1 Samuel 2:14 - সান্তালী বাইবেল

¹⁴ Onate uni do celaṅ se karahe se gamlareye gutuyetʼ tahẽkana ar ona kạ̃ṛchure tinạkʼ jel rakabokʼkan tahẽkan naeke do ona jotoge acʼ lạgitʼe idiyetʼ tahẽkana. Ar Israelren tinạkʼ hoṛ Siloteko hijukʼkan tahẽkan unkin do onko sanamko tulucʼ nonkage kin beoharetʼ tahẽkana.

1 Samuel 2:14 Iomraidhean Croise

Jesaea 56:11

Onko do lebṛa seta lekanako, onko do bikʼ bako baḍaea. Onko do bebuj gukʼpiko lekanako; jotokoge apan ạpin horteko ruạṛ calao akana ar apnarakʼ lab reakʼko kurumuṭu kana.

Levitikus 7:34

Israelkoakʼ sanam sulukren samaṅokʼakʼ khon iń ńutumte dolek dohoakatʼ koṛam reakʼ jel ar samaṅakʼ bulu reakʼ jel do naeke Aron ar uniren hoponkoń ematʼkoa. Noa do Israelko ṭhen khon onkoakʼ bakhra hĩs kana.”

Mikạ 3:3

Ape do ińren hoṛkoakʼ jelpe jometʼkana, onkoakʼ harta chaḍaokate jaṅko dope rạputʼ gejereda; ape do celaṅ reakʼ jel leka onkope kuṭiyetʼkoa.

Malaki 1:10

“Hae! Ape modre mitʼ hoṛ hõ mundil oṛakʼ reakʼ duạre sińlere ar ińakʼ pinḍ cetanre ạuṛiyakʼ reakʼ seṅgel bape jeretʼ lekhan iń do ạḍiń kusikokʼa. Ape cetanre iń doń khĩs akana ar samaṅokʼakʼ reakʼ jinisko hõ apeakʼ tite bạń ataṅa.

1 Samuel 2:13

Unkin do hoṛko sãote nonkakin beoharetʼ tahẽkana: jãhãe hoṛren samaṅokʼakʼren janwarakʼ jel tinre tekekʼa unre naekeren guti do pea jaṅgawakʼ mitʼṭecʼ lạṭu kaṭa kạ̃ṛchue ạguiyetʼ tahẽkana.

1 Samuel 2:15

Ona chaḍa, itil do seṅgelre ạuri atar giḍikakʼrege naekeren guti do janware samaṅ akade hoṛe metaekan tahẽkana, “Seṅgelre atar lạgitʼ naeke jel emaeme. Ente uni do am ṭhen khon tekeakʼ jel do baṅ, menkhan berelakʼ jelgeye hataoa.”

1 Samuel 2:29

Enḍekhan ińakʼ oṛakʼre okako samaṅokʼ reakʼ hukumiń emakatʼ ape do cedakʼ ona janwar dãṛẽ ar eṭakʼ samaṅokʼakʼkope bemanoteda? Ińren hoṛ Israelkoakʼ samaṅokʼakʼko reakʼ joto khon bhageakʼ hạṭińte apnartetʼko jom tirpitokʼkante cedakʼ am do iń khon hõ amren hoponkin bạ̃ṛtim manotetʼkinạ?’