1 Samuel 10:6 - সান্তালী বাইবেল

⁶ Unre Probhu Isor do acʼren jiuteye sarbharaomea, ar onate amhõ onko sãote nạbi leka katham roṛa. Ar eṭakʼ lekan hoṛem hoyokʼa.

1 Samuel 10:6 Iomraidhean Croise

Numeri 11:17

Iń do onḍeń pheḍ hijukʼa ar am tulucʼ iń galmaraoa. Am cetanre okoe Jiu menae uni do onko cetanre hoń emokʼa. Hoṛkoakʼ bojha gog lạgitʼ onkoge amren gokʼṛokoko hoyokʼa. Onate am eskar bojha gogokʼ do baṅ lagaoama.

Numeri 11:25

Unre Probhu Isor do ona rimilreye pheḍ hecʼente Mose sãoteye galmaraokeda. Ar Mose cetanre okoe Jiue tahekan uni do onko eaegel murubbiko cetanre hõe emena. Ar tinre uni Jiu onkoreye hecʼena unre onko do thoṛa ghạṛicʼ lạgitʼ nạbi lekate kathako roṛkeda.

Numeri 11:26

Unre Eldad ar Medad ńutuman bar hoṛ do ḍera bhitrire kin tahẽkana. Unkin hõ bachao akan murubbiko modre kin tahẽkana, ar ńapamokʼ tạmbu ṭhen bạkin sen akan tahẽkana. Enhõ unkin cetanre uni Jiue hecʼena. Unre unkin hõ ḍera talare nạbi lekate katha roroṛkin ehopʼena.

Numeri 11:29

Moseye roṛ ruạṛkeda, “Ińakʼ manotge am ṭhen do maraṅena? Ińiń khojogokʼakʼ do noage Probhu Isorren sanam hoṛge jemon nạbiko hoyokʼ ar Probhu Isor do acʼren Jiu onko cetanreye emokʼ.”

Mathae 7:22

Enhilokʼ do ạḍi hoṛko mitạńa, ‘E Probhu Isor, E Probhu Isor, ale do cetʼ am ńutumte bale nạbileda? Am ńutumte cetʼ bạṛicʼ jiuko bale oḍok giḍiletʼkoa? Am ńutumte cetʼ hahaṛa kạmiko bale kạmileda?’

Bikʼcạrko 14:6

Unre Probhu Isorren jiu do uni cetanreye decʼena, ar onate eken tite merom hopon leka uni dhạcri kule or cirạkedea. Menkhan okae cekaketʼ ona do acʼren eṅgat apat hõ bae baḍae ocoletʼkinạ.

Bikʼcạrko 15:14

Uni do tinre Lehi ṭhene seṭerena unre Philisṭiko do hohowate uni secʼ hijukʼko ehopʼena. Unre Probhu Isorren goḍet do purạ daṛete uni cetanreye hecʼena. Onate uniyakʼ ti reakʼ baberko do lo busupʼ leka hoyena ar uniyakʼ ti do raṛayentaea.

Bikʼcạrko 3:10

Probhu Isorren Jiu do uni cetanreye hecʼena ar uni do Israelkoren raje hoyena. Uni do tinre lạṛhại lạgitʼe oḍok senena unre Probhu Isor Aramren raj Kusan-Risithayim do uniyakʼ tireye jimạkedea, ar onate uni doe bhagaokedea.

1 Samuel 10:10

Sạul ar uniren guti do Gibeate kin seṭeren khan mitʼ dol nạbiko sãotekin ńapamena. Unre Isorren Jiu do Sạule sarbharao ocokedea, ar uni do nạbiko talare senkate Isorakʼ katha lạlạiye ehopʼena.

1 Samuel 10:9

Samuel ṭhen khon calakʼ jokhecʼ Sạul doe ạcuren khan Isor do uniyakʼ mone bodolketʼtaea. Ar enhilokʼge cinhạ lekate roṛakʼ ghoṭnako hoyena.

1 Samuel 11:6

Hoṛkoakʼ kathae ańjomketʼ khan Isorren Jiu do Sạul cetanreye hecʼena, ar edrete uni doe seṅgelena.

1 Samuel 16:13

Unre Sạmuel do dereń reakʼ sunumante uniren boehako talareye ojokʼkedea. Ar enhilokʼ khon Probhu Isorren Jiu do Dạud cetanreye hecʼena. Inạ tayom Sạmuel do Ramoteye ruạṛ senena.

1 Samuel 19:20

Niạ katha ańjomkate uni do Dạud sapʼ ạguiye lạgitʼ hoṛkoe kolketʼkoa. Onko hoṛ do senkateko ńelkeda mitʼ dol nạbi do Sạmuel tabere tahẽkate Isorakʼ kathako lạlạikana. Unre Sạulren hoṛko cetanre hõ Isorren jiue hecʼena ar onko hõ nạbi lekate Isorakʼ katha lạlạiko ehopʼen.