1 Samuel 2:30 - সান্তালী বাইবেল

³⁰ “Ona iạte Israelkoren Probhu Isore meneda, ‘iń doń khạṭigeń menleda, am ar amren hapṛamakʼ bõsren hoṛ do jaejug iń sewawạń reakʼko kạmiya;’ menkhan ńitokʼ Probhu Isore meneda, ‘ona do ar baṅ hoyokʼa. Okoe ińko manotiń iń hõ onkogeń manotkoa ar okoe ińko nisṛạuiń onko do ako hõko nisṛạu ocokʼa.

1 Samuel 2:30 Iomraidhean Croise

1 Rapajko 11:11

Onate Probhu Isor do Solomone metadea, “Amakʼ noa beohar iạte ar ińakʼ bondobos ar niạmko bam bataoetʼte khạṭige amakʼ rajosṭi doń recʼmea ar amren mitʼṭen gutiyiń emaea.

1 Rapajko 2:27

Nonkate Solomon do Probhu Isorakʼ naeke hudạ khon Abiạthare ocokʼkedea. Probhu Isor do Silore Eliren bõs reaṅ okae menletʼ uniyakʼ ona katha do nonkage purạuena.

1 Bõsbudạ 17:18

“Amiren guti okaṭakʼ manotem udukʼade onate iń do am ṭhen cetʼ arhõ ḍheriń roṛ daṛeakʼa? Ar amren guti mam baḍae akadege.

2 Bõsbudạ 15:2

Unre Asariạ do Asa tulucʼ ńapamokʼ lạgitʼe oḍok senenteye menkeda, “E Asa, E Jihudạ ar Benjạminren sanam hoṛko, ińakʼ katha ańjompe. Ape tinạkʼ din Probhu samaṅrepe tahen unạkʼ din uni hõ ape sãoteye tahẽna. Uniyakʼ monejoṅakʼ baḍaeteakʼ menakʼtape khan ona dope daṛeakʼa, menkhan unipe bạgiyae enḍekhan uni hõ apeye bạgi giḍipea.

2 Bõsbudạ 26:18

Onko do uni teṅgo daramkedeteko metadea, “E Usiạ, Probhu Isor ńutumte amakʼ dhup jered reakʼ ektiạri do bạnukʼtama. Aronren bõsko, okoe do dhup jered lạgitʼko begar ocoakan, eken onko motoge ạidạri menakʼtakoa. Niạ sonot ṭhạ̃i khon do oḍok calakʼme, ente am dom ghạṭ akada. Noa iạte Probhu Isor do khạṭigeye sạjạimea.”

Sereńko 18:20

Ińakʼ dhorom kạmi lekatege Probhu Isor doe dan akawạdińa, ar ińakʼ kạmi reakʼ napaetetʼ iạtege kuṛạiye emadińạ;

Sereńko 18:26

Ar khạṭiko tulucʼ do khạṭigem beohareda, ar phẽpṛakʼko do amakʼ bud reakʼ phundim udukʼako kana.

Sereńko 50:23

Okoeyakʼ jionre gun manao joharge uniyakʼ dãṛẽkan unige iń doe manot edeńkana; ar okoe ińakʼ horteye calakʼkan uni doń bańcaoea”

Sereńko 73:20

Jạpitʼ khon ebhenlenre manwa ṭhen cetʼleka kukmũ do ạuṛiyagokʼ, onkage E Probhu Isor, amem ebhenlenre am ṭhen onko do ạuṛiyakʼko hoyokʼa.

Sereńko 91:14

Probhu Isore meneda, “Dulạṛte okoye sabeńkan, uni doń rukhiyạyea; ar muhin khoniń bańcaoea, ente uni do ińe oromakadińạ.

Sereńko 91:15

Uniye hohowạńreń ańjomtaea; ar muhinre uni sãoteń tahena; uni doń rukhiyạyea ariń manotea.

Exodus 28:43

Aron ar uniren hoponko tinre ńapamokʼ tạmbureko bolokʼa se sonot ṭhạ̃i reakʼ pinḍre sewa kạmi lạgitʼko laha idikʼa unre onko do noa kạṭicʼ penko horoga. Nonkate onko do bin dusạnko tahena ar bako gujukʼa. Aron ar uniren bõsko lạgitʼ noage mitʼṭecʼ niạm leka tahẽyena.

Kạhtukko 12:8

Manwa cetʼleka budko khaṭao ona lekage sarhaoko ńama, menkhan peṛta hoṛ doko nihạ̃t ocokʼa.

Kạhtukko 4:8

Ạkil dulạṛme, onage am doe usulmea; ona sapʼ dohoyeme, onage am doe manotmea.

Kạhtukko 8:17

Okoe ińko dulạṛedeńkan onko do iń hõń dulạṛkoa; okoe goṭa ontorteko ńam baṛayedeńkan onko do ińko ńameńa.

Jesaea 29:13

Probhu Isore meneda, “Noko do mocategeko ganaoedeńkana ar luṭitegeko manotedeńkana, menkhan onkoakʼ ontor do iń khon sạṅgińgetakoa. Onko do manwa cecetʼakʼ niạmkote ińko sewawạń kana.

Jirimiạ 29:32

Iń do khạṭige Nehelamren Semaya ar uni bõsrenkoń sạjạikoa. Noko jạtrenko modre uniren do celege bako tahena ar ińren hoṛko okań bhạlạiko ona do bae ńela, ente uni do iń upạrteye hul akada. Iń Probhu Isorge noa katha doń meneda.’ ”

Jirimiạ 49:15

Probhu Isore meneda, “Ńitokʼ do jạt jạtrenko talareń huḍińmea ar hoṛko talare hirkhạwạnicʼ iń hoyocomea.

Jeheskel 34:10

Iń Probhu Isorgeń menetʼkana, iń do gukʼpiko secʼ do bạnuńạ; ar onkoakʼ ti khon ińren bhiḍikoń hataokoa. Ar ińren pal gukʼpiko khoniń ocokʼkoa jemon apnartetʼ aloko lab daṛeakʼ. Onkoakʼ moca khon ińakʼ palrenkoń rukhiyạkoa ar bhiḍiko do onkoren jomakʼ bako hoyokʼa.

Daniel 4:34

Ona okte purạuen khan iń Nebukadnesar do serma secʼ iń beṅgetʼkeda ar ińakʼ bud do ruạṛ hecʼadińạ. Unre iń do Coṭ utạrricʼ iń sarhaokedea; okoe do jaejug jiwetʼ menae uniń ḍobokʼadea ariń sarhaokedea. Ińiń menkeda, “Isorakʼ rajosṭi do jaejug hạbicʼ reakʼ rajosṭikana; uniyakʼ rajosṭi do piṛhike piṛhi tahena.

Malaki 1:6

Phạdkoren Probhu Isore meneda, “Hopon do acʼren apattetʼ ar guti do arcʼren kisạ̃ṛe manotea. Apatiń hoyakan khan ińakʼ manot do okare? Ar kĩsạ̃ṛiń hoyakan khan ińakʼ manot do okor? E naekeko, apege ińpe nihạ̃t giḍi akadińạ. Arpe meneda, ‘cekate ale do amle nihạ̃tetʼmea?”

Malaki 2:3

Ape khạtirte aperen bõskoń sạjạikoa; apeakʼ porobre samaṅokʼkan janwarkoakʼ mạilạ do apeakʼ mẽtʼãhãregeń thopramapea ar ona mạilạ sudhạ sạṅgińteń giḍikapea.”

Numeri 11:20

menkhan goṭa candoge mũ moca khon hirkhạge ạuri oḍokokʼ hạbicʼpe joma. Noako hoyokʼa ente okoe ape talare menae uni Probhu Isorpe nihạ̃t akadea ar uni samaṅre rakʼatepe menakada, Misor disạm bạgiyakʼ do ṭhikakʼ baṅ hoylentalea.’ ”

Numeri 35:34

Ente ape oka disạmrepe tahen ińhõ onḍegeń tahena ar ona iạte disạm do alope besapha ocoya. Ar iń Probhu Isorge Israelko talareń girobasokʼ kana.”

Johan 12:26

Jãhãege ińakʼe kạmikan khan uni do ińe pańjańma. Iń okareń tahena ińren kạmiyạko hõ onḍegeko tahena. Jãhãege ińakʼe kạmikan khan Baba do uniye manotea.

Johan 5:23

Baba cetʼlekako manotede onkage jemon Hopon hõko manote. Hopon okoe bae manotede, uni do kol akadińicʼ Baba hõ bae manotea.

Johan 5:44

Ape do eṭakʼko ṭhen khon sarhao ocokʼpe ńamkana, menkhan okaṭakʼ sarhao eken Isor ṭhen khon ńamokʼ ona reakʼ do bape kurumuṭuyeda. Ar noa tayom do cekatepe pạtiạu daṛekokʼa?

Johan 8:49

Jisui roṛ ruạṛatʼkoa, “Ińre bhut do bạnuya. Iń do ińren Babań manot edekana, menkhan ape dope be manot edeńkana.

1 Korinthiko 4:5

Onate Probhu Isore hijukʼ lahare, metakʼme ona niṭ akan din lahare okaṭakʼ hõ alope bicạra. Ńutre oka okoge menakʼ uni do unre ona marsalteye ạguya ar manwa ontor reakʼ okoakʼ monsubạkoe sodora. Unre mimitʼ hoṛ do Isor ṭhen khon sarhaoko ńama.

1 Patras 1:7

Noako biḍạu do hijukʼgea jemon apeakʼ biswạs khạṭi mente sạbudokʼtape, ar onate Jisu Mạsiye sodorokʼre ape do sarhao, ṭhonok ar manotpe ńama. Okaṭakʼ sona do heṛ idikʼ ona hõ seṅgelre khạṭi ocoy hoyokʼa; menkhan apeakʼ biswạs reakʼ dam do ona sona khon hõ artetʼ sorosgea.

Bikʼcạrko 9:10

Inạ tayom dareko do Loa dareko metadea, ‘am do aleren raj hoyokʼme.’