1 Samuel 14:6 - সান্তালী বাইবেল

⁶ Jonathan do acʼren khanḍa bhanḍa asenicʼ koṛae metadea, “Dela, alaṅ do begor khatna akan hoṛkoakʼ ḍera telaṅ calakʼa. Pasecʼ Probhu Isor do abon lạgitʼ jãhãnakʼe cekaea, ente uni do acʼakʼ sana lekage thoṛa hoṛkote hõ ar ḍher hoṛko bhagao daṛeakoa.”

1 Samuel 14:6 Iomraidhean Croise

2 Samuel 1:20

Gatre niạ khobor do alope lạiya, ar Askelon reakʼ hor horte hõ alope lại sodora; arpe onkae khan Philisṭikoren hoponera doko rạskạ joṅa, onko bin khatna hoṛkoren hoponera doko hulạs joṅa.

2 Samuel 16:12

Hoedaṛeakʼ Probhu Isor do ińakʼ niạ kosṭoe ńela, ar teheń okaṭakʼ sarapiń ńametʼ ona bodolte ińakʼe bhạlạitińạ.”

2 Rapajko 19:4

Ạsurren raj do jiwetʼ Isor nisṛạue lạgitʼ Rabsakeye kolakadea menkhan amren Probhu Isor do hoedaṛeakʼa onako sanamakʼ katha ańjomkate uniye sạjạiyea. Onate am do onko lạgitʼ koeme okoe do ńit hạbicʼ jiwetʼ menakʼko.”

2 Bõsbudạ 14:10

Unre Asa hõ uni upạrteye oḍok calaoena ar banar dolge Maresa ṭhenakʼ Sephata reakʼ buru lodamre lạṛhại lạgitʼko sapṛaoena.

2 Bõsbudạ 14:11

Unre Asa do uniren Probhu Isor hohowadeteye metadea, “E Probhu Isor, cetʼleka daṛeankom goṛowako onkage am do nijorko hõm goṛo daṛeakoa. Ona iạte E aleren Probhu Isor, ale goṛowaleme baṛe, ente ale do am cetanrele bhorsakʼkana ar amakʼ ńutumtege noko maraṅ dolrenko upạrtele oḍok hecʼakana. E Probhu Isor, am kangeam aleren Isor do; manwa do am upạrte alom jitạu ocokoa.”

Sereńko 135:6

Ot ar sermare, jalapuri ar khạndriyakʼkore Probhu Isor do acʼakʼ kusi sana lekae kạmikana.

Jirimiạ 9:23

Probhu Isore meneda, “Ạkilan hoṛ do akoakʼ ạkil iạte aloe sarhaokʼma, ar daṛeanko hõ akoakʼ daṛe iạte aloko sarhaokʼma ar kisạ̃ṛko hõ akoakʼ dhon iạte aloko sarhaokʼma,

Jirimiạ 9:25

Probhu Isore meneda, “Nonkan dinko hijukʼkana tinre iń do Misorre, Jihudạre, Edomre, Amonre, Moabre ar hahaṅkarreko girobasokʼ kan, okoe do bohokʼ banarsa aṛe reakʼ upʼko kaṭopʼetʼtako onko sanamkogeń sạjạikoa. Onko do eken hoṛmo motoko khatna akana, ontor do baṅa; Israelko hõ ontor do bako khatna akana.”

Amos 5:15

Bạṛicʼakʼ hirkhạwakʼpe, ar bhageakʼ dulạṛpe; nagraha reakʼ phaṭok duạrkore hok reakʼ bicạr rukhiyạitape. Israelren sarecʼ jiwetʼ tahen hoṛko cetanre sanam daṛeante perecʼ Probhu Isor doe daya botecʼkokʼge coṅ cetʼ coṅ.

Sephaniạ 2:3

E disạmren sanam mạ̃hir hoṛko, ape okoe do Probhu Isorakʼ hukum lekape kạmikan, ape do uniyakʼ sanaleka dhoromte ar mạ̃hirte calakʼpe; enḍekhan Probhu Isorakʼ edre reakʼ dinre ape do hoedaṛeakʼa asraype ńama.

Sakariạ 4:6

Unre uni doe metadińa, “Probhu Isor do Serubabel noa sombate emaekana, ‘daṛe se ektiạri hotete do baṅa, menkhan iń phạdkoren Probhu Isorgeń meneda, ińren Jiu hotete am dom jo bahakʼa.

Numeri 10:32

Ale sãote ben hijukʼ khan enḍekhan Probhu Isor do ale oka bhạlại lạgitʼe gokʼ akawatʼle ona reaṅ bhag hõle emabena.”

Numeri 31:4

Ape do Israelren mimitʼ gusṭi khon mitʼ hajarkate hoṛko hataokate lạṛhạipe kolkoa.”

Mathae 19:26

Jisu do celako beṅgetʼatʼkoteye metatʼkoa, “Manwako hotete do baṅ hoedaṛeakʼa, menkhan Isor hotete do sanamakʼge hoedaṛeakʼa.”

Romiko lạgitʼ Pạul Apostolakʼ ciṭhi 8:31

Enḍekhan noako babotre cetʼbon menkea? Isor abo tulucʼ menae khan enḍekhan jãhãeye hạ̃n daṛekebona?

Dosar Biboron 32:30

Mitʼ hoṛ do cekate hajar hoṛkoe lagakoa, ar bar hoṛ ńelte cekate gel hajar hoṛko ńir pharakokʼa, onkoakʼ asray buru bạirikoakʼ tire onko bae ạkhrińleko khan, ar Probhu Isor hõ bạirikoakʼ tire onko bae soprot leko khan?

Philipiko lạgitʼ Pạul apostolakʼ ciṭhi 3:3

Abo kangeabon sạriyakʼren khatna akan hoṛ do, ente abo do Isorren Jiu hotete uni bon sewawae kana ar Mạsi Jisu iạte bon sarhaokʼ kana ar apnarre do babon bhorsakʼ kana.

Josuạ 14:12

Nokʼõe noa buru ṭoṭha enhilokʼ emokʼ reakʼe gokʼạdiń tahẽkana ńit ona baṛe imạńme. Unre amem ańjomleda, Ananikiko do onḍeko girobasokʼ kana ar onkoakʼ nagraha do maraṅgea ar beṛhaete pạcri esetʼgetakoa. Menkhan Probhu Isor iń sãoteye tahen khan uniyakʼ katha lekage onkoń laga ńirkoa.”

Bikʼcạrko 15:18

Inạ tayom Samson do ạḍi ãṭ tetaṅkedea. Uni do Probhu Isor ṭhene koeketʼteye menkeda, “Am do amren gutim jitạu ocoakadea. Ar ńitokʼ do tetaṅteń gujukʼte cetʼ bin khatna akan hoṛkoakʼ tirem paṛao ocoyińa?”

1 Samuel 14:5

Ona reakʼ mitʼ aṛe do utạr reakʼ Mikmas secʼ ar eṭakʼ aṛe do dạkhin reakʼ Geba secʼ.

1 Samuel 14:7

Khanḍa bhanḍa asenicʼ uni koṛae menkeda, “Amakʼ mone joṅakʼ lekage baṛe hoyokʼma. Ar amakʼ monsubạ lekageń calakʼa.”

1 Samuel 17:26

Okoeko hoṛ sorreko teṅgo akan tahẽkan Dạud do onkoe kuliketʼkoa, “Uni Philisṭi gocʼkate Israelko cetan khon niạ henostae ocokʼ lekhan uni do cetʼ cekawaea? Ar nui bin khanta akan Philisṭi doe cele kante jiwetʼ Isorren lạṛhại phạdkoe henostawako kana?”

1 Samuel 17:36

Dhạcri kul ar banako do amren golamakʼ tite cetʼlekako gocʼ ocoakan, onkage nui bin khatna akan Philisṭi hoṛakʼ dosa hõ hoyokʼtaea, ente uni do jiwetʼ Isorren lạṛhại phạdkoe henosta akatʼkoa.”

1 Samuel 17:46

Teheńge Probhu Isor do ińakʼ tireye soprotmea. Ar iń do amiń bhindạṛmea ar bohokʼ iń makʼ kuṭrạitama. Ar teheńge Philisṭiren lạṛhại phạdkoakʼ mạ̃ṛĩ do coṭren cẽṛẽko ar otren janwarkoń jom ocokoa. Ona ńelte dhạrtiren sanamgeko baḍae daṛeakʼa, Israelkoren do mitʼṭen Isor menaetakoa.

1 Samuel 17:47

Ar tinạkʼ hoṛ nonḍe menakʼko onko hõko baḍae daṛeakʼa, tarwaṛe se borlomte Probhu Isor do bae bańcaoa, ente niạ lạṛhại do Probhu Isorakʼ kangea; ar uni do aleakʼ tireye jimạpea.”

1 Samuel 31:4

Unre Sạul do acʼren khanḍa bhanḍa asenicʼ hoṛe metadea, “Amakʼ tarwaṛe oḍokkate ińakʼ hoṛmo sobokʼ tabme. Ar baṅkhan onko bin khatna hoṛko hecʼkateko bemanotińạ.” Menkhan uniren khanḍa bhanḍa asenicʼ hoṛ do bae rebenlena, ente uni do ạḍitetʼ botor caṛhao akawade tahẽkana. Unre Sạul do acʼakʼ tarwaṛe cetanreye bhindạṛena.