1 Samuel 11:6 - সান্তালী বাইবেল

⁶ Hoṛkoakʼ kathae ańjomketʼ khan Isorren Jiu do Sạul cetanreye hecʼena, ar edrete uni doe seṅgelena.

1 Samuel 11:6 Iomraidhean Croise

Exodus 32:19

Ona tayom Mose do ḍera sore senen khan uni mĩhũ ar hoṛko enejokʼkane ńelketʼkoa. Ona ńelte Mose do edreteye seṅgelena ar ti reakʼ dhiri cạkti kine tawakʼkeda. Onate ona dhiri cạktikin do buru latarte ńurente rạputʼena.

Numeri 12:3

Mose do ạḍi mạ̃hir hoṛe tahẽkana, uni do dhạrtiren sanam manwako khon hõ mạ̃hirge.

Mark 3:5

Unre Jisu do edrete onkoe beṅgetʼatʼkoa ar onkoakʼ keṭecʼ mon iạte bhabna salakʼ uni hoṛe metadea, “Amakʼ ti tiạyrtam.” Adoe tiyạrketʼ khan ti do boge utạrentaea.

Ephesiko lạgitʼ Pạul Apostolakʼ ciṭhi 4:26

Arpe edre emanlen khan ona edre iạte alope kạiya; apeakʼ edre do siń cando ạuriye hạsurokʼrege cabakʼtapema,

Bikʼcạrko 11:29

Unre Probhu Isorren Jiu do Jiptha cetanreye hecʼena. Onate Jiptha do Gilead ar Manase ṭoṭha talate senkate Gilead reakʼ Mispateye calaoena ar onḍe khon Amonrenko birudteye laha idiyena.

Bikʼcạrko 13:25

Samson do tinre Sora ar Estaol tala reakʼ Mahan-dan ńutumanakʼ mitʼṭecʼ jaegareye tahẽkana unre Probhu Isorren Jiu do uniye uskurkedea.

Bikʼcạrko 14:6

Unre Probhu Isorren jiu do uni cetanreye decʼena, ar onate eken tite merom hopon leka uni dhạcri kule or cirạkedea. Menkhan okae cekaketʼ ona do acʼren eṅgat apat hõ bae baḍae ocoletʼkinạ.

Bikʼcạrko 15:14

Uni do tinre Lehi ṭhene seṭerena unre Philisṭiko do hohowate uni secʼ hijukʼko ehopʼena. Unre Probhu Isorren goḍet do purạ daṛete uni cetanreye hecʼena. Onate uniyakʼ ti reakʼ baberko do lo busupʼ leka hoyena ar uniyakʼ ti do raṛayentaea.

Bikʼcạrko 3:10

Probhu Isorren Jiu do uni cetanreye hecʼena ar uni do Israelkoren raje hoyena. Uni do tinre lạṛhại lạgitʼe oḍok senena unre Probhu Isor Aramren raj Kusan-Risithayim do uniyakʼ tireye jimạkedea, ar onate uni doe bhagaokedea.

Bikʼcạrko 6:34

Unre Probhu Isorren Jiu do Gideone daṛe ocokedea. Ar Gideon do sakwae oroṅkeda ar Abieser gusṭirenko acʼ ṭhen hecʼkateko jarwayena.

1 Samuel 10:10

Sạul ar uniren guti do Gibeate kin seṭeren khan mitʼ dol nạbiko sãotekin ńapamena. Unre Isorren Jiu do Sạule sarbharao ocokedea, ar uni do nạbiko talare senkate Isorakʼ katha lạlạiye ehopʼena.

1 Samuel 10:6

Unre Probhu Isor do acʼren jiuteye sarbharaomea, ar onate amhõ onko sãote nạbi leka katham roṛa. Ar eṭakʼ lekan hoṛem hoyokʼa.

1 Samuel 16:13

Unre Sạmuel do dereń reakʼ sunumante uniren boehako talareye ojokʼkedea. Ar enhilokʼ khon Probhu Isorren Jiu do Dạud cetanreye hecʼena. Inạ tayom Sạmuel do Ramoteye ruạṛ senena.

1 Samuel 16:14

Unre Probhu Isorren Jiu do Sạule bạgiyadea ar Probhu Isor ṭhen khon mitʼṭen bạṛicʼ jiu hecʼkate maraṅ botor udukʼaye ehopʼena.