1 Samuel 18:6 - সান্তালী বাইবেল

⁶ Dạud do uni Philisṭi Goliạte gocʼkede tayom tinre hoṛko oṛakʼteko ruạṛ hijukʼkan tahẽkana unre Israelkoakʼ sanam nagrahako khon maejiuko do enecʼate, tabla ru rute ar peṛesaṅ banam banamate Sạul darame lạgitʼko oḍok hecʼena.

1 Samuel 18:6 Iomraidhean Croise

2 Samuel 1:20

Gatre niạ khobor do alope lạiya, ar Askelon reakʼ hor horte hõ alope lại sodora; arpe onkae khan Philisṭikoren hoponera doko rạskạ joṅa, onko bin khatna hoṛkoren hoponera doko hulạs joṅa.

2 Samuel 6:5

Dạud ar Israel jạtren sanam hoṛ Probhu Isor samaṅre debdạru kaṭte benaoakʼ sanam lekan bajnako ar binạ banam, peṛesaṅ, tabla, kortal ar ghạnṭikoante sereń sereńteko calakʼkan tahẽkana.

Sereńko 149:3

Onko do enecʼ enecʼte uniko sarhao sereńae ma, tabla ar banamte uniko õṛhẽyema;

Sereńko 68:11

Probhu Isor do hoṛkoe hukumatʼkoa; ar bhage sombat lại jạhir maejiuko doko ḍhergea.

Sereńko 68:25

Laha lahate sereńko, ar onko tayomre do bajna darkoge; ar jhurjhuri saḍeyetʼkan kuṛiko do onko tala talate.

Exodus 15:20

Aronren miserat Mạriạm do mitʼṭen maejiu nạbigeye tahẽkana. Uni do toblae sapʼkeda, ar uni tayom tayomte eṭakʼ maejiuko hõ tobla sapʼkate enecʼ enecʼteko oḍok hecʼena.

Exodus 15:21

Moseyakʼ sereń reakʼ roṛ ruạṛre Mạriạm do noa sereńe sereńkeda; “Ape do Probhu Isor ńutumte sereńpe, ente hoṛkoakʼ mẽtʼãhãre uniyakʼ ṭhonok do maraṅena. Sadomko ar aswariko do unige doreão dakʼreye khadleketʼkoa.”

Jesaea 30:32

Probhu Isor do onko sãote lạṛhại jokhecʼ tinre acʼakʼ niṭ akatʼ ṭheṅgate onkoe hạnkoa unre tobla ar peṛesaṅ do banamokʼa.

Bikʼcạrko 11:34

Jiptha do tinre Mispare acʼakʼ oṛakʼteye ruạṛ hecʼena unre darame lạgitʼ okoeye oḍok hecʼen uni do acʼren hoponerageye tahẽkana. Uni do tobla ru rute ar enecʼateye hijukʼkan tahẽkana. Uni do Jiptharen sadher hoponerae tahẽkana.

1 Samuel 18:5

Ar Sạul do Dạud jãhãtegeye kolkaekan tahẽkan onḍegeye calakʼkan tahẽkana ar bud salakʼe kạmi purạuetʼ tahẽkana. Ona iạte Dạud do lạṛhạiko cetanreye dohokedea. Onate sanam hoṛ do unireko kusiyena ar onko sãote Sạulren kạmiyạko hõ.