1 Samuel 15:11 - সান্তালী বাইবেল

¹¹ “Sạul do ińakʼ monduk reakʼe hoyakana, ente uni do iń ṭhen khone pharak akana ar ińakʼ hukume bebatao akada.” Niạ katha ańjomkate Sạmuel doe khĩsena ar goṭa ńindạ Probhu Isor ṭhene rakʼ aṅgakeda.

1 Samuel 15:11 Iomraidhean Croise

Genesis 6:6

Onate Probhu Isor do ontorreye dukena. Ar dhạrtiren manwae sirjạukedete bhabna iạteye menkeda, “Ińren benaoicʼ manwa do dhạrti khoniń marao utạrea; ar uni sãote sanam jiwiyanko, leńokʼ ṭunḍạṅko ar coṭren cẽṛẽko hõń maraokoa. Noakoń benao akatʼte iń do monre ạḍi dukiń ńameda.”

2 Samuel 24:16

Jerusalem marao lạgitʼ serma goḍet do tinre tiye tulketʼtaea unre Probhu Isor do ona bạṛicʼ sạjại khon mone ạcurketʼtaea. Ar okoe serma goḍet do hoṛkoe maraoetʼko tahẽkan uniye metadea, “Inạkʼkakʼme, ḍher hoyakana. Amakʼ ti do or ruạṛtam.” Un jokhecʼ Probhu Isorren goḍet do Jebusiạ Arownakʼ khạrại ṭhene teṅgo akan tahẽkana.

1 Rapajko 11:9

Onate Probhu Isor do Solomon cetanre ạḍitetʼe edreyena, ente okoe acʼ ṭhen bar dhaoe ńel ocolen uni Israelkoren Probhu Isor secʼ khon mon do ạcur akantae tahẽkana.

1 Bõsbudạ 10:13

Probhu Isor cetanre pạtiạr bae tahẽkante Sạul doe gocʼena. Uni do Probhu Isorakʼ katha bae bataoetʼ tahẽkana; ar Probhu Isor ṭhen khon sopolha baṅ hataokate okoe do bạṛicʼ jiuko tulucʼ helmel menakʼtako onkanko hoṛ ṭhen khon sopolhae hataoetʼ tahẽkana. Onate Probhu Isor do uniye gocʼ ocokedea ar raj do Jisạiren hopon Dạud ṭhene jimạkada.

1 Bõsbudạ 21:15

Jerusalem nagraha ḍahao marao lạgitʼ Isor do mitʼṭen goḍete kolkedea. Menkhan uni goḍet do tinre ona kạmi lạgitʼe calakʼkan tahẽkana unre Probhu Isor do ona bebạṛicʼ sạjại khon mone ạcurketʼtaea. Uni do ḍahao maraoicʼ goḍete metadea, “Tahẽ ocoakʼme, ḍherge hoyakana, ńitokʼ do ti or ruạṛ tam.” Probhu Isorren goḍet do unre Jebusiạ Arownakʼ khạrại ṭhene teṅgo akan tahẽkana.

Jobakʼ 34:27

ente onko do uniyakʼ hor khonko sahaṛ akana; uniyakʼ jãhãn hukumge bako moneyakʼ kana.

Sereńko 109:4

Ińakʼ dulạṛ bodolte iń upạrteko lạṛhại kana, menkhan iń do koejoṅtegeń tahen kana.

Sereńko 110:4

Probhu Isor doe kiriạ akana, “Am do jaejug hạbicʼ Melkisedek lekan naeke kanam.” Noa reaṅ uni do ar bae kastaokʼa.

Sereńko 119:136

Ińakʼ mẽtʼdakʼ do ạtukʼkantińạ ente hoṛko do amakʼ hukum bako manaoeda.

Sereńko 125:5

Menkhan okoe konḍea horreko tohodokʼ kan Probhu do bedhoromko sãote onkoe sạṅgińkoa. Israelko cetanre suluk baṛe tahenma!

Sereńko 36:3

Onkoakʼ moca katha do bạṛicʼ ar phạsiạrate perecʼgea; Akelan hoṛko leka calakʼ doko bad akada, ar bhage kạmi hõ bako kạmikana.

