1 Samuel 12:3 - সান্তালী বাইবেল

³ Iń do nonḍege minạńa; ar iń upạrte apeakʼ jãhãnakʼ roroṛteakʼ menakʼtape khan enḍekhan Probhu Isor ar uniren ojokʼ bahal akan hoṛko samaṅrege roṛpe. Ar goha emokʼpe, okoeren ḍaṅgra se gadha behok lekateń hatao akadea mente? Ar jãhãe ṭhen khon ghus hataokate mocań bond akatʼ tińạ mente? Noako reakʼ jãhãṭakʼgeń kạmi akatʼ khan tobe khan ona reakʼ khuti puruniń emokʼa.”

1 Samuel 12:3 Iomraidhean Croise

2 Samuel 22:22

Ente Probhu Isorakʼ horrege iń doń dãṛãn kana; ar bạṛicʼakʼ kạmikate ińren Isor khon bạń ocokʼ akana.

Nehemiạ 5:11

Ńitokʼ ape do onkoakʼ jaega jumi, darkha bagwan, jạitun bagwan ar oṛakʼ duạr ruạṛ katakope, ona chaḍa ṭaka, anaj, nãwã darkha rasa ar sunum iạte oka sudpe hatao akatʼ onahõ ruạṛkatakope.”

Sereńko 15:5

Uni do sud chaḍa pańcate ṭakae emokʼa, ar ghus bae hataoa ar miridoskoakʼ hõ bae khutiytakoa. Okoe nonkae kạmiyetʼkan uni do jaoge teṅgo ṭak akane tahena.

Exodus 20:17

“Eṭakʼ hoṛakʼ oṛakʼ duạr, se bạhutae, se gutitae se kạ̃ṛmĩtae, se ḍaṅgratae se gadhatae ar jãhãnakʼ cetʼge alom lalocakʼa.”

Exodus 22:4

Kombṛo akade ḍaṅgra, gadha se bhiḍi jodi kombṛoyicʼ ṭhen jiwetʼgeye ńamokʼ enḍekhan kombṛoyicʼ do onko mitʼṭen bodolte bareakate ruạṛkae hoyokʼtaea.

Exodus 23:8

Ghus alom joma, ente okoeyakʼ mẽtʼ menakʼ uni hõ ghusteye kãṛã ocokʼa. Ghus do dhorom hoṛakʼ katha hõe ulṭạu ocoya.

Kạhtukko 15:27

Lalociạ hoṛ do acʼakʼ gharońjre duke ạguiya, menkhan okoe hoṛ ghuse hirkhạwakʼ uni do jione ńama.

Numeri 16:15

Niạ katha ańjomkate Mose do ạḍiye edreyena ar Probhu Isore metadea, “Onkoakʼ samaṅokʼakʼ do alom ataṅtakoa. Onko ṭhen khon iń do mitʼṭen gadha hõ bạń hatao akadea ar onkoakʼ cetʼ hõ bạń loksan akatʼtakoa.”

Mathae 22:21

Adoko menkeda, “Romren maharajakʼ.” Jisui metatʼkoa, “Enḍekhan okaṭakʼ maharajakʼ kan ona do maharajge emaepe, ar okaṭakʼ Isorakʼ kan ona do Isorge emaepe.”

Luk 19:8

Ar Sakhae do onḍege teṅgokate Probhui metadea, “E Probhu, ińakʼ dhon-durib reakʼ adha do reṅgecʼ orecʼkoń emakokana ar jãhãegeń ṭhoka akatʼko khan enḍekhan ona reakʼ pon dobṛań ruạṛkatakokana.”

Aposkạmi 20:33

Jãhãekoakʼ sona, rupạ se kicricʼ khạnḍwạkʼ cetanre iń do bạń laloc akana.

2 Korinthiko 12:14

Iń do ńitokʼ tesar dhao ape ṭhen calakʼ lạgitʼiń sapṛaogea. Ińakʼ bojha do apere bạń ladeapea, ente apeakʼ dhon do bạń khojkana, bickom apegeń khojetʼpea. Gidrạko do go-baba lạgitʼ ṭaka-poesa jarwae reakʼ dạyik kanako ona do baṅ, bickom gidrạko lạgitʼ jarwae do go-baba koakʼge lek kana.

Dosar Biboron 16:19

Behok lekate alope bicạra se okoeyakʼ mẽtʼãhã hõ alope beṅgetʼakʼa. Ghus hõ alope hataoa, ente ghus do ạkilankoakʼ mẽtʼe kãṛã ocoytakoa ar bin dusạn hoṛakʼ katha hõe ulṭạu ocoya.

1 Thessalonikikko 2:10

Ar okoekope pạtiạu akan, ape tulucʼ aleakʼ beohar do, sonot, dhorom ar niphuṭge tahẽkana, ar onaren gohako do Isor ar apege.

1 Thessalonikikko 2:5

Baḍaegeape heṛem heṛem kathako do tishõ bale roṛakada, ar lalocakʼko okokate bulạuakʼ jãhãn katha hõ bale roṛakada, Isorge onaren goha do.

1 Patras 5:2

Ape talare menakʼ Isorakʼ palren gupiko hoyokʼpe. Ńel todarotkope hoyokʼkante onkope ńelkoa ona do baṅ, bickom apnarakʼ monejoṅ lekatege gupikope, ente Isor do ape ṭhen onageye khojkana. Porho ńam lạgitʼ do alope kạmiya, menkhan gagoj monte kạmipe;

1 Samuel 10:1

Ona tayom Samuel do mitʼṭecʼ sunum reakʼ botol ạgukate Sạulakʼ bohokʼreye dulkeda. Ar cokʼadeteye metadea, “Probhu Isor do acʼren hoṛko cetanre mukhiyạ menteye ojokʼ bahalketʼmea.

1 Samuel 12:4

Unre hoṛko menkeda, “Baṅa, am do ale okoe cetanre hõ bam behok akada, ar okoe cetanre hõ bạṛicʼ do bam beohar akada ar okoe ṭhen khon hõ cetʼge bam hatao akada.”

1 Samuel 12:5

Sạmuel do onkoe metatʼkoa, “Teheń do Probhu Isor kangeae goha do, ar uniren ojokʼ bahal akan hoṛko hõ goha kanako, ape do iń ṭhen khon jãhãn jinisge bape ńamleda.” Unre hoṛkoko menkeda, “Uni kangeae goha do.”

1 Samuel 2:35

Menkhan iń do iń lạgitʼ mitʼṭen pạtiạricʼ naekeń teṅgo joṅa, one uni do ińakʼ mone bujhạute ińakʼ sana lekae kạmi. Iń do uniyakʼ bõskoń ṭarhao dohoya ar uni do jaoge ińren bachao hoṛkoe sapʼ sorakoa.

1 Samuel 24:11

E ạlińren ạpuń, nõkʼõe ńelben, ạlińakʼ tire abenakʼ aṅgrop reakʼ ańcar kuṭrạ. Ạlińge abenakʼ aṅgrop khon ańcar liń getʼ kuṭrạ akatʼa menkhan aben do bạliń gocʼletʼ bena. Enḍekhan aben do ńitokʼ ben bujhạu daṛeakʼ kana je, aben cetanre ạlińakʼ jãhãn behokakʼ se hulteakʼ do bạnukʼa. Ar aben upạrte kại hõ bạliń kại akada, menkhan enhõ aben do ạliń gocʼliń lạgitʼ ben sendra baṛayetʼlińạ.

1 Samuel 24:6

Uni do acʼren hoṛkoe metatʼkoa, “Ińren kisạ̃ṛ upạrte, Probhu Isorren ojokʼ bahalicʼ upạrte tiyiń rakab tiń Probhu Isor do ona tishõ bae aṛakʼ akawạdińa, ente uni do Probhu Isorren ojokʼicʼ kanae.”

1 Samuel 24:7

Niạ katha menkate Dạud do acʼren hoṛkoe thamaoketʼkoa ar Sạul cetanre jhãp bae emocoatʼkoa. Ar Sạul do dander khone oḍokente acʼakʼ horteye calao idiyena.

1 Samuel 26:11

Menkhan Probhu Isorren ojokʼicʼ hoṛ cetanre hat lagao do tishõ Probhu Isor do bae aṛakʼ akawạdińa. Dela, ńitokʼ do uniyakʼ bohokʼ ṭhen khon borlom ar dakʼ bhajan laṅ hataoa ar laṅ ruạṛ calakʼa.”

1 Samuel 26:9

Dạud do uniye metadea, “Baṅa, uni do alom gojea. Probhu Isorren ojokʼicʼ cetanre hat lagaokate jãhãe do cetʼ bin dusạne tahẽ daṛekokʼa.?