1 Samuel 18:10 - সান্তালী বাইবেল

¹⁰ Dosar hilokʼ Isor ṭhen khon mitʼṭen bạṛicʼ jiu do hecʼkate Sạul cetanreye jãpaṛena. Onate uni do acʼakʼ oṛakʼre bhitrireye chaṭ paṭao baṛaekan tahẽkana. Ar Dạud do eṭakʼ dinko leka uni samaṅre peṛesaṅ baname ehopʼena. Unre Sạulakʼ tire mitʼṭecʼ borlom tahẽkana.

1 Samuel 18:10 Iomraidhean Croise

1 Rapajko 18:29

Onko do tikin khon tarasiń okte reakʼ janwar samaṅokʼ okte hạbicʼ boktaokʼtegeko tahẽyena. Menkhan jãhãn aṛaṅge bako ńamleda, ar cele hõ bae roṛ ruạṛatʼkoa, ar mone hõ bae moneyatʼkoa.

1 Rapajko 22:12

Eṭakʼ nạbiko hõ inạ kathageko menkeda. Onko doko menkeda, “Ramot-Gileadte rakapʼ calakʼme ar jitạukʼme, ente Probhu Isor do maharajakʼ tire onae jimạ akada.”

Jirimiạ 28:11

Ar sanam hoṛkoe metatʼkoa, “Probhu Isore meneda, ‘nonkage iń do bar bochor bhitrite sanam jạtrenkoakʼ taren khon Babel raj Nebukadnesarakʼ arãṛ iń rạputʼ giḍiya.’ ” Unre Jirimiạ nạbi do onḍe khone calaoena.

Aposkạmi 16:16

Mitʼ din ona koejoṅ jaegatele calakʼkan tahẽkanre mitʼṭen kạ̃ṛmĩ sãotele ńapamena. Uni do mitʼṭen bạṛicʼ jiue ńamakawan tahẽkante darakan dinko reakʼ sanamakʼe lại daṛeakʼkan tahẽkana. Onate acʼren kisạ̃ṛakʼ do ạḍi lab hoyokʼkantae tahẽkana.

2 Thessalonikiko 2:11

Onate Isor do onko ṭhen nonkan mitʼṭecʼ daṛeye kola onate bhul horteye idikoa, jemon eṛeakʼreko pạtiạukʼ.

Bikʼcạrko 16:20

Ona tayom Dolila doe metadea, “E Samson, Philisṭiko do am sapʼme lạgitʼko hecʼakana.” Samson do jạpitʼ khon ebhenkateye hudiskeda, lahate lekage irci giḍikate bahreteye oḍok calakʼa mente. Menkhan bae baḍaekan tahẽkana, Probhu Isor do uniye bạgi giḍi akadea mente.

1 Samuel 16:23

Isor ṭhen khon tinre uni bạṛicʼ jiu do Sạul cetanreye hijukʼkan tahẽkana unre Dạud do acʼakʼ peṛesaṅe banametʼ tahẽkana. Nonkate Sạul do ạḍi mońje ạikạuetʼ tahẽkana ar suluke ńametʼ tahẽkana, ar uni bạṛicʼ jiu hõ uni khone ocokʼ calakʼkan tahẽkana.

1 Samuel 18:9

Ar inạ tayom khon Sạul do Dạud hiskạwaeye ehopʼena.

1 Samuel 19:10

Unre uni do borlomte Dạud bhitre sobokʼ jalade reakʼe kurumuṭukeda, menkhan Dạud do uni samaṅ khone ocokʼente borlom do bhitre bitʼena. Ar enhilokʼ ńindạ Dạud doe dạṛketʼte rukhiyại ńamkeda.

1 Samuel 19:7

Tayomte Jonathan do Dạude hohowadea ar uniyakʼ sanam kathae lạiyadea. Uni do Sạul ṭhene idikedea ar Dạud do lahate lekage Sạul ṭhene tahẽyena.

1 Samuel 19:9

Ar Probhu Isor ṭhen khon mitʼṭen bạṛicʼ jiu do Sạul cetanre hecʼkateye decʼena. Unre Sạul do acʼakʼ oṛakʼreye duṛupʼ akan tahẽkana ar uniyakʼ tire do mitʼṭecʼ borlom tahẽkana, ar Dạud do peṛesaṅe banametʼ tahẽkana.

1 Samuel 26:19

E ạlińren maharaj, ạlińren mạlik, ńitokʼ do dayakate abenren gutiyakʼ katha ańjom ben. Probhu Isorge ạliń upạrteye teṅgo akatʼ ben khan tobe do ạlińakʼ samaṅokʼakʼ uni ṭhen ataṅokʼma. Ar manwako onka akatʼ khan tobe do Probhu Isorakʼ sarap onkore paṛaokʼma, ente teheń do Probhu Isore em akatʼ sompottire ạlińakʼ oka bhag menakʼ ona khon laga ńir liń reakʼko kurumuṭu kana. Onko doko meneda, ‘Do calakʼme, ar debotako pujạwakome.’