1 Samuel 13:22 - সান্তালী বাইবেল

²² Onate lạṛhại jokhecʼ ńelena, Sạul ar uniren hopontetʼ Jonathan chaḍa unkin sãoten ar okoe lạṛhại phạdkoakʼ tire jãhãn tarwaṛe se borlomge baṅ tahẽkana.

1 Samuel 13:22 Iomraidhean Croise

Sakariạ 4:6

Unre uni doe metadińa, “Probhu Isor do Serubabel noa sombate emaekana, ‘daṛe se ektiạri hotete do baṅa, menkhan iń phạdkoren Probhu Isorgeń meneda, ińren Jiu hotete am dom jo bahakʼa.

2 Korinthiko 4:7

Menkhan noa dhon do hasa bhajanre dohoakana, ar alege ona hasa reakʼ bhajan do. Hasa reakʼ bhajanre dohoakana jemon hoṛkoko bujhạu daṛeakʼ baṅma, noa asambheṛ daṛe do apnar khonakʼ do baṅ bickom Isor ṭhen khonge hecʼakana.

Bikʼcạrko 5:8

Onko do nãwã isorko secʼ monko lawerketʼtakoa Ar onkoakʼ phaṭok duạr ṭhen lạṛhại hoyena. Unre pongel hajar Israelkoakʼ tire mitʼṭecʼ ḍhal hõ baṅ tahẽkana, ar mitʼṭecʼ borlom hõ baṅ tahẽkana.

1 Samuel 13:21

Ar nahel reakʼ phal, kuḍi, phala ar kuńcko dhar ocoy lạgitʼ dam lekate irạl gram rupạ lagaoako kan tahẽkana.

1 Samuel 17:47

Ar tinạkʼ hoṛ nonḍe menakʼko onko hõko baḍae daṛeakʼa, tarwaṛe se borlomte Probhu Isor do bae bańcaoa, ente niạ lạṛhại do Probhu Isorakʼ kangea; ar uni do aleakʼ tireye jimạpea.”

1 Samuel 17:50

Unre Dạud do ńir senkate uni Philisṭi hoṛakʼ tarwaṛe bocʼkate uniye gocʼkedea ar uniyakʼ bohokʼe makʼ kuṭrạketʼtaea. Nonkate Dạud do eken ginḍwạri ar mitʼṭecʼ dhirite uni Philisṭiye bhagaokedea. Uniyakʼ tire jãhãn tarwaṛe baṅ tahẽkanre hõ uni do Philisṭi hoṛe ńẽtʼkedea are gocʼkedea. Philisṭiko tinreko ńelkeda akoren birbão hoṛe gocʼena unre onko do dạdạṛko ehopʼena.