1 Samuel 16:7 - সান্তালী বাইবেল

⁷ Menkhan Probhu Isor do Sạmuele metadea, “Uniyakʼ rup se tinạkʼe usula ona do alom ńela, ente uni doń nihạ̃t akadea. Manwa okaṭakʼe ńel onate do jãhãnakʼ do baṅ cekakʼa, ente manwa do bahre rupko ńela menkhan Probhu Isor do ontorgeye ńeleda.”

1 Samuel 16:7 Iomraidhean Croise

Genesis 4:5

menkhan Kainakʼ dãṛẽ do bae ataṅleda. Onate Kain do raṅgaote mẽtʼãhãe dhundketʼtaea.

2 Samuel 14:25

Goṭa Israel disạmre Absalom leka ńelokʼte mońj do ar okoe hõ bako tahẽkana. Mońj ńelokʼ iạte uni do jotoko khon bạ̃ṛti sarhaoe ńametʼ tahẽkana. Uniyakʼ jaṅga talka khon coṭ bohokʼ hạbicʼ okare hõ cetʼ khutge baṅ tahẽkantaea.

2 Samuel 7:20

“Dạud do am ṭhen ar cetʼe men daṛekea? E Probhu Isor, amren guti mam baḍae akadege.

1 Rapajko 8:39

enḍekhan amakʼ tahen ṭhạ̃i serma khon onkoakʼ ańjomtakome ar ikạkakome; ar onkoakʼ kạmiko lekate bicạrtakome, ente am do onkoakʼ ontorem baḍaekana.

1 Bõsbudạ 17:18

“Amiren guti okaṭakʼ manotem udukʼade onate iń do am ṭhen cetʼ arhõ ḍheriń roṛ daṛeakʼa? Ar amren guti mam baḍae akadege.

1 Bõsbudạ 28:9

“Ar ińren hopon Solomon, am do am apatren Isor samaṅrem taṛam ar amakʼ mon ar ontorte unim sewawaea, ente Probhu Isor do sanamkoakʼ ontore baḍaekana ar ganḍonjoṅakʼ hõe baḍaegea. Uniyakʼ monsubạ baḍae reakʼem kurumuṭule khanem baḍae daṛeakʼ, menkhan unim bạgiye enḍekhan uni hõ jaejug lạgitʼe nihạ̃tmea.

2 Bõsbudạ 16:9

Okoe do Probhu Isorko botorae onko rukhiyạko lạgitʼ uniyakʼ mẽtʼ do dhạrti reakʼ sanam jaegakore tahena. Am do lelhawakʼem kạmi akada. Ńit khon am do ghane ghạṛicʼ lạṛhạirem paṛaokʼa.”

2 Bõsbudạ 6:30

enḍekhan amakʼ tahen ṭhạ̃i serma khon onkoakʼ ańjomtakome ar ikạkakome. Ar onkoakʼ kạmiko lekate bicạrtakome, ente am do onkoakʼ mon reakʼ jotom baḍaea ar eken amge sanam manwakoakʼ ontorem baḍaekana.

Jobakʼ 10:4

Amakʼ mẽtʼkin do cetʼ harta reakʼ mẽtʼkana? Manwa leka cetʼ am hõm ńeńelkangea?

Jobakʼ 35:5

Serma secʼ beṅgedpe ar; ńelpe, rimil do tinạkʼ coṭre menakʼa mente.

Sereńko 139:2

Jãhãnakʼgeń cekayetʼ am do jotogem baḍaekana; am do sạṅgiń khonge ińakʼ mon reakʼ hudis bundiskom baḍae daṛeakʼkana.

Sereńko 7:9

E dhoromren Isor, am do mon ar ontorem ḍunḍhạueda; amge bedhoromkoakʼ bạṛicʼakʼko cabaetakome menkhan amren dhoromko do teṅgo ṭarhao akae dohokom.

Kạhtukko 15:11

Probhu Isor samaṅre Sheol ar Abbadon banarge sodorgea; enḍekhan tinạkʼ artetʼge manwakoakʼ mon do!

Kạhtukko 16:2

Hoṛakʼ do acʼakʼ joto horge acʼ nońjorre saphagetaea, menkhan jiu tulạ bikʼḍạuicʼ do Probhu Isorge.

Kạhtukko 24:12

Amem menle khan, “Ale do cetʼge bale baḍaea,” Menkhan okoe mone tulạ aṭkaretʼ uni do cetʼ amakʼ katha bae baḍaea? Okoe amakʼ jiwiye rukhiyạyetʼ uni do cetʼ ona bae baḍaea? Uni do mimitʼ manwako akoakʼ kạmi leka kuṛại do cetʼ bae emakoa?

Kạhtukko 31:30

Mońj beohar do eṛegea, ar cõhõk hõ ạuṛiyakʼgea, menkhan okoe maejiu do Probhui botorae uni do sarhaoe ńama.

Jirimiạ 11:20

E phạdkoren Probhu Isor, dhoromtegem bicạreda, am do mon ar ontor reakʼem biḍạu aṭkareda, onate uni cetanre amakʼ halae reakʼ ńel ocowạńme, ente iń do am ṭhengeń lạlis akada.

Jirimiạ 17:10

Iń do Probhu Isorakʼ ontoriń ḍunḍhạueda ar moniń biḍạu aṭkareda; iń do manwawakʼ dãṛãn ar uniyakʼ kạmi lekate kuṛạiyiń emaekana.

Jirimiạ 20:12

E phạdkoren Probhu Isor, am do dhorom hoṛkom biḍạu aṭkaretʼko kana ar mimitʼkoakʼ ontor ar mon reakʼ katham baḍaekana. Ińren bạiriko cetanre onem hala hạliyetʼkan ona baṛe ńel ocoyińme, ente ińakʼ mambla do amgeń baḍae ocoakatʼmea.

Luk 16:15

Unre Jisui metatʼkoa, “Ape do hoṛko samaṅre dhorompe udugokʼ kana, menkhan Isor do apeakʼ mon reakʼe baḍaegea. Ente manwa ṭhen okaṭakʼ manotakʼkan, Isor samaṅre ona do hirkhạwakʼ kana.

Johan 7:24

Mẽtʼãhã ńelte do alope bicạra bickom hok reakʼge bicạrpe.”

Johan 8:15

Manwa cetʼlekako bicạretʼkan onkage ape hõpe bicạretʼ kana, menkhan iń do okoe hõ bạń bicạretʼkoa.

Aposkạmi 1:24

Ona tayom onko do noa menkateko koekeda, “E Probhu Isor am do joto hoṛakʼ ontorem baḍaekana. Jihudạ hõ acʼakʼ sạjại iạte apostol kạmiye aṛakʼ giḍikeda. Onate ńitokʼ nukin bar hoṛ mod khon ona hudạ lạgitʼ okoeṭakʼem bachao akawan uni baṛe udukʼ aleme.”

2 Korinthiko 10:10

Adom adom hoṛko meneda, “Uniyakʼ ciṭhiko do monre gaḍaokʼ leka keṭecʼ ar joranakʼ kana, menkhan sorreye tahẽlen khan uni doe nijorgea ar uniyakʼ roṛ do cetat reakʼ hõ baṅkana.”

2 Korinthiko 10:7

Ape do bahre reakʼ muṭhạngepe ńeleda. Ar jãhãege apnar do Mạsiren kanae menteye pạtiạukʼkan khan, enḍekhan noa hõe hudisjoṅma, uni cetʼlekae Mạsirenkan onkage ale hõ Mạsiren kanale.

Ibriko 4:13

Sirjon reakʼ okaṭakʼ hõ Isor ṭhen do okoanakʼ bạnukʼ anaṅ. Okoe ṭhen aboakʼ hisạb emokʼ hoyokʼ uni ṭhen do sanamakʼge oṭakʼgea ar sodorgea.

1 Patras 2:4

Nonkan mitʼṭecʼ jiwetʼ dhiri menakʼa one okaṭakʼ do Isore bachao akawan ar one okaṭakʼ do uniyakʼ mẽtʼre ạḍi damanakʼkan, menkhan hoṛko do uniko neṅghao akadea. Mạsigeye hoyokʼ kana ona dhiri do;

1 Patras 3:4

bickom okaṭakʼ reakʼ cehratetʼ baṅ maraokʼ, ona mạ̃hir ar nindhạn colonte apeakʼ ontor sajaotape. Isorakʼ mẽtʼãhã samaṅre onage bạ̃ṛti damanakʼ kana.

Johan sodor 2:23

Ar uniren gidrạko hõń gocʼ giḍikakoa. Onate sanam manḍerrenko baḍae daṛeakʼa, ińkangeạń manwakoakʼ mon ar ontor ḍunḍhạuicʼ do. Ar apeakʼ kạmiko leka mitʼke mitʼ hoṛ do joń emapea.

1 Samuel 2:3

Ape do ạḍại bạḍại katha alope roṛa, ar bạḍại reakʼ katha do moca khon alope oḍoka; ente Probhu Isor doe nonkanicʼ Isor kana okoe do jotowakʼe baḍaekan, unige kạmi reakʼe tulạyetʼ kana.

1 Samuel 9:2

Kisren do Sạul ńutuman mitʼṭen hopone tahẽkantaea. Uni do juạn ar ńelokʼte ạḍi napae koṛae tahẽkana. Israelko modre uni lekan ńelokʼte mońj do ar okoe hõ bako tahẽkana. Uni do eṭakʼko khon mitʼ phuṭ usule tahẽkana.