1 Samuel 2:5 - সান্তালী বাইবেল

⁵ Okoekoakʼ lacʼ bige tahẽkan onko do ńitokʼ jomakʼ lạgitʼ eṭakʼkoakʼko kạmikana; menkhan okoe reṅgecʼko tahẽkan onko do reṅgecʼ cabayentakoa. Ar bạńjhiye tahẽkanicʼ do eae goṭen hoponren eṅgate hoyakana, menkhan ḍher hopon menakʼkotayicʼ doe nijor akana, uni do gidrạ bae janam daṛeako kana.

1 Samuel 2:5 Iomraidhean Croise

Sereńko 113:9

Bạńjhi do gidrạkoren rạskạwạnicʼ gogoye hoyocoyedea ar soṅsar reakʼ purạ ạidạri hõe emaekana. Probhu Isorakʼge sarhao hoyokʼtae ma.

Sereńko 34:10

Juạn dhạcri kulkoakʼ do jomakʼ reakʼ ṭonṭa hoyokʼkana, onko do reṅgecʼteko kosṭokʼkana; menkhan okoe Probhu Isorakʼ sana lekako calakʼ onko do bhageakʼte bako ṭonṭakʼa.

Jesaea 33:9

Disạm do hińjrạukʼ kana ar loraokʼ kana, Lebanon doe lajao ocokʼkana ar tolmojokʼ kana, Saron do hahaṅkar leka hoyakana ar Basan ar Karmel reakʼ dare sakamko do ńur caba akana.

Jesaea 54:1

Probhu Isore meneda, “E bạńjhi, one tisge gidrạ bam janam akatʼko, am do rạskạte sereńme; ar am okoe do tishõ bedon baṅ rakapʼ akatʼme, am do hulạsokʼme ar andoṛme; ente jãwãe menaetayicʼ khon bạgi giḍiyicʼren hopongeko saṅgegetaea.

Jirimiạ 15:9

Eae goṭen hoponkoren eṅgat do lajao ar opoman dosaregeye gujukʼa. Okte ạurirege uniyakʼ jion reakʼ siń cando doe hạsurokʼa. Ar okoe jiwetʼko tahen onko hõ tarwaṛe samaṅreń ạgukoa. Iń Probhu Isorge noa katha doń menetʼkana.”

Luk 1:53

Ar okoekoko reṅgecʼge, bhage, bhage jiniskote uni do onkoakʼ reṅgecʼe purun akatʼtakoa, menkhan kisạ̃ṛko do eken tiye bidạkatʼkoa.

Luk 16:25

“Menkhan Abrahame menkeda, ‘disạime, am do jiwetʼem tahẽkanre tinạkʼ sukem jomleda ar Lasar do tinạkʼe sasetlena. Menkhan nonḍe uni do jiwi raṛecʼe ńameda ar am dom sasetokʼkana.

Galathiko lạgitʼ Pạul Apostolakʼ ciṭhi 4:27

Sonot sostorre olakana, “Hulạsokʼme E bạńjhi maejiu, one tisge gidrạ bam janam akatʼko, ar bedon hõ baṅ rakapʼ akatʼme, am do, sereń joṅme ar rạskạte andoṛme; ente jãwãe menaetayicʼ khon bạgi giḍiyicʼren gidrạgeko saṅgegea.”

Rut reakʼ kạhini 4:15

Nui gidrạ do amakʼ buḍhi pạṛiạre jemon jiwiye raṛejtam are ńelme, ente amren kiminme, one amren eae goṭen hoponko khon hõ ḍhere dulạṛetʼme, uniyakʼ kukhire gidrạwakʼ janam do hoyakana.”

1 Samuel 1:20

Onate Hanna doe bhạrti hoṛmoyena ar okte purạuen khan mitʼṭen koṛa gidrại janamkedea. Ar Hanna doe menkeda, “Iń do Probhu Isor ṭhen khoniń koe hatao akawana,” Ar gidrạwakʼ ńutum do Samuele dohoketʼtaea.

1 Samuel 1:6

Probhu Isore nonka akatʼ tahẽkante uniren hirạmtetʼ do ạḍiye khijlạuede tahẽkana ar uniyakʼ monkoe haṛhatʼ ocoyetʼtae tahẽkana.