1 Samuel 13:9 - সান্তালী বাইবেল

⁹ Onate Sạul do jeredokʼ samaṅokʼakʼ ar sulukren samaṅokʼakʼ reakʼ jinis acʼ ṭhen ạgui lạgitʼe metatʼkoa. Ar acʼge ona jeredokʼ samaṅokʼakʼe samaṅkeda.

1 Samuel 13:9 Iomraidhean Croise

2 Samuel 24:25

Ona tayom do Probhu Isor ńutumte onḍe mitʼṭecʼ pinḍe benaokeda ar jeredokʼ samaṅokʼakʼ ar sulukren dãṛẽkoe samaṅketʼkoa. Nonkate disạm lạgitʼ koejoṅ hoyen khan Probhu Isor doe ańjomketʼtakoa ar Israel disạmre mahamạri hõ thirena.

1 Rapajko 3:4

Mitʼdin raj do janwar samaṅko lạgitʼ Gibeonteye senlena, ente dãṛẽ samaṅko lạgitʼ onḍenakʼ than boṭkocʼge maraṅ utạrakʼ tahẽkana. Ar Solomon do onḍe mitʼ hajar janwarkote jeredokʼ samaṅokʼakʼe samaṅkeda.

Sereńko 37:7

Probhu Isor samaṅre thir hape akan tahenme; ar uni ńel horre tahenme. Apnarakʼ kạmi purạu lạgitʼ okoe do bạṛicʼakʼko kạmire acʼakʼ mone lagaoetʼ, uni iạte am do alom jal jalaokʼa.

Kạhtukko 15:8

Bedhoromkoakʼ jotowakʼge Probhu Isor doe hirkhạwakʼa, menkhan khạṭi hoṛkoakʼ koejoṅte uni doe kusikʼkana.

Kạhtukko 20:22

Alom mena, “Noa behok reakʼ iń hala ruạṛa.” Probhu Isor lạgitʼ koyokʼ horme, uni do ona muhin khone rukhiyạmea.

Kạhtukko 21:27

Bedhoromkoakʼ dãṛẽ Probhu Isor doe hirkhạwakʼkana, ar ona bạṛicʼ monsubạte ạgulen khan enḍekhan ona do artetʼge hirkhạwakʼ hoyokʼa.

Kạhtukko 21:3

Probhu Isor ṭhen do janwar dãṛẽ samaṅko khon dhorom ar hok reakʼ kạmige ḍher bạsutakʼ kana.

Jesaea 66:3

Menkhan okoe mitʼṭen ḍaṅgrae samaṅede uni do manwa khũnicʼ kanae, okoe mitʼṭen bhiḍi hopone samaṅede uni do setawakʼ hoṭokʼ rạputʼicʼ kanae, ar okoe anaje samaṅetʼkan uni do sukrikoakʼ mãyãm samaṅicʼ kanae, ar iń ńutumte dhupe jeretʼetʼkạnicʼ do boṅgako sewayicʼ kanae. Onko do apan ạpin horko bachao akawana; ar hirkhạwakʼ jinisteko tirpitokʼkana.

Dosar Biboron 12:5

Menkhan aperen Probhu Isor do apnar sodorokʼ lạgitʼ aperen gusṭiko emakʼ jaega khon okaṭakʼ ṭhạ̃i acʼ lạgitʼe bachao joṅ onḍege sewawae lạgitʼ calakʼpe.

Dosar Biboron 12:6

Ape do aperen jeredokʼ samaṅokʼakʼ ar eṭakʼ janwar samaṅokʼakʼ, apeakʼ gel hạṭiń reakʼ mitʼ hạṭiń, tulokʼ samaṅokʼakʼ ar manotakʼ samaṅokʼakʼ, kusiteakʼ samaṅokʼakʼ ar aperen ḍaṅgrako, bhiḍiko ar meromkoren pạhilicʼ hoponge onḍepe idikoa.

1 Samuel 14:18

Sạul do Ahiyại metadea, “Am do Isorakʼ sinduk ạguiyme.” (Onako dinre sinduk do Israelko ṭhenge tahẽkana.)