1 Samuel 12:5 - সান্তালী বাইবেল

⁵ Sạmuel do onkoe metatʼkoa, “Teheń do Probhu Isor kangeae goha do, ar uniren ojokʼ bahal akan hoṛko hõ goha kanako, ape do iń ṭhen khon jãhãn jinisge bape ńamleda.” Unre hoṛkoko menkeda, “Uni kangeae goha do.”

1 Samuel 12:5 Iomraidhean Croise

Genesis 31:50

Ar ạlińren hoponera sãote bạṛicʼben beohar, enḍekhan hoponerakin tahenrehõ eṭakʼ maejiuko hataoko ben, ar okoehõ alaṅ sãote bae tahenrehõ disại ben, Isor do alaṅren gohae tahẽyena.

Jobakʼ 16:19

Ńitokʼ hõ ińren goha do sermare menaea; iń secʼ okoe kathae roṛ uni do coṭre menaea.

Jobakʼ 42:7

Job do niạko kathae roṛketʼ khan Probhu Isor do Timani Eliphase metadea, “ińren guti Job cetʼlekae menakatʼ am ar amren gateko do iń reakʼ ṭhikakʼ do bape roṛakada; ona iạte ape cetanre edrete pit caṛhao akantińạ.

Sereńko 17:3

Am do ińakʼ ontorrem bolo akana ar ńindạ dom biḍạu akadińạ; arem biḍạu aṭkar edeńkana menkhan cetʼge bam ńam akada. Ińiń ṭhik akada jãhãn kại reakʼ kathare ińakʼ moca do ar bạń beohara.

Exodus 22:4

Kombṛo akade ḍaṅgra, gadha se bhiḍi jodi kombṛoyicʼ ṭhen jiwetʼgeye ńamokʼ enḍekhan kombṛoyicʼ do onko mitʼṭen bodolte bareakate ruạṛkae hoyokʼtaea.

Johan 18:38

Pilạt do uniye metadea, “Sạriyakʼ do cetʼ kana? Noa katha menkate uni do arhõ bahrete senkate Jihudi mukhiyạkoe metatʼkoa, “Iń do nuiyakʼ cetʼ dosge bạń ńametʼtaea.

Aposkạmi 23:9

Unre maraṅ gulmal hoyena ar Phạrusi dolren adom sostor baḍaeko doko teṅgoyente ạḍiko rapṭa rạpṭiyena. Onkoko menkeda, “Ale do nui hoṛakʼ jãhãn dosge bale ńametʼtaea. Hoedaṛeakʼa jãhãn jiu se sermaren goḍet do uni sãoteye galmarao akada.”

Aposkạmi 24:16

Onate iń do Isor ar manwako samaṅre jaoge ińakʼ bibek sapha dohoy reakʼ iń kurumuṭuyeda.

Aposkạmi 24:20

Se okoeko nonḍe menakʼko onkogeko men ocoge, maraṅ bạisi samaṅre tinreń teṅgo akan tahẽkana unre cetʼ dosko ńamletʼtińạ mente.

1 Korinthiko 4:4

Ińakʼ bibek do saphagea, menkhan onate noa do baṅ sạbudokʼ kana, iń doń dhoromgea. Probhu Isorge ińakʼe bicạrtińạ.

2 Korinthiko 1:12

Ale oka lạgitʼle sarhaokʼkan ona do noage, aleakʼ bibek do noa gohae emeda je, Isor reakʼ sonot ar soṛatetʼ iạte ale do sanam manwako talare, bạ̃ṛtikaete ape talare jionle khemao akada. Ar ona jion do jel reakʼ akelte do baṅ bickom Isorakʼ daya reakʼ ạyurtele khemao akada.

1 Samuel 12:4

Unre hoṛko menkeda, “Baṅa, am do ale okoe cetanre hõ bam behok akada, ar okoe cetanre hõ bạṛicʼ do bam beohar akada ar okoe ṭhen khon hõ cetʼge bam hatao akada.”

1 Samuel 26:9

Dạud do uniye metadea, “Baṅa, uni do alom gojea. Probhu Isorren ojokʼicʼ cetanre hat lagaokate jãhãe do cetʼ bin dusạne tahẽ daṛekokʼa.?