1 Samuel 2:12 - সান্তালী বাইবেল

¹² Eliren hopon do dusṭạmi hoṛkin tahẽkana. Unkin do Probhu Isorakʼ jãhãnakʼge bạkin moneyakʼkan tahẽkana.

1 Samuel 2:12 Iomraidhean Croise

1 Rapajko 21:10

Ar uni samaṅ reakʼ duṛupʼakʼ ṭhạ̃ire do barea bạṛicʼ hoṛpe duṛupʼkinạ. Unkin do niạ mente uni upạrte gohakin emma, uni do Isor ar raj upạrte bemanotakʼ kathae roṛ akada mente. Ar ona tayom onḍe khonpe or oḍokea ar dhiritepe tiń gojeya.”

1 Rapajko 21:13

Ar ona tayom barea dusṭami hoṛ do hecʼkate Nabat samaṅrekin duṛupʼente uni upạrte niạ gohakin emkeda, uni do Isor ar raj upạrte bemanotakʼ kathae roṛ akada. Ona tayom hoṛko do nagraha bahrete Nabatko or oḍok idikedete dhiriteko tiń gocʼkedea.

Jirimiạ 2:8

Naekeko hõ bako kuliyana, ‘Probhu do okare menaea mente?’ Okoeyakʼ tire ạn-ạri tahẽkan onko hõ bako oromledeńa; onko do iń upạrteko hulkeda. Nạbiko hõ ạuṛiyakʼren boṅgako tayomte senkate Bakʼal debota ńutumteko nạbiyetʼ tahẽkana.

Jirimiạ 22:16

Uni do reṅgecʼ orecʼko ar dukhạliạkoakʼ mamblae chinḍạuetʼtako tahẽkana. Probhu Isor baḍaeye do ona sanamakʼ kạmikoge.

Jirimiạ 9:3

Probhu Isore meneda, “Onko do eṛeyakʼ sar tuń lạgitʼ akoakʼ akʼ leka alaṅko sapṛao akatʼtakoa; disạmre sạriyakʼ cetanre eṛeyakʼ jitạu akana. Onko do kại cetanko kạiyeda. Ar akoren Isor mente bako aṅgoc edeńkana.

Jirimiạ 9:6

Am do eṛeyakʼ talarem girobasokʼ kana! Amren hoṛko do eṛeyakʼteko perecʼgea; ar iń ṭhen do bako jimạkʼ kana.”

Jeheskel 22:26

Uniren naekeko do ińakʼ ạn-ạri upạrteko kạmikana ar ińakʼ sonot jiniskoko besonot ocoyeda. Okaṭakʼ sonotakʼkan ar okaṭakʼ do sonotakʼ baṅkan ona jotoko mitʼeda; onko do sapha ar besaphawakʼ talare oka pharak menakʼ ona reaṅ bako cetʼako kana ar ińakʼ jirạukʼ mãhãko manao babotre mẽtʼ doko jạpitʼkatako kana. Onate onko talare ińakʼ ńutum reakʼ sonottetʼ do nosṭokʼ kana.

Johan 16:3

Onko do noa iạtegeko onkaea ente Baba hõ bako baḍaeakadea ar iń hõ bako baḍae akadińạ.

Johan 17:3

Ar jaejug jion do nõkʼõe, amge eskar sạri Isorko baḍaeme ar amem kolakade Jisu Mạsi.

Johan 8:55

Ape do tis hõ bape baḍae akadea, menkhan iń doń baḍae edekana. Ar bạń baḍae akadea menteń menle khan, ape leka eṛeyicʼgeń hoyokʼa. Menkhan iń doń baḍaeyede kana ar uniyakʼ katha lekageń calakʼ kana.

Romiko lạgitʼ Pạul Apostolakʼ ciṭhi 1:21

Manwa do uni reakʼakʼko baḍaekatere hõ Isor mente bako mạhimawadea, ar bako gunmanao joharadea. Onkoakʼ hudisjoṅakʼko do ạuṛiyakʼena ar onkoakʼ bebuj ontor do ńutte perecʼ akana.

2 Korinthiko 6:15

Mạsi tulucʼ Beliạlakʼ, metakʼme Soetanakʼ aṛaṅ do cetʼ jurikʼ kangea? Isorren hoṛko lekate biswạsikoakʼ oka bakhra onare cetʼ bin biswạsikoakʼ bakhra do menakʼgea?

Dosar Biboron 13:13

onḍenko Israelko modren thoṛa bạṛicʼ hoṛ do onḍenko hoṛko niạ menkate bạṛicʼ horteko or idiakatʼko, ‘dela bon, debotako bon sewawako ma,’ okoe do abo ṭhenko nãwãge.

Dosar Biboron 13:14

Ar onage hoyokʼ khan ape do mońj okocʼte suṭhik hataokate biḍạu aṭkarpe. Ar sạrikana mente sạbudlen khan bạṛicʼ utạrakʼ kạmi ape talare hoyakante,

Bikʼcạrko 19:22

Ado khạtirjomako tahẽkanre nagraharen kharap hoṛko do hecʼkate ona oṛakʼko gheraokeda. Onko do silpiń ḍhae ḍhae dal baṛakate haṛam hoṛko metadea, “Okoe hoṛ amakʼ oṛakʼteye hecʼakan uni do ale ṭhen oḍok ạguiyem. Ale do uni sãotele loṭghuṭiya.”

Bikʼcạrko 2:10

Josuạ okteren Israelko do gocʼente akoren hapṛam ṭhenko calaoen khan onkoakʼ jaegare onkoren hoponkoko hecʼena. Onko do Probhu Isor bako baḍae akade tahẽkana ar Israelko lạgitʼ Probhu Isor okakoe cekaletʼ ona hõ bako baḍaekan tahẽkana.

1 Samuel 10:27

Menkhan mitʼ bar bạṛicʼ hoṛ doko menkeda, “Nui hoṛ do cetʼ lekateye rukhiyạ bona?” Onko do uniko nihạ̃tkedea ar cetʼ sandesge bako emadea. Menkhan khan Sạul do hapegeye tahẽyena.

1 Samuel 25:17

Ado ma hudisme am do ńitokʼ cetʼem cekaea, ente aleren kisạ̃ṛ ar uniren sanam hoṛko cetanre bạṛicʼakʼ do niṭ akana. Menkhan aboren kisạ̃ṛ do mitʼṭen bodmejaji hoṛ kanae, uni do okoeyakʼ kathage bae ańjoma.

1 Samuel 3:13

Iń do uniń menakadea, bedhorom iạte uniren bõsko do jaejug hạbicʼ iń sạjạikoa. Eli doe baḍaekan tahẽkana, acʼren hoponkin do apnartege bohokʼre sạjạikin ạgu akawana, menkhan uni do sontorkin reakʼ bae kurumuṭuleda.

1 Samuel 3:7

Samuel do unhạbicʼ hõ Probhu Isor do bae orom akade tahẽkana; ar Probhu Isor hõ unhạbicʼ uni tulucʼ katha bae roṛakatʼ tahẽkana.