Biblia Todo Logo
Bìoball air-loidhne

- Sanasan -




1 Samuel 17:18 - সান্তালী বাইবেল

18 ar niạ gel goṭecʼ ceṛa chale do hajar cetankoren subedarko lạgitʼ idime. Ar amren dadamteko cetʼleka menakʼkoa ona ńel ạguiyme ar onko ṭhen khon jãhãnakʼ cinhạ ạgu daraeme.

Faic an caibideil Dèan lethbhreac




1 Samuel 17:18
13 Iomraidhean Croise  

Unre mitʼ din Israel do Josephe metadea, “Dadamtako do Sikemre merom ar bhiḍi palko gukʼpikana. Ar ińakʼ monejoṅakʼ do noage am do onko ṭhenem calakʼa.”


Israel do arhõe menkeda, “Amren dadamtako ar bhiḍi-meromko cetʼleka menakʼkoa senkate ona reakʼ khoborem ạguạńạ.” Ar noa menkate Joseph do Hebron reakʼ buru lodam khone kolkadea. Joseph do tinre Sikemteye seṭerena unre mitʼṭen hoṛ do bilạn ṭạnḍire ạcur baṛaekan ńelkedeteye kulikedea, “Cetʼem sendra baṛakana?”


dumur rasa, dahe, gotom ar bhiḍikoko ạguketʼkoa. Onko doko hudiskeda, hahaṅkarre onko do reṅgecʼ ar tetaṅteko lorao akana.


Ester cetʼleka menaea ar cetʼko hoyokʼkana ona baḍae lạgitʼ Mordekai do din hilokʼ Haremakʼ raca samaṅreye dãṛã baṛaekan tahẽkana.


Toa lekagem dul akadińạ ar gotom lekam gaṛdha ocoakadińạ.


Khobor ańjomkate Mose do acʼren hońhartetʼ sãote ńapamokʼ lạgitʼe oḍok hecʼena. Uni do hońhartetʼe ḍobokʼadea are cokʼadea. Ar boge judạkin kuliyante tạmbu bhitriteye aderkedea.


Thoṛa din tayom Pạul do Barnabase metadea, “Dela, okako jaegare Probhu Isorakʼ katha laṅ porcar akatʼ, onako jaegate arhõ ruạṛ senkate boehako laṅ hirikoa ar cetʼleka menakʼkoa mente ona hõ laṅ ńeltorakoa.”


Niạ katha ańjomkate onko do Mikạwakʼ oṛakʼren uni Liwi koṛawakʼ oṛakʼteko boloyena ar boge bạṛicʼ reakʼ khoborko hataokeda.


Unre Jisại do jauḍicʼ piṭhạ, harta reakʼ thulire darkha rasa ar mitʼṭen merom hopon noako mitʼṭen gadhareye ladekeda ar acʼren koṛa Dạud do Sạul ṭhene kolkadea.


Sạul ar amren dadamteko ar sanam Israelkoren lạṛhại phạdko do Ela otetre menakʼkoa ar Philisṭiko sãoteko lạṛhại kana.”


Unre Dạud do gel goṭen juạn koṛa uni ṭhen kolketʼkoteye metatʼkoa, “Karmelren Nabal ṭhen calakʼpe ar iń ńutumte johar emkate metaepe, ‘Am ar am gharońjren hoṛkoakʼ ar amakʼ jotowakʼge bhạlại hoyokʼtam ma.’


Okoe barsae hoṛ Besor nalare laṅga iạte Dạud sãote bako calao daṛeatʼ tahẽkan, onko ṭhen Dạud doe ruạṛ hecʼena. Onko hoṛ do Dạud ar uni sãoten hoṛko daram ạguko lạgitʼko oḍok hecʼlena. Dạud ar uniren hoṛko do onko ṭhenko seṭeren khan Dạud do onkoakʼ khoj khobore hataokeda.


Lean sinn:

Sanasan


Sanasan