. Uni do Ramare Sạmuel ṭhene senena ar acʼ upạrte Sạul okakoe ceka akatʼ ona jotowakʼe baḍae ocokedea. Ona tayom Dạud ar Sạmuel do Nayot burure senkate girobasokʼ kin ehopʼena.

1 Samuel 20:2

Jonathane menkeda, “Tishõ baṅa, aben do baben gocʼ ocokʼa. Ńelben, ạlińren baba do huḍiń ar maraṅ jãhãn kạmige ạliń ạuriye baḍae ocoliń hạbicʼ bae kạmikana. Enḍekhan niạ katha do ạliń ṭhen khon cedakʼe danaṅa? Noa do baṅ hoedaṛeakʼa.”

1 Samuel 20:32

Jonathan do acʼren apattetʼe metadea, “Uni do cedakʼ gujukʼ hoyokʼtaea? Uni do cetʼe ceka akatʼte?”

1 Samuel 24:11

E ạlińren ạpuń, nõkʼõe ńelben, ạlińakʼ tire abenakʼ aṅgrop reakʼ ańcar kuṭrạ. Ạlińge abenakʼ aṅgrop khon ańcar liń getʼ kuṭrạ akatʼa menkhan aben do bạliń gocʼletʼ bena. Enḍekhan aben do ńitokʼ ben bujhạu daṛeakʼ kana je, aben cetanre ạlińakʼ jãhãn behokakʼ se hulteakʼ do bạnukʼa. Ar aben upạrte kại hõ bạliń kại akada, menkhan enhõ aben do ạliń gocʼliń lạgitʼ ben sendra baṛayetʼlińạ.

1 Samuel 24:12

Probhu Isorge aben ar ạliń reakʼ baṛeye bicạrma ar ạliń upạrte okaben behok akatʼ ona reakʼ kuṛạiye emaben ma; enhõ aben upạrte ti do bạliń rakab tạlińa.

1 Samuel 24:17

Uni do Dạude metadea, “Aben do ạliń khon hõ ḍher ben dhoromgea, ente ạliń do aben tulucʼ ḍher bạṛicʼ liń beohar akatʼre hõ aben do bhage ben beohar akada.

1 Samuel 24:9

Ar ona tayom do Sạule metadea, “Cedakʼ hoṛkoakʼ kathate ben pạtiạukʼ kana ạliń do abenakʼ loksan taben lạgitʼ liń kurumuṭu kana mente.

1 Samuel 26:18

Ona tayom uni do arhõe menkeda, “Cedakʼ ạlińren mạlik do acʼren gutiye khudạu baṛayede kana? Ạliń do cetʼ liń ceka akatʼte? Ar cetʼ liń behok akada?