1 Samuel 10:18 - সান্তালী বাইবেল

¹⁸ Uni do onkoe metatʼkoa, “Israelkoren Probhu Isore menakada, ‘Misor disạm khon ińgeń oḍok ạgu akatʼpea, ar Misorrenkoakʼ ti khon okako rajosṭi do ape cetanre santaoko calaoetʼ tahẽkan onkoakʼ ti khon hõ ińgeń bańcao akatʼpea.’ ”

1 Samuel 10:18 Iomraidhean Croise

Exodus 29:46

Ar unreko baḍae daṛeakʼa, iń kangeạń onkoren Probhu Isor do. Iń do onko talareń tahen lạgitʼte Misor disạm khoniń oḍokʼ ạgu akatʼkoa. Ar iń Probhuge onkoren Isor kạnạń.

Numeri 10:9

Apnarakʼ disạmre tahen jokhecʼ aperen bạiriko sãotepe lạṛhạire banar pepṛẽtʼ mitʼ dhaotepe oroṅa. Unre aperen Probhu Isor do ape lạgitʼe dạndikʼte bạirikoakʼ ti khone rukhiyạpea.

Bikʼcạrko 2:1

Probhu Isorren goḍet do Gilgal khon Bokimre hecʼkate Israelkoe metatʼkoa, “Iń do Misor disạm khoniń oḍok ạgu akatʼpea ar oka disạm emape lạgitʼ aperen hapṛamko ṭheniń gokʼletʼ ona disạmteń ạgu akatʼpea. Ińiń menakada, ‘ape lạgitʼ oka bondobosiń dohoakatʼ ona do tishõ bạń rạpuda.

1 Samuel 12:8

“Jakob do Misor disạmteye senena, ar aperen hapṛamko tinre Probhu Isor ṭhenko rakʼkeda unre Probhu do Mose ar Arone kolketʼkinạ. Unkin do Misor disạm khon aperen hapṛamkokiń oḍok ạguketʼkoa ar niạ disạmrege girobasokʼ lạgitʼkin bondobosatʼkoa.