1 Samuel 13:6 - সান্তালী বাইবেল

⁶ Israelren lạṛhại phạdko do ạḍi muhinreko paṛao akana menteko ńelketʼ khan onko do danderkore, jhupuṭoṛokore, buru khorloṅkore, cạṭạni lopakʼkore, ḍonḍhorkore ar khạ̃yukʼkoreko okoyena.

1 Samuel 13:6 Iomraidhean Croise

2 Samuel 24:14

Unre Dạud do Gade metadea, “Iń do ạḍi muhinreń paṛao akana. Manwa tire jemon aloń paṛaokʼ; ona khon boroṅ, Probhu Isorakʼ tire bon paṛaokʼma, ente uniyakʼ daya do asambheṛgetaea.”

Jesaea 42:22

Menkhan noko hoṛ do jotowakʼge luṭ idi akantakoa, ar jotoge khạndṛuńreko khadle giḍi ocoakana ar jelkhanareko siń doho ocoakana. Onko do recʼ ocoakʼ jinis lekako hoyakana, onko rukhiyạko lạgitʼ do celege bạnukʼkoa. Onko do luṭteakʼ malko hoyakana; ar okoege bako meneda, “Onko ruạṛkope.”

Jirimiạ 41:9

Gedaliạ ar eṭakʼko gocʼkate okaṭakʼ kuńre onkoakʼ mạ̃ṛĩye giḍiletʼtako ona do Israelren raj Bakʼasawakʼ ti khon rukhiyạ ńam lạgitʼ Asa raj do onae benaoan tahẽkana. Ar Ismael do mạ̃ṛĩkote onae giḍi dhapaokada.

Jeheskel 33:27

“Am do onkom metakoa, iń Probhu Isorge iń ńutumte kiriạkateń menetʼkana, okoe ona dhaṅ dhaser akan ṭhạ̃ire menakʼko onko doko gocʼ ocokʼa, ar okoe ṭạnḍire menakʼko onko do bir janwar ṭhen jom ocokʼ lạgitʼ iń emakoa ar okoe gaṛ ar danderre menakʼko onko do mahamạriteko gujukʼa.

Philipiko lạgitʼ Pạul apostolakʼ ciṭhi 1:23

Banarge iń doe oreń kana. Iń do gujukʼte Mạsi tulucʼ tahen sanań kana, ente ona do artetʼge bhagea.

Ibriko 11:38

Onko do hahaṅkarkore, burukore, danderkore ar khorloṅkoreko ńir oko baṛaekan tahẽkana. Noko hoṛko jaega emako reakʼ lek noa dhạrti reakʼ do baṅ tahẽkana.

Josuạ 8:20

Aeren hoṛko do tayom secʼko beṅgetʼ ruạṛketʼ khan akoakʼ nagraha khon coṭte dhũạ rakabokʼko ńelkeda; menkhan oka secʼge onko do bako dạṛ daṛeada, ente okoe Israelko hahaṅkar secʼko dạṛetʼkan tahẽkan onko do inạkʼtege onko upạrte jhãpko emkeda.

Bikʼcạrko 10:9

Ar Amonrenko do Jihudạ, Benjamin ar Ephrayim gusṭiren hoṛko upạrte lạṛhại lạgitʼ jordan gaḍako paromkeda. Ar Israelko do ạḍitetʼ kosṭoreko paṛaoena.

Bikʼcạrko 20:41

Ar unre Israelko doko ạcur ruạṛena ar ona iạte Benjaminrenko do ạḍi botor caṛhaoatʼkoa. Onkoko bujhạu daṛekeda, ako cetanre maraokʼ do seṭerena mente.

Bikʼcạrko 6:2

Israelko cetanre Midiạnrenkoakʼ santao do nunạkʼ ḍher idiyena je, Israelko do buru reakʼ paṛakʼre, danderre ar buru cetan reakʼ gaṛkore asrayokʼko ehopʼena.

1 Samuel 13:15

Inạ tayom Samuel do Gilgol bạgikate Benjạmin ṭoṭha reakʼ Gibeateye senena. Sạul do acʼ sãoten hoṛkoe lekhaketʼkoa ar onko do turui saeko tahẽkana.

1 Samuel 14:11

Niạ menkate unkin do Philisṭikoren lạṛhại phạdko samaṅre senkate kin ńel ocoyena. Unre Philisṭiko doko menkeda, “Hạnkin ńelkinpe, danderrekin okolen unkin dokin oḍok hijukʼkana.”

1 Samuel 14:22

Ar Ephrayim buru ṭoṭhareko oko akan tahẽkan Israelko hõ Philisṭikoko dạṛeda mente ańjomketʼ khan onko hõ oḍok hecʼkate lạṛhạireko seletʼena ar Philisṭikoko khudạu idiketʼkoa.

1 Samuel 23:19

Siph atoren hoṛ do Gibeate Sạul ṭhen senkateko menkeda, “Dạud do ale talaregeye okoakana. Uni do Hores ṭhenakʼ Jesimonakʼ dạkhinre Hakila buru reakʼ gaṛ lekan ṭhạ̃ikoreye tahenkana.

1 Samuel 24:3

Ar horte calakʼ calakʼte mitʼṭecʼ ṭhạ̃ireye hecʼena onḍe do bhiḍi meromkoakʼ chaṛ tahẽkana. Ar ona sorre mitʼṭecʼ dander tahẽkana. Sạul do khalasokʼ lạgitʼ ona danderreye boloyena. Menkhan ona danderrege Dạud ar uniren hoṛko do bhitri secʼreko duṛupʼ oko akan tahẽkana.

1 Samuel 31:7

Ar okoe Israelko do buru lodam reakʼ eṭakʼ aṛe secʼreko tahẽkan ar okoe do jordan gaḍa hanasa aṛereko tahẽkan onko do tinreko ńelkeda Israelren lạṛhại phạdko dạṛkeda, ar Sạul ar uniren hoponko gocʼ ocoyena unre onko hõ akoakʼ nagraha bạgikateko dạṛkeda, ar Philisṭiko do hecʼkate onako nagrahako dokholkeda.

1 Samuel 7:7

Philisṭiren disạm cakʼlaoko do Israelko Mispareko jarwa akan menteko ańjomketʼ khan onko upạrte lạṛhại lạgitʼko oḍok calaoena. Ar Israelko do ona katha ańjomkate Philisṭiko iạteko botorena.