1 Samuel 10:19 - সান্তালী বাইবেল

¹⁹ Samuel do arhõ menkeda, “Menkhan aperen Isor, okoe do sanam lekan muhin ar muskil khone bańcao akatʼpere hõ, ape do unigepe nihạ̃t giḍi akadea arpe meneda, ‘ale cetanre mitʼṭen raj baṛe emalem.’ Onate ńitokʼ ape do apan ạpin gusṭi ar bõs lekate Probhu Isor samaṅre hạjirokʼpe.”

1 Samuel 10:19 Iomraidhean Croise

Kạhtukko 16:33

Hoṛko doko gulibãṭeda, menkhan ona reakʼ nitokʼ do Probhu Isorgeye ṭhikeda.

Mikạ 5:2

Probhu Isore meneda, “Menkhan, E Bethlehem reakʼ Ephrata, am do Jihudạren hajarko modre huḍiń utạricʼ kanre hõm, enhõ am khon ińren nonkan mitʼ hoṛe oḍok hijukʼa okoe do Israelkoren cakʼaloicʼe hoyokʼ, uniyakʼ etohopʼ do ạd khon hecʼạguakana. Sedae jug khonakʼge.”

Numeri 11:20

menkhan goṭa candoge mũ moca khon hirkhạge ạuri oḍokokʼ hạbicʼpe joma. Noako hoyokʼa ente okoe ape talare menae uni Probhu Isorpe nihạ̃t akadea ar uni samaṅre rakʼatepe menakada, Misor disạm bạgiyakʼ do ṭhikakʼ baṅ hoylentalea.’ ”

Numeri 17:2

“Israelko ṭhen senkate onkom metakoa onkoren hapṛamkoakʼ khũṭko leka mimitʼ khũṭren mukhiyạ ṭhen khon mitʼṭecʼkate jotote gelbar goṭecʼ ṭheṅga jemon amko emam. Ar am do onako ṭheṅgare onko mimitʼkoakʼ ńutumem ola.

Dosar Biboron 17:14

“Aperen Probhu Isor okaṭakʼ disạme emape lạgidokʼkan ona dokhol tayom tinre onḍepe girobasokʼa arpe mena, ‘dela, aḍepaseren jạtrenko leka, abo hõ mitʼṭen raj bon bachao joṅa,’

Josuạ 24:1

Inạ tayom Josuạ do Israelren sanam gusṭirenko Sikemre mitʼ ṭhene jarwaketʼkoa. Uni do Israelren murubbiko, mathako, bikʼcạrko ar kạmiyạkoe hohowatʼkoa. Onkate onko do Isor samaṅreko hạjirena.

Bikʼcạrko 8:23

Gideon do onkoe metatʼkoa, “Ale do okoege aperen disạm cakʼlaoko bale hoyokʼa. Iń hõ baṅ ar ińren hoponko hõ baṅ; Probhu Isorge aperen disạm cakʼlaoyicʼe hoyokʼa.”

1 Samuel 10:20

Sạmuel do Israelkoren sanam gusṭikoe hohowatʼkoa. Onko gusṭiko mod khon Benjạmin gusṭiren doko bachao ocoyena.

1 Samuel 12:12

“Menkhan Amonkoren Nahas raj do tinre ape upạrte lạṛhại lạgitʼ hijukʼkanpe ńelkedea unre Probhu Isor do aperen raje tahẽkanre hõ ińpe metadińạ, ‘ale cetanre mitʼṭen raje hoyokʼma.’

1 Samuel 14:23

Nonkate Probhu Isor do enhilokʼ Israelkoe bańcaoketʼkoa, ar Bet-Aben paromkate hõ lạṛhạitegeko tahẽyena.

1 Samuel 14:38

Ona iạte Sạule menkeda, “Lạṛhại dolren mukhiyạko, dela nonḍe hijukʼpe. Teheńakʼ niạ kại do cekate hoyena, ona reakʼ khoj khobor bon hataoa.

1 Samuel 3:21

Ar Probhu Isor do Silore arhõ dorsonte ńel ocokʼe ehopʼena ente Silore uni do acʼakʼ katha hotete Samuel ṭhene sodorokʼkan tahẽkana;

1 Samuel 4:1

Samuel okae menetʼ tahẽkan ona do sanam Israelko ṭhen seṭerokʼkan tahẽkana. Mitʼ dhao Israelko do Philisṭiko upạrte lạṛhại lạgitʼko oḍok calaoena. Ar Ebeneserreko ḍerayena ar Philisṭiko do Aprere.

1 Samuel 8:19

Menkhan hoṛko do Samuelakʼ niạ katha bako moneyatʼtaea. Onkoko menkeda, “Baṅa, ale do mitʼṭen rajgele khojkana.