1 Samuel 16:1 - সান্তালী বাইবেল

¹ Probhu Isor do Sạmuele metadea, “Sạul do Israelkoren raj mente doń nihạ̃t giḍiakadea, onate am do ar tinạkʼ din uni lạgitʼem dukokʼa? Am do ńitokʼ dereńre sunum hataokate oḍokokʼme. Ente iń do Bethlehem atoren Jisại ṭheniń kolmea. Uniren hoponko mod khon iń ńutumte mitʼṭen raj hoyokʼ lạgitʼ iń bachao dohoakadea.”

1 Samuel 16:1 Iomraidhean Croise

1 Rapajko 8:16

‘ińren hoṛko Misor disạm khoniń oḍok ạguletʼko tayom Israelkoakʼ jãhãn nagraha do bạń bachaoana one onḍe apnar sodorokʼ lạgitʼ mitʼṭecʼ tahen oṛakʼ benaokʼ. Menkhan ińren Israelko ḍanṭaoko lạgitʼ do Dạudgeń bachaoan tahẽkana.’

2 Rapajko 9:1

Elisae do cela-nạbiko mod khon mitʼ hoṛ hohoadeteye metadea, “Ḍanḍa paṭhe keṭejme ar niạ sunum cukạkʼ hataokate am do Ramot-Gileadte calakʼme.

2 Rapajko 9:3

Ona tayom cukạkʼ reakʼ sunum uniyakʼ bohokʼre dulkatem mena, Probhu Isore meneda, ‘Israelren raj mente iń do amiń ojokʼ bahalketʼmea.’ Ona tayom duạr jhicʼkate am dom ńir oḍokokʼa, ar alogem biloma.”

2 Rapajko 9:6

Onate Jihu doe beretʼente oṛakʼ bhitriteye boloyena. Unre uni nạbi do Jihuwakʼ bohokʼre cukạkʼ reakʼ sunum dulketʼteye menkeda, “Israelren Probhu Isor do niạ kathae meneda, ‘Probhu Isorren hoṛko cetanre, metakʼme Israelko cetanre iń do raj menteń ojokʼ bahalketʼmea.

1 Bõsbudạ 11:3

Unre Israel disạmren sanam murubbiko do Hebronre Dạud ṭhenko jarwayena. Unre Dạud do Probhu Isorge gohayicʼ dohokate onko sãote mitʼṭecʼ bondobose bandhaokeda, ar Samuel hotete roṛakʼ Probhu Isorakʼ katha lekate onko do Israel disạmren raj lekate Dạudko ojokʼ bahalkedea.

1 Bõsbudạ 28:4

“Enhõ Israelren Probhu Isor do jaejug Israelko cetanre raj hoyokʼ lạgitʼ ińakʼ goṭa gharońjrenko tala khon ińe bachao ledińa. Uni do mukhiyạ lekate Jihudại bachaoledea, ona tayom Jihudạ khũṭrenko khon iń babawakʼ khũṭe bachaoana ar Israelko cetanre raj hoyokʼ lạgitʼ uniyakʼ kusi lekate ińren boehako tala khon ińgeye bachaoledeńa.

Jesaea 11:1

Jesaeakʼ gonḍa khon mitʼṭecʼ nãwã kahle do oḍokokʼa; ar rehetʼ reakʼ ona kahlre do jo bahakʼa.

Jesaea 11:10

Enhilokʼ Jesaea reakʼ kahle do sanam jạtrenko lạgitʼ mitʼṭecʼ jhạnḍi lekae teṅgona; ar sanam jạtrenko do uni ṭhenko jarwakʼa ar uniyakʼ ṭhạ̃i do ṭhonokanakʼ hoyokʼtaea.

Jesaea 55:4

Ńelpe, jạt jạtrenko lạgitʼ uni do mitʼṭecʼ goha lekań teṅgo akadea, hoṛkoren mitʼṭecʼ ạyuricʼ ar cakʼlaoicʼge.

Jirimiạ 11:14

“Noko hoṛko lạgitʼ do alom koejoṅa se onko lạgitʼ jãhãnakʼ hõ alom nehõrạńạ, onkoakʼ kosṭokʼ oktere ińko hohoạńre hõ iń do bạń ańjomtakoa.

Jirimiạ 15:1

Unre Probhu Isor do ińe metadińạ, “Mose ar Sạmuel hõ hecʼkate iń samaṅrekin teṅgolenre hõ enhõ ińakʼ mon do noko hoṛ secʼ ohoge ạcurlena. Iń samaṅ khon noko do laga ńirkom; onko doko sen joṅma.

Jirimiạ 6:30

Onko do nihạ̃t giḍiakan rupạ kanako, ente iń Probhu Isorge onko doe nihạ̃t giḍi akatʼkoa.”

Jirimiạ 7:16

Probhu Isore meneda, “Noko hoṛko lạgitʼ do alom koejoṅa, onko lạgitʼ do alom raga ar jãhãnakʼ iń ṭhen alom nehõrokʼa; ar jãhãnakʼ hõ alom ạjijokʼa, ente iń do bạń ańjomtama.

Sakariạ 4:14

Unre uniye menkeda, “Onakin do hoyokʼkana unkin bar hoṛ okoe do goṭa pirthimiren Probhu Isor sapʼsorae lạgitʼ kin ojokʼ bahal ocoakan.”

Romiko lạgitʼ Pạul Apostolakʼ ciṭhi 15:12

Arhõ Jesaeae meneda, okoe doe Jisại reakʼ kahle kan, uni doe hijukʼa, uni do joto jạtrenko cetanre rajokʼ lạgitʼe teṅgona. Ar sanam jạtren hoṛko do unireko bhorsakʼa.

Ibriko 11:32

Noa khon bạ̃ṛti do ar cetʼ iń lạiya? Gideon, Barak, Samson, Jeptha, Dạud, Sạmuel ar nạbikoakʼ katha galmarao lạgitʼ ińakʼ somoe do bạnukʼa.

1 Johan 5:16

Jãhãege acʼren boeha nonka kạkạikane ńel lekhan one okaṭakʼ do gujukʼ senakʼ baṅkan, enḍekhan uni do Isor ṭhene koejoṅ ma ar onate uni do jiwetʼe dohoyea. Iń do nonḍe onkoakʼ kathageń roṛeda one okoe doko kạiyetʼkan, menkhan onkoakʼ kại do gujukʼ senakʼ do baṅkan. Menkhan gujukʼ senakʼ kại hõ menakʼgea. Ona reaṅ nehõrape reakʼ katha do bạń metapekana.

1 Samuel 10:1

Ona tayom Samuel do mitʼṭecʼ sunum reakʼ botol ạgukate Sạulakʼ bohokʼreye dulkeda. Ar cokʼadeteye metadea, “Probhu Isor do acʼren hoṛko cetanre mukhiyạ menteye ojokʼ bahalketʼmea.

1 Samuel 15:11

“Sạul do ińakʼ monduk reakʼe hoyakana, ente uni do iń ṭhen khone pharak akana ar ińakʼ hukume bebatao akada.” Niạ katha ańjomkate Sạmuel doe khĩsena ar goṭa ńindạ Probhu Isor ṭhene rakʼ aṅgakeda.

1 Samuel 15:23

Huhul ar gunidari kạmi do inạ mitʼ lekan kạikangea; bebatao ar boṅga sewa hõ inạ lekan kại kangea. Am do Probhu Isorakʼ hukum bam batao akatʼte uni hõ am do raj lekateye nihạ̃t giḍi akatʼmea.”

1 Samuel 15:26

Menkhan Sạmuel do uniye metadea, “Am sãote do bạń calakʼa. Am do Probhu Isorakʼ hukumem bebatao akatʼte Probhu hõ Israelkoren raj lekateye nihạ̃t giḍi akatʼmea.”

1 Samuel 15:35

Sạmuel tinạkʼ din jiwetʼe tahẽkan unạkʼ din uni do Sạul sãote ar bae ńapamlena. Israelko cetanre Sạule rajkedete Probhu Isorakʼ duk reakʼe hoylente Sạmuel do uni lạgitʼe dukokʼ kan tahẽkana.

1 Samuel 16:15

Ona ńelte Sạulren kạmiyạko do uniko metadea, “Isor ṭhen khon mitʼṭen bạṛicʼ jiu hecʼkate am do maraṅ botore udukʼam kana.

1 Samuel 16:23

Isor ṭhen khon tinre uni bạṛicʼ jiu do Sạul cetanreye hijukʼkan tahẽkana unre Dạud do acʼakʼ peṛesaṅe banametʼ tahẽkana. Nonkate Sạul do ạḍi mońje ạikạuetʼ tahẽkana ar suluke ńametʼ tahẽkana, ar uni bạṛicʼ jiu hõ uni khone ocokʼ calakʼkan tahẽkana.

1 Samuel 17:12

Dạudren apattetʼ Jisại do Jihudạ ṭoṭha reakʼ Ephrath, metakʼme Bethlehem atoreye girobasokʼkan tahẽkana. Uniren do irạl goṭen koṛako tahẽkantaea. Ar Sạul rajokʼ oktere uni doe haṛam akan tahẽkana.

1 Samuel 9:16

“Gapa niạ jokhecʼ Benjạmin gusṭiren mitʼṭen hoṛ do am ṭheniń kolea. Ar am do ińren hoṛko metakʼme Israelkoren mukhiyạ hoyokʼ lạgitʼ unigem ojokʼ bahalea. Unige Philistikoakʼ ti khon ińren hoṛkoe bańcaokoa. Iń do ińren hoṛko secʼ iń moneakada, ente onkoakʼ rakʼjoṅakʼ do ińakʼ lutur hạbicʼ seṭer akana.”