1 Samuel 19:8 - সান্তালী বাইবেল

⁸ Tayomte arhõ lạṛhại tinre ehopʼena unre Dạud do oḍok senkate Philisṭiko sãoteye lạṛhạiyena. Uni do onkoren ạḍi utạr hoṛe gocʼketʼkoa, ar onko do uni samaṅ khonko dạṛkeda.

1 Samuel 19:8 Iomraidhean Croise

1 Rapajko 20:21

Israelren raj doe laha idiyente sarecʼ sadomko ar rãt gạḍikoe maraoketʼtakoa ar Aramrenkoakʼ ạḍiye loksanketʼ takoa.

Sereńko 27:3

Palṭon phạdko ińko esetʼ ạcur lińre hõ, enhõ ińakʼ mon do baṅ botorokʼtińạ; ar iń upạrte lạṛhại ehopʼlenre hõ enrehõ iń do bhorsa do tahentińgea.

1 Samuel 18:14

Probhu Isor do uni sãoteye tahẽkante jotowakʼrege bud salakʼ kạmikateye jo bahakʼkan tahẽkana.

1 Samuel 18:30

Inạ tayom Philisṭikoren subedarko do lạṛhại lạgitʼ oḍok hijukʼko ehopʼena. Ar tinạkʼ dhaoko oḍok hecʼen unạkʼ dhaoge Sạulren kạmiyạko khon Dạud do bud salakʼe kạmiketʼteye jo bahayena. Ar nonkate uniyakʼ ńutum do manot idiyena.

1 Samuel 19:7

Tayomte Jonathan do Dạude hohowadea ar uniyakʼ sanam kathae lạiyadea. Uni do Sạul ṭhene idikedea ar Dạud do lahate lekage Sạul ṭhene tahẽyena.

1 Samuel 19:9

Ar Probhu Isor ṭhen khon mitʼṭen bạṛicʼ jiu do Sạul cetanre hecʼkateye decʼena. Unre Sạul do acʼakʼ oṛakʼreye duṛupʼ akan tahẽkana ar uniyakʼ tire do mitʼṭecʼ borlom tahẽkana, ar Dạud do peṛesaṅe banametʼ tahẽkana.

1 Samuel 23:5

Dạud do unre acʼren hoṛkoante Kayilateye calaoena ar Philisṭiko sãoteye lạṛhạiyena ar onkoren ḍaṅgrako, bhiḍikoe luṭ ạguketʼkoa. Ar Philisṭiren ḍher hoṛe gocʼketʼkote Kayilaren hoṛkoe rukhiyạketʼkoa.