1 Samuel 2:11 - সান্তালী বাইবেল

¹¹ Inạ tayom Elkana do Ramate acʼakʼ oṛakʼteye ruạṛ calaoena, menkhan Samuel do naeke Eli ṭhen tahẽkate Probhu Isore sewawae kan tahẽkana.

1 Samuel 2:11 Iomraidhean Croise

1 Samuel 1:1

Ephrayim buru ṭoṭha reakʼ Ramathayim Sophim nagrahare Elkana ńutuman mitʼ hoṛ do Ephrayim gusṭiren hoṛko sãoteye girobasokʼ kan tahẽkana. Uniren apatakʼ ńutum do Jeroham tahẽkana. Jeroham do Elihuren hopone tahẽkana, Elihu do Tohuren hopon ar Tohu do Suphren hopone tahẽkana.

1 Samuel 1:19

Dosar hilokʼ setakʼ onko do beretʼkate mundilre senkate Probhu Isorko sewawadea. Ar ona tayom do akoakʼ oṛakʼ Ramoteko ruạṛ calaoena. Tayomte Elkana do acʼren bạhu Hanna ṭhene boloyena ar Probhu Isor hõ Hannae luturadea.

1 Samuel 1:28

Ona iạte gidrạ do Probhu Isorgeń emadea. Ar tinạkʼ din jiwetʼe tahen unạkʼ din nui do Probhu Isorrene tahena.” Ar onko do bohokʼ kuḍburkate Probhu Isorko sewawadea.

1 Samuel 2:18

Menkhan huḍiń gidrạ Samuel do mĩhĩ musnạ sutạm reakʼ ephod horokʼkate Probhu Isore sapʼsorae kan tahẽkana.

1 Samuel 3:1

Huḍiń koṛa Samuel do Eli tabere tahẽkate Probhu Isore sapʼsoraekan tahẽkana. Ar onako dinre Probhu Isorakʼ katha do ḍher do baṅ ańjomokʼkan tahẽkana ar uniyakʼ dorson hõ mitʼ talao do bań ńamokʼkan tahẽkana.

1 Samuel 3:15

Ar Samuel do setakʼ hạbicʼ giticʼgeye tahẽyena, ar ona tayom beretʼkate Probhu Isorakʼ oṛakʼ reakʼ duạrkoe jhicʼkeda; menkhan niạ dorson reakʼ katha Eli ṭhen lạlại do bae dilleda.

1 Samuel 7:17

Ar ona tayom uni do acʼakʼ oṛakʼ Ramateye ruạṛ calakʼkan tahẽkana. Uni do onḍe hõ Israelkoe bicạretʼko tahẽkana. Ar Probhu Isor ńutumte onḍe mitʼṭecʼ pinḍe benaoletʼ tahẽkana.