10 Onko do Amonrenko metatʼkoa, “Gapage ale do ape taberen hoṛle hoyokʼa. Ar apeakʼ oka kusi onage ale cetanre kạmipe.”
Israelren raj doe roṛ ruạṛkeda, “Ińiń meneda, ińren mạlik maharaj, am okam menetʼ ona do ṭhikgea. Iń ar ińakʼ jotowakʼge amakʼ kangea.”
Gibearen hoṛko do Jabes khon okoe khoborko ạguletʼ onkoko metatʼkoa, “Jabes-Gileadren hoṛko senkatepe metakoa, gapa tikin bhitritege onko doko bańcao ocokʼa.” Ar noa katha Jabesren hoṛko baḍaeketʼ khan ạḍiko kusiyena.