Sereńko 78:41

Onko do ghane ghane Isorko biḍạukedea, ar Israelren uni sonoticʼko duk ocokedea.

Sereńko 78:57

Onkoren hapṛamko lekage ṭhik hor khon ocokʼkate onko doko behokkeda; onko do peṛta akʼ lekako konḍeayena.

Exodus 32:11

Unre Mose do acʼren Probhu Isor ṭhen nehõrenteye menkeda, “E Probhu Isor, amakʼ daṛeanakʼ ti tiạrkate okoe do amakʼ maraṅ daṛete Misor disạm khonem oḍok ạguakatʼko onko amren hoṛko cetanre cedakʼ nunạkʼ dom edrekʼ kana?

Exodus 32:14

Niạ katha ańjomkate Probhu Isor do daya hecʼadea. Uniren hoṛko cetanre oka muhin ạgui reakʼ kathae menletʼ ona do ar bae ạguleda.

Jirimiạ 11:10

Onko do onkoren hapṛamkoakʼ kại secʼgeko ruạṛ akana one okoe do ińakʼ katha ańjom bako rebenlen. Onko do debotako sewawako lạgitʼ onkoko pańjaketʼkoa. Onkoren hapṛamko lạgitʼ oka bondobosiń doholetʼ ona do Israel ar Jihudạren hoṛko bako manaoleda.

Jirimiạ 13:17

Ar katha bape ańjom khan apeakʼ bạḍại iạte iń do danaṅreń raga, ạḍitetʼ geń raga ar ińakʼ mẽtʼ do mẽtʼ dakʼte perecʼjokʼtińạ, ente Probhu Isorren hoṛ do bondikateko idi ocokʼa.

Jirimiạ 34:16

Menkhan ńitokʼ dope ạcur calao akana ar ińpe henosta akadina; ape do okoe guti ar kạ̃ṛmĩko akoakʼ kusi leka calakʼ lạgitʼpe aṛakʼletʼko onko do ruạṛ ạgukate arhõ aperen guti ar kạ̃ṛmĩpe benao akatʼkoa.

Jirimiạ 9:1

Hae, ińakʼ bohokʼ do dakʼge hoylen khan, ar ińakʼ mẽtʼ do jharna dakʼge hoylentiń khan! Enḍekhan iń jạtren okoeko hoṛko gocʼ ocoakan onko lạgitʼ siń ar ńindạń rakʼkea.

Jirimiạ 9:18

Onko do usạra hecʼkate abo ńutumteko jare jarekʼ ma jemon aboakʼ mẽtʼ dakʼ hiḍir hiḍir jorokʼtabon.

Jeheskel 18:24

“Menkhan mitʼṭen hoṛ do acʼakʼ dhorom khon ruạṛkateye kại ar dusṭạmi hoṛko leka bạṛicʼakʼe kạmi enḍekhan uni do cetʼ jiwetʼe tahena? Unre uniyakʼ dhorom kạmi do ar bạń disạitaea. Uni do acʼakʼ bepạtiạr ar kại iạtege khạṭigeye gujukʼa.

Amos 7:3

Unre Probhu Isor do mone ạcurketʼteye menkeda, “Onka do ar baṅ hoyokʼa.”

Jona 3:10

Ar Isor do onkoakʼ kạmikoe ńelketʼtakoa, cetʼleka onko do akoakʼ bạṛicʼ hor khonko ạcurena, ar Isor do ona bạṛicʼ ńutumteye kastaoena one oka onko cetanre kạmi lạgitʼe roṛletʼ ona do ar bae onkaleda.

Jona 4:2

Uni do Probhu Isor ṭhen koekateye menkeda, “E Probhu Isor, iń do disạmre tahenregeń baḍaekan tahẽkana, nonka hoyokʼa mente. Ona iạtege iń do pạhilre Tạrsisteń ńir pharakokʼ kan tahẽkana. Ińiń baḍaekan tahẽkana, am do daya ar mãyãwan Isor kanam, ar ạḍi anecʼ edrekʼicʼ ar dayate kisạ̃ṛicʼge, ar bạkʼṛicʼ khon dom kastaokʼkana.

Sephaniạ 1:6

Ar okoe Probhu Isor tayom khonko ruạṛakan ar uniyakʼ sanaleka bako calakʼkan ar uniyakʼ sana baḍaejoṅ bako khojkan onko hõń marao giḍikoa.”

Mathae 24:13

Menkhan mucạtʼ hạbicʼ okoeye ṭarhao tahen uni do bańcaoe ńama.

Mathae 5:44

Menkhan ińiń metape kana, aperen bạiriko dulạṛkope. Ar okoe apeko santaoetʼpe onko do koeakope.

Luk 6:12

Inạ tayom Jisu do koejoṅ lạgitʼ mitʼṭecʼ buruteye rakapʼ calaoena ar goṭa ńindạ Isor ṭhene koe aṅgakeda.

Ibriko 10:38

Okoe hoṛ dhorom menteń ataṅ akade uni do pạtiạu hotetege jione ńama; menkhan jãhãegeye ruạṛ calakʼ enḍekhan unire do kusi bạń tahena.”

Josuạ 22:16

“Probhu Isorakʼ manḍerren jotogeko meneda, ‘Israelren Isor upạrte cedakʼ nonka dope kạmikana? Cedakʼ teheń do Probhu Isorakʼ hor khonpe ghańjeṛ akana ar uni upạrte hulkate ape lạgitʼ pinḍpe benao akada?

1 Samuel 12:23

Iń do ape lạgitʼ koejoṅ tishõ aloń thirokʼte Probhu Isor upạrte aloń kại. Iń do dhorom ar sạriyakʼ reakʼ horte calakʼ reakʼiń cetʼapea.

1 Samuel 13:13

Sạmuele menkeda, “Am do bebuj lekam kạmiakada. Amren Probhu Isor okae hukumatʼme tahẽkan ona do bam manaoleda. Onam manao lekhan Israelko cetanre amakʼ rajokʼ do jaejug hạbicʼe dohoketama.

1 Samuel 15:10

Unre Probhu Isor do niạ katha Sạmuel ṭhene sodorkeda,

1 Samuel 15:3

Ńitokʼ am do senkate Amalekiko tulucʼ lạṛhạime ar onkoakʼ cetʼko menakʼ ona jotowakʼem marao giḍikatakoa; onko do alom dayawakoa. Onkoren herel ar maejiuko, koṛa ar-kuṛi gidrạko, toa ńuńukan gidrạko, ḍaṅgra-biḍhiko, ũṭko, gadhako jotom gocʼ cabakoa.’ ”

1 Samuel 15:35

Sạmuel tinạkʼ din jiwetʼe tahẽkan unạkʼ din uni do Sạul sãote ar bae ńapamlena. Israelko cetanre Sạule rajkedete Probhu Isorakʼ duk reakʼe hoylente Sạmuel do uni lạgitʼe dukokʼ kan tahẽkana.

1 Samuel 15:9

Menkhan Sạul ar uniren lạṛhại phạdko do Og jiwetʼko dohokedea ar Amalekikoren mońj mońj ḍaṅgrako, bheḍako, bạchurko ar bheḍa hoponko, metakʼme cetʼko bhageakʼ tahẽkan ona joto doko dohoana. Onako marao giḍikakʼ do bako rạjilena, menkhan okạjwạ ar rogako doko marao giḍikatʼkoa.

1 Samuel 16:1

Probhu Isor do Sạmuele metadea, “Sạul do Israelkoren raj mente doń nihạ̃t giḍiakadea, onate am do ar tinạkʼ din uni lạgitʼem dukokʼa? Am do ńitokʼ dereńre sunum hataokate oḍokokʼme. Ente iń do Bethlehem atoren Jisại ṭheniń kolmea. Uniren hoponko mod khon iń ńutumte mitʼṭen raj hoyokʼ lạgitʼ iń bachao dohoakadea.”

1 Samuel 8:6

“Ar ale calaole lạgitʼ mitʼṭen raj ojokʼ bahalem,” Menkhan Samuel do hoṛkoakʼ niạ katha do bhage bae metatʼa. Ona iạte uni do Probhu Isor ṭhen koejoṅe ehopʼena.