1 Samuel 2:3 - সান্তালী বাইবেল

³ Ape do ạḍại bạḍại katha alope roṛa, ar bạḍại reakʼ katha do moca khon alope oḍoka; ente Probhu Isor doe nonkanicʼ Isor kana okoe do jotowakʼe baḍaekan, unige kạmi reakʼe tulạyetʼ kana.

1 Samuel 2:3 Iomraidhean Croise

1 Rapajko 8:39

enḍekhan amakʼ tahen ṭhạ̃i serma khon onkoakʼ ańjomtakome ar ikạkakome; ar onkoakʼ kạmiko lekate bicạrtakome, ente am do onkoakʼ ontorem baḍaekana.

Jobakʼ 31:6

Khạṭi tulạte Isor do ińe soṅeńma, enḍekhane baḍae daṛeakʼa, iń doń miridosgea.

Sereńko 147:5

Aboren Probhu Isor doe maraṅgea, ar uniyakʼ daṛe do ḍhergea; uniyakʼ bud ar akel reakʼ mucạtʼtetʼ do bạnukʼanaṅ.

Sereńko 17:10

Onko do goṛdho ontor reakʼ duạrko siń akada; ar onkoakʼ moca khon bạḍại reakʼ katha hõ oḍokokʼ kana.

Sereńko 31:18

Bạḍại ar hirkhạ salakʼ okoe do dhorom hoṛko upạrte bemanot kathako roṛ. Onkoakʼ eṛe luṭi do guṅgạkʼtako ma.

Sereńko 44:21

enḍekhan Isor do cetʼ ona bae baḍaekan tahẽkana? Uni ma aleakʼ ontor reakʼ jotowakʼge coṅe baḍaege.

Sereńko 75:5

Apeakʼ dereń do coṭte alope rakaba ar hoṭokʼ keṭecʼkate hõ alope roṛa.’ ”

Sereńko 94:4

Onkoakʼ moca khon eken bạḍạite perecʼ bulige oḍok hijukʼ kana; onko bedhoromko doko phulạukʼ kana.

Kạhtukko 16:2

Hoṛakʼ do acʼakʼ joto horge acʼ nońjorre saphagetaea, menkhan jiu tulạ bikʼḍạuicʼ do Probhu Isorge.

Kạhtukko 24:12

Amem menle khan, “Ale do cetʼge bale baḍaea,” Menkhan okoe mone tulạ aṭkaretʼ uni do cetʼ amakʼ katha bae baḍaea? Okoe amakʼ jiwiye rukhiyạyetʼ uni do cetʼ ona bae baḍaea? Uni do mimitʼ manwako akoakʼ kạmi leka kuṛại do cetʼ bae emakoa?

Kạhtukko 8:13

Probhu Isor botorae do bạṛicʼakʼ kurudakʼge; bạḍại, ṭenḍosokʼ, bạṛicʼ beohar ar peṛta katha iń doń kurudakʼ kana.

Jesaea 26:7

Isor botorae hoṛkoakʼ hor do somangea; E dhoromicʼ, am do Isor botoraekoakʼ horem somaneda.

Jesaea 37:23

Am do okoeyem henosta akadea? Ar okoe upạrte opoman reakʼ kathako dom roṛetʼkana? Am do okoe upạrtem kikiạukʼ kana ar okoe cetantem beṅgetʼ paromeda? Am do Israelren uni sonoticʼ upạrtege noakom nonka akada.

Jirimiạ 17:10

Iń do Probhu Isorakʼ ontoriń ḍunḍhạueda ar moniń biḍạu aṭkareda; iń do manwawakʼ dãṛãn ar uniyakʼ kạmi lekate kuṛạiyiń emaekana.

Jeheskel 35:13

Am do iń upạrte bạḍạikate ḍher katham roṛ akada. Ar ona doń ańjomakada.

Daniel 4:37

Ńitokʼ iń Nebukadnesar do uni sermaren raj sarhao, manot ar ṭhonokiń emaekana, ente uni okaṭakʼe cekae ona do ṭhikakʼgeye onkayeda, ar uniyakʼ jotowakʼ horge dhoromte perecʼgetaea. Ar okoe bạḍạiteko perecʼge uni do onkoe copotʼkoa.

Daniel 5:27

TEKEL, metakʼme sosoṅakʼ tulạre am doe soṅakatʼmea ar am dom komaogea.

Malaki 3:13

Probhu Isor do arhõe meneda, “Ape do iń upạrte keṭecʼ keṭecʼ kathape roṛeda, menkhan apepe meneda, ‘am upạrte do cetʼle menakada?’

Ibriko 4:12

Isorakʼ katha do jiwetʼgea ar jojaoakʼ kangea ar dene banar dharanakʼ tarwaṛe khon hõ bạ̃ṛti lasergea. Noa katha do manwa jiwi ar jiu, uṭi ar tumul hạṭiń begar hạbicʼ hõ sobokʼakʼ kana ar manwa ontor reakʼ sanam monejoṅakʼ ar hudisko biḍạu aṭkarakʼ kana.

Josuạ 22:22

“Sanam daṛeanicʼ Probhu Isor! Sanam daṛeanicʼ Probhu Isor! Uni mae baḍaege ar Israelko hõko baḍaema. Probhu Isor upạrte jãhãn hul se bebatao reakʼ kạmi hoyakan khan enḍekhan teheń alope rehaelea.

Johan sodor 2:23

Ar uniren gidrạko hõń gocʼ giḍikakoa. Onate sanam manḍerrenko baḍae daṛeakʼa, ińkangeạń manwakoakʼ mon ar ontor ḍunḍhạuicʼ do. Ar apeakʼ kạmiko leka mitʼke mitʼ hoṛ do joń emapea.

Bikʼcạrko 9:38

Unre Sebul do uniye metadea, “Ńitokʼ do okayentama mocatem roṛletʼ maraṅ maraṅakʼ katha do? Amem menakada, ‘Abimelek doe cele kante uniyakʼ gobolre bon tahena? Noko hoṛko ma bacom puchạuletʼko. Ńitokʼ do oḍokokʼte onko sãote lạṛhạime.”

1 Samuel 16:7

Menkhan Probhu Isor do Sạmuele metadea, “Uniyakʼ rup se tinạkʼe usula ona do alom ńela, ente uni doń nihạ̃t akadea. Manwa okaṭakʼe ńel onate do jãhãnakʼ do baṅ cekakʼa, ente manwa do bahre rupko ńela menkhan Probhu Isor do ontorgeye ńeleda.”