1 Samuel 19:4 - সান্তালী বাইবেল

⁴ Jonathan do acʼren apat Sạul ṭhen Dạude sarhaokedea, are menkeda, “E maharaj, amren golam Dạud upạrte jãhãnakʼ do alogem cekaea. Am upạrte uni ma jãhãnakʼ bacoṅe kại akatʼ, bickom uni okae ceka akatʼ onate ḍhergem upkạr akana.

1 Samuel 19:4 Iomraidhean Croise

Genesis 42:22

Ruben do onkoe metatʼkoa, “Iń doń metatʼpe tahẽkangea, ‘uni cetanre behokakʼ alope kạmiya.’ Menkhan unre bape ańjomletʼtińạ. Ńitokʼ do uniyakʼ mãyãm reakʼ hakʼla hạli reakʼ okte hoyakana.”

Genesis 9:6

Isor do manwa acʼlekageye sirjạu akadea; onate jãhãn manwa jodi jãhãeye khũne enḍekhan eṭakʼ armitʼ hoṛ do uni khũniạhi hoṛakʼ jiwiye hataotaea.

2 Bõsbudạ 6:22

“Jãhãe hoṛ eṭakʼ hoṛ upạrte behok iạteye dusilen khan ar acʼ apnar cetanre sarap ạgui lạgitʼe kiriạ ocokʼ khan ar amakʼ oṛakʼre senkate uni do pinḍ samaṅreye kiriạlen khan,

Sereńko 35:12

Bhạlại bodol onko do bạṛicʼakʼko halawạń kana; Hae, iń okoḍa do!

Sereńko 59:4

Iń do jãhãnakʼ bạń dos akatʼa, enhõ onko do ńir hecʼkate iń upạrteko teṅgo akana. Iń goṛowạń lạgitʼ beredokʼme, ar ińakʼ muhin ńelme.

Kạhtukko 17:13

Okoe hoṛ upkạr bodole behoketʼkan, behok do uniyakʼ oṛakʼ tishõ bae bạgiyakʼa.

Jirimiạ 18:20

Bhageakʼ bodolte cetʼ bạṛicʼakʼko halaea? Menkhan onko do iń lạgitʼ ghaḍlakʼko la akada. Disạime, amakʼ edre onkore jemon ruạṛ calakʼ onate am samaṅre teṅgokate onkoakʼ kathań roṛetʼkana.

1 Korinthiko 8:12

Nonkate aperen boehako upạrtepe kại ar onkoakʼ nijor bibekkope hạ̃nletako khan enḍekhan ape do Mạsi upạrtegepe kạiya.

1 Johan 3:15

Okoe boehae kurudaekan uni doe khũniạhi kana. Ar cele khũniạhi hõ jaejug jion do bae ńama ona dope baḍaegea.

1 Samuel 2:25

Manwa do manwa upạrteye kại khan Isor do onae miṭmaṭ daṛeakʼa; menkhan Probhu Isor upạrte manwae kại enḍekhan uni lạgitʼ do okoeye nehõr daṛekokʼa?” Menkhan unkin do apatakʼ katha bạkin luturada, ente Probhu Isor do unkin gocʼkin reakʼe goṭa akatʼ tahẽkana.

1 Samuel 20:32

Jonathan do acʼren apattetʼe metadea, “Uni do cedakʼ gujukʼ hoyokʼtaea? Uni do cetʼe ceka akatʼte?”

1 Samuel 22:14

Ahimelek do raj roṛ ruạṛadeteye metadea, “E maharaj, amren sanam kạmiyạko khon amren jãwãe gomkem Dạud leka pạtiạr do ar okoe menaea? Uni do amren pahra khataren mukhiyạ kanae ar amakʼ gharońj talaren hõ mitʼṭen manoticʼge.