16 Tayomte Sạul ar acʼren hopontetʼ Jonathan ar onko sãoten hoṛko do Benjạmin ṭoṭha reakʼ Gibeate senkateko tahẽyena ar Philisṭiko do Mikmasre ḍera akangeko tahẽyena.
Onko do buru sinit (giripoth) paromkateko hecʼakana, “Abo do Geba ṭhen ḍerakate bon tahẽ aṅgakʼa.” Onate Rama do thar tharaokʼ kana, Sạulakʼ Geba khon hoṛko doko ńir joṅkana.
Ar Gebeare Philisṭikoren lạṛhại phạdko do okareko ḍera akan tahẽkan ona do Jonathone akromonkeda ar ona do Philisṭikoko ańjomkeda. Unre Sạul do disạm reakʼ sanam jaegare sakwa oroṅkateye menkeda, “Ibrikoko ańjomma.”