1 Samuel 15:7 - সান্তালী বাইবেল

⁷ Sạul do unre Hewila ṭoṭha khon Misor purub secʼ Sur hahaṅkar ṭoṭha hạbicʼ sanam Amalekikoe bhagaoketʼkoa.

1 Samuel 15:7 Iomraidhean Croise

Genesis 16:7

Probhu Isorren goḍet do horre hahaṅkar jaegare mitʼṭecʼ dakʼ bhumbukokʼ ṭhen Hagare ńamkedea. Ona dakʼ jharna do Sur ńutuman mitʼṭecʼ jaegate calakʼ horre tahẽkana.

Genesis 2:11

Pạhil gaḍa reakʼ ńutum do Pison. Noa do Hawila disạm beṛhaete ạtu oḍok hecʼ akan tahẽkana. Onḍe do sona ńamokʼkan tahẽkana,

Genesis 25:18

Hạwila khon Sur hạbicʼ okaṭakʼ jaega tahẽkan onḍege uniren bõsko girobasokʼ kan tahẽkana. Ar ona ṭhạ̃i do Misor aṛe, Ạsurte calakʼ horre tahẽkana. Onkoren boeha Isahak bõsrenkoakʼ disạm sorrege onko doko tahẽkana.

1 Bõsbudạ 1:23

Ophir, Hawila ar Jobab.

1 Bõsbudạ 4:43

Lahate Amalekiạkoren thoṛa hoṛ do Seyirteko dạṛketʼte onḍeko girobasokʼ kan tahẽkana. Simeonrenko do onko hoṛkoko gocʼ giḍikatʼkote onḍe girobasokʼko ehopʼena. Ar teheń hạbicʼ hõ onko do onḍeko girobasokʼ kana.

Jobakʼ 21:30

Bedhorom hoṛ do muhinre bańcaoko ńama ar edrekʼ dinre hõ rukhiyạko ńama?

Exodus 15:22

Tayomte Mose do arakʼ jalapuri khon Israelkoe idiketʼkoa. Onko do pạhilre Sur ńutuman mitʼṭen hahaṅkar jaegareko seṭerena. Ona hahaṅkar jaegare onko do pe din hạbicʼ dãṛã dãṛãte okarehõ dakʼge bako ńamleda.

Sosolhayic̕ 8:13

Menkhan bedhoromko do Isor bako botoraekante bhạlại do baṅ hoyokʼtakoa ar onkoakʼ bahaokʼ din do umul lekage hoyokʼtakoa.

1 Samuel 14:48

Uni do birbanṭa leka lạṛhạikate Amalekikoe bhagaoketʼkoa ar luluṭkoakʼ ti khon Israelkoe rukhiyạketʼkoa.

1 Samuel 27:8

Ar inạko dinre uni do acʼren hoṛkoante Gesuriko, Girsiko ar Amalekiko cetanre jhãpe emetʼ tahẽkana. Noko jạtren hoṛ do ḍher laha khonge Tur khon Misor hạbicʼ goṭa ṭoṭhare berel akanko tahẽkana.

1 Samuel 30:1

Dạud do acʼren hoṛkoante tesar hilokʼ Siklagteye seṭerena. Menkhan inạko dinre Amalekiko do Negebre Philisṭikoakʼ ṭoṭhare ar Siklagreko luṭ akatʼ tahẽkana. Onko do Siklag ńẽtʼkate seṅgelteko ḍahao marao akatʼ tahẽkana ar onḍeko tahẽkan sanam maejiuko ar huḍiń lạṭu joto do bondikateko idiakatʼko tahẽkana. Menkhan gocʼ do okoe hõ bako gocʼakatʼko tahẽkana, eken ruạṛ calakʼ jokhecʼko soṅge toraletʼko tahẽkana.