1 Samuel 12:9 - সান্তালী বাইবেল

⁹ Menkhan onko do Probhu Isorko hiṛińkedea. Onatege uni do golam hoyokʼ lạgitʼ Hasorren senaputi Siserawakʼ tire, Philisṭikoakʼ tire, ar Moab disạmren rajkoakʼ tire onkoe jimạkatʼkoa. Onko do aperen hapṛamko sãoteko lạṛhạiyena.

1 Samuel 12:9 Iomraidhean Croise

Sereńko 106:21

Onkoren babańcaoicʼ Isor doko hiṛińkedea one okoe do Misorre maraṅ ar hahaṛawakʼkoe kạmiletʼ tahẽkan.

Jesaea 63:10

Enhõ onko doko hulkeda ar uniren sonot Jiuko duk ocokedea. Ona iạte uni do onkoren bạiriye hoyena ar acʼtetʼge onko upạrte lạṛhạiye ehopʼena.

Jirimiạ 2:32

Jãhãe kuṛige cetʼ acʼakʼ abhrankoe hiṛiń daṛekea? Jãhãe baplakʼkan bạhu kuṛi do cetʼ bapla reakʼ abhrane hiṛiń daṛekea? Menkhan ińren hoṛko do ḍher din khon ińko hiṛiń akadińạ.

Dosar Biboron 32:18

Ape do ona asray burupe nihạ̃t giḍiakada okoe doe aperen babakan; uni Isor dope hiṛiń akadea okoe do eṅgat leka bedon talate noa dhạrtiteye ạguakatʼpe.

Dosar Biboron 32:30

Mitʼ hoṛ do cekate hajar hoṛkoe lagakoa, ar bar hoṛ ńelte cekate gel hajar hoṛko ńir pharakokʼa, onkoakʼ asray buru bạirikoakʼ tire onko bae ạkhrińleko khan, ar Probhu Isor hõ bạirikoakʼ tire onko bae soprot leko khan?

Bikʼcạrko 10:7

Ona iạte uni do onko cetanre edrete pit caṛhaoadea ar Philisṭiko ar Amonrenkoakʼ tireye jimạkatʼkoa.

Bikʼcạrko 13:1

Israel hoponko do Probhu Isorakʼ nońjorre oka bạṛicʼakʼkan onage kạmiko ehopʼena. Onate Probhu Isor do pongel bochor hạbicʼ Philisṭikoakʼ gobolreye dohokatʼkoa.

Bikʼcạrko 2:14

Ona iạte Probhu Isor do Israelko luluṭkoakʼ tireye jimạyetʼko tahẽkana. Onko do onkoakʼ jiniskoko luṭetʼ tahẽkana. Uni do onkoren beṛhaeten bạiriakʼ tireye jimạyetʼko tahẽkana, ar onate bạiriko upạrte bako teṅgo daṛeakʼkan tahẽkana.

Bikʼcạrko 3:12

Israel hoponko do Probhu Isorakʼ mẽtʼre oka bạṛicʼakʼkan onage arhõ kạmiko ehopʼena. Onate Probhu Isor do Israel hoponko upạrte Moabren Eglon raje daṛe ocokedea.

Bikʼcạrko 3:31

Ehud tayom do Anatren hopon Samgar onkoren raje hoyena. Uni do ḍaṅgra gupi ṭheṅgate Philisṭikoren turui sae hoṛe gocʼketʼkoa. Uni hõ Israelkoe rukhiyạletʼkoa.

Bikʼcạrko 4:2

Onate Probhu Isor do Jabin ńutuman mitʼṭen Kanani rajakʼ tire onkoe jimạkatʼkoa. Jabin do Hasor khon raje calaoetʼ tahẽkana. Uniren senaputiyakʼ ńutum do Sisera tahẽkana. Uni do Harosetreye tahenkan tahẽkana.

1 Samuel 12:15

Menkhan Probhu Isorakʼ bape batao ar uniyakʼ hukum upạrtepe taṛam, enḍekhan cetʼleka aperen hapṛamko sạjạiye ematʼko tahẽkan onkage ape hõe emapea.