1 Samuel 12:2 - সান্তালী বাইবেল

² Ńelpe, ńitokʼ do ape ạyurpe lạgitʼ aperen do mitʼṭen raj menaea. Iń doń haṛamena, ariń pạnḍu caba akana, ar ińren hoponkin hõ ape samaṅrege menakʼkinạ. Iń do juạn umer khon teheń hạbicʼ apeń ạyur ạguakatʼpea.

1 Samuel 12:2 Iomraidhean Croise

Sereńko 71:18

E Isor, teheń do haṛamkate upʼko pạnḍu caba akantińre hõ am do alom bạgi giḍiyińạ; tayom bõsrenko ṭhen amakʼ ektiạri reakʼ katha, ar darakan bõsko ṭhen amakʼ daṛe reakʼ katha baṛe lại sodor ocowạńme.

2Timothi 4:6

Ente iń do ńit hoń coḍor ocokʼ kana; ar ińakʼ gujukʼ okte do seṭer akana.

Josuạ 23:1

Probhu Isor do Israelko beṛhaeten bạiriko khone jirạu ocoketʼko tayom ḍher din paromena. Ar Josuạ do ḍher umer hoyentaea, are haṛamena.

Josuạ 23:2

Mitʼ din uni do sanam Israelko, metakʼme onkoren mukhiyạko, mathako, bikʼcạrko ar kạmiyạko hohowatʼkoteye metatʼkoa, “Ńelpe, iń do aema umer hoyakantińạ, ariń haṛamena.

2 Patras 1:14

ente ḍher din noa hoṛmo kumbạre bạń tahen ona do aboren Probhu Jisu Mạsi pusṭạuteye baḍae ocoakadińạ.

1 Samuel 2:22

Eli do unre ạḍiye haṛam akan tahẽkana. Ar Israelko tulucʼ acʼren hoponkinakʼ beohar reakʼ katha ar okoeko maejiu do sapʼsosor kạmi lạgitʼ ńapamokʼ tạmbu reakʼ duạr ṭhenko hijukʼkan tahẽkan onko tulucʼ loṭghuṭi reakʼ katha hõ uniyakʼ luturre hecʼena.

1 Samuel 2:29

Enḍekhan ińakʼ oṛakʼre okako samaṅokʼ reakʼ hukumiń emakatʼ ape do cedakʼ ona janwar dãṛẽ ar eṭakʼ samaṅokʼakʼkope bemanoteda? Ińren hoṛ Israelkoakʼ samaṅokʼakʼko reakʼ joto khon bhageakʼ hạṭińte apnartetʼko jom tirpitokʼkante cedakʼ am do iń khon hõ amren hoponkin bạ̃ṛtim manotetʼkinạ?’

1 Samuel 3:10

Ona tayom Probhu Isor do hecʼkate onḍeye teṅgoyena ar eṭakʼ dhao lekageye hohokeda, “Samuel, E Samuel.” Unre Samuele menkeda, “Ma roṛme, amren guti doń ańjometʼgea.”

1 Samuel 3:13

Iń do uniń menakadea, bedhorom iạte uniren bõsko do jaejug hạbicʼ iń sạjạikoa. Eli doe baḍaekan tahẽkana, acʼren hoponkin do apnartege bohokʼre sạjạikin ạgu akawana, menkhan uni do sontorkin reakʼ bae kurumuṭuleda.

1 Samuel 3:16

Unre Eli do uniye metadea, “E Samuel.” Samuele roṛ ruạṛkeda, “Ma roṛme.”

1 Samuel 8:1

Samuel doe haṛamen khan Israelkoakʼ bikʼcạrtako lạgitʼ acʼren hopone ojokʼ bahalketʼkinạ.

1 Samuel 8:20

Enḍekhan ale do eṭakʼ sanam jạtrenko lekale hoedaṛeakʼa. Aleren raj do aleye bicạrkatalea ar ale laha khone lạṛhạiya.”

1 Samuel 8:3

Menkhan unkin do ạkinren apattetʼ leka do bạkin calakʼkan tahẽkana. Unkin do behok secʼte dhon hameṭjoṅ reakʼ aste dhorom reakʼ horkin bạgiyatʼ tahẽkana. Unkin do ghus hataokate hok reakʼakʼ kin behok ocoyetʼ tahẽkana ar behok do hok reakʼ lekakin hoyocoyetʼ tahẽkana